ലക്ഷദ്വീപ് അഡ്മിനിസ്ട്രേറ്റര് ദര്ശനം നടത്തി
ശബരിമല: ലക്ഷദ്വീപ്, ദാദ്ര ആന്ഡ് നഗര് ഹവേലി ആന്ഡ് ദാമന് ആന്ഡ് ദിയു അഡ്മിനിസ്ട്രേറ്റര് പ്രഫുല് പട്ടേല് ശബരിമലയില് ദര്ശനം നടത്തി.
ഇന്നലെ രാവിലെ കൊച്ചിയില് നിന്ന് ഹെലികോപ്ടറില് നിലയ്ക്കലെത്തിയ അദ്ദേഹം പമ്പ ഗണപതി ക്ഷേത്രത്തിലെത്തി മാലയിട്ട് കെട്ട് നിറച്ചു. അഡ്മിനിസ്ട്രേറ്റര്ക്ക് പുറമെ സുഹൃത്ത് ഹര്ഷദ് കുമാര് പട്ടേല്, ലക്ഷദ്വീപ് കലക്ടര് ഡോ. ഗിരിശങ്കര്, ദാമന് കലക്ടര് സൗരഭ് മിശ്ര എന്നിവരും ഒപ്പമുണ്ടായിരുന്നു. കാല്നടയായി മല ചവിട്ടിയെത്തിയ അദ്ദേഹത്തെ ശബരിമല എ.ഡി.എം അരുണ് എസ്. നായരുടെ നേതൃത്വത്തില് സന്നിധാനത്ത് സ്വീകരിച്ചു.
പതിനെട്ടാം പടി കയറി ഭഗവാനെയും ഉപദേവന്മാരെയും തൊഴുത് മാളികപ്പുറവും സന്ദര്ശിച്ചു. സന്നിധാനം അതിഥി മന്ദിരത്തില് വിശ്രമിച്ച് ഉച്ചയൂണിന് ശേഷം മലയിറങ്ങി. ആദ്യമായാണ് പ്രഫുല് പട്ടേല് സന്നിധാനെത്തുന്നത്. ഒന്നര വര്ഷം മുമ്പ് ഗുരുവായൂര് ക്ഷേത്രം സന്ദര്ശിച്ചിരുന്നു.
LATEST NEWS
തന്ത്രിയുടെ ജാമ്യം റദ്ദാക്കണം വിചാരണക്കോടതി ഉത്തരവിലെ ഭാഗങ്ങള് നീക്കണം: എസ്.ഐ.ടി. അപ്പീല് നല്കി
- ശബരിമലയിലെ മലക്കംമറിച്ചില് വോട്ടിനുവേണ്ടി: വേണുഗോപാല്
- 27 സീറ്റില് മത്സരിക്കും മുസ്ലിം ലീഗ് ഉപമുഖ്യമന്ത്രി പദം ആവശ്യപ്പെടില്ല: കുഞ്ഞാലിക്കുട്ടി
- പത്മകുമാറിനെ പുറത്താക്കല്; പത്മവ്യൂഹത്തില് സി.പി.എം.
- കെ.എസ്.യു. പ്രവര്ത്തകര് ജയില്മോചിതരായി
- ശബരിമല കൊടിമര പുനഃപ്രതിഷ്ഠയില് അഴിമതി കണ്ടെത്തിയില്ലെന്നു വിജിലന്സ്
