അവസാന ശ്രമത്തില് 'എ' ഗ്രേഡുമായി നന്ദിത
തൃശൂര്: മൂന്നാം വയസില് ശാസ്ത്രീയ സംഗീതത്തില് പഠനം തുടങ്ങിയ പി.എസ്. നന്ദിതയ്ക്ക് സംസ്ഥാന കലോത്സവത്തില് മാറ്റുരയ്ക്കാനായിരുന്നു എക്കാലത്തേയും മോഹം. ഒമ്പതില് തുടങ്ങി പ്ലസ് ടു വരെയുള്ള മൂന്ന് വര്ഷക്കാലവും വീറോടെ മത്സരിച്ചെങ്കിലും ജില്ലാ തല കടമ്പ കടക്കാനായില്ല. എന്നാല് ഇത്തവണ സംസ്ഥാന തലത്തിലേക്ക് യോഗ്യത നേടിയതോടെ മിന്നും വിജയത്തിനായി പരിശീലനവും പരിശ്രമവും. തൃശൂരിലെ സംസ്ഥാന കലോത്സവ ശാസ്ത്രീയ സംഗീത വേദിയില് രജ്ഞിനി രാഗത്തില് 'ദുര്മാര്ഗ ചര' കീര്ത്തനവുമായി ഒരലക്കങ്ങ് അലക്കി. അതോടെ 'എ' ഗ്രേഡ് നെഞ്ചോട് ചേര്ത്ത് അഭിനന്ദന പ്രവാഹത്തിലലിഞ്ഞ് മടക്കം.
കോഴിക്കോട് നന്മണ്ട ഹയര് സെക്കന്ഡറി സ്കൂള് പ്ലസ് ടു സയന്സ് വിദ്യാര്ഥിയാണ് നന്ദിത. തായമ്പക കലാകാരന് ശിവപ്രസാദിന്റേയും വയലിനിസ്റ്റ് മീരയുടേയും മകളായ നന്ദിതയില് ചെറുപ്രായത്തിലേ ഉടലെടുത്ത സംഗീത താല്പ്പര്യം വിദഗ്ദ പരിശീലനത്തിലൂടെ വളര്ത്തിയെടുത്തതിന്റെ ഫലമാണ് ഈ 'എ' ഗ്രേഡ്. മൂന്നാംക്ല ാസ് മുതല് ശാസ്ത്രീയ സംഗീതത്തില് പഠനം തുടങ്ങി. സഹോദരി കാര്ത്തിക മുമ്പ് നടന്ന സംസ്ഥാന കലോത്സവത്തില് പങ്കെടുത്ത് മലയാള പദ്യം ചൊല്ലല് ഇനത്തില് സമ്മാനം നേടിയിട്ടുണ്ട്.
LATEST NEWS
തന്ത്രിയുടെ ജാമ്യം റദ്ദാക്കണം വിചാരണക്കോടതി ഉത്തരവിലെ ഭാഗങ്ങള് നീക്കണം: എസ്.ഐ.ടി. അപ്പീല് നല്കി
- ശബരിമലയിലെ മലക്കംമറിച്ചില് വോട്ടിനുവേണ്ടി: വേണുഗോപാല്
- 27 സീറ്റില് മത്സരിക്കും മുസ്ലിം ലീഗ് ഉപമുഖ്യമന്ത്രി പദം ആവശ്യപ്പെടില്ല: കുഞ്ഞാലിക്കുട്ടി
- പത്മകുമാറിനെ പുറത്താക്കല്; പത്മവ്യൂഹത്തില് സി.പി.എം.
- കെ.എസ്.യു. പ്രവര്ത്തകര് ജയില്മോചിതരായി
- ശബരിമല കൊടിമര പുനഃപ്രതിഷ്ഠയില് അഴിമതി കണ്ടെത്തിയില്ലെന്നു വിജിലന്സ്
