സന്നിധാനത്ത് രാജപ്രതിനിധിക്ക് വരവേല്പ്പ്
ശബരിമല: പന്തളം കൊട്ടാരം രാജപ്രതിനിധി പുണര്തം നാള് നാരായണവര്മയ്ക്കും സംഘത്തിനും സന്നിധാനത്ത് ഉപചാരപൂര്വം വരവേല്പ്പ്. തലപ്പാറമല, ഉടുമ്പാറമല എന്നിവയുടെ കൊടിയും വാദ്യോപകരണങ്ങളുമായി അയ്യപ്പസ്വാമിയുടെ പിതൃസ്ഥാനീയരായി കരുതപ്പെടുന്ന ആലങ്ങാട് പേട്ട തുള്ളല് സംഘവും തിരുവാഭരണ പേടക വാഹക സംഘവും സ്വീകരിക്കാനെത്തി. രാജപ്രതിനിധിയെ പതിനെട്ടാം പടിക്കു താഴെ മേല്ശാന്തി ഇ.ഡി. പ്രസാദ് നമ്പൂതിരി മാലയിട്ട് ആനയിച്ചു. പതിനെട്ട് പടി കയറി ഭഗവാനെ തൊഴുതു. മകരവിളക്ക് മഹോത്സവത്തിന്റെ ഭാഗമായി നാളെ കളഭാഭിഷേകവും 19 നു ഗുരുതിയും രാജപ്രതിനിധിയുടെ സാന്നിധ്യത്തില് നടക്കും. 20 നു രാജപ്രതിനിധിയുടെ ദര്ശനത്തിനുശേഷം രാവിലെ 6.30 നു ശബരിമല നടയടയ്ക്കും. നടയടച്ച് താക്കോല്ക്കൂട്ടം രാജപ്രതിനിധിക്കു മേല്ശാന്തി കൈമാറും. പതിനെട്ടാം പടിയിറങ്ങി ദേവസ്വം ബോര്ഡ് പ്രതിനിധികളുടെയും മേല്ശാന്തിയുടെയും സാന്നിധ്യത്തില് താക്കോല്ക്കൂട്ടം ശബരിമല അഡ്മിനിസ്ട്രേറ്റീവ് ഓഫീസര്ക്കു കൈമാറുകയും മാസപൂജ ചെലവിനായി പണക്കിഴിയും നല്കി പന്തളം കൊട്ടാരത്തിലേക്കു യാത്രയാകും.
LATEST NEWS
തന്ത്രിയുടെ ജാമ്യം റദ്ദാക്കണം വിചാരണക്കോടതി ഉത്തരവിലെ ഭാഗങ്ങള് നീക്കണം: എസ്.ഐ.ടി. അപ്പീല് നല്കി
- ശബരിമലയിലെ മലക്കംമറിച്ചില് വോട്ടിനുവേണ്ടി: വേണുഗോപാല്
- 27 സീറ്റില് മത്സരിക്കും മുസ്ലിം ലീഗ് ഉപമുഖ്യമന്ത്രി പദം ആവശ്യപ്പെടില്ല: കുഞ്ഞാലിക്കുട്ടി
- പത്മകുമാറിനെ പുറത്താക്കല്; പത്മവ്യൂഹത്തില് സി.പി.എം.
- കെ.എസ്.യു. പ്രവര്ത്തകര് ജയില്മോചിതരായി
- ശബരിമല കൊടിമര പുനഃപ്രതിഷ്ഠയില് അഴിമതി കണ്ടെത്തിയില്ലെന്നു വിജിലന്സ്
