ദിലീപിനെ കണ്ട് ജഡ്ജി എഴുന്നേറ്റു; പരാമര്ശത്തില് മത്സ്യത്തൊഴിലാളി നേതാവിനെതിരേ കേസ്
കൊച്ചി: നടിയെ ആക്രമിച്ച കേസില് വിധി പറയുന്ന ദിവസം ദിലീപ് കോടതിയിലെത്തിയപ്പോള് ജഡ്ജി എഴുന്നേറ്റു നിന്നെന്ന പരാമര്ശത്തില് കേസെടുക്കാന് പോലീസ് നിര്ദേശം. മത്സ്യത്തൊഴിലാളി ഐക്യവേദി നേതാവ് ചാള്സ് ജോര്ജിനെതിരേയാണു കോടതിയലക്ഷ്യ കേസ് എടുക്കുക. എറണാകുളം ജുഡീഷ്യല് ഒന്നാം ക്ലാസ് മജിസ്ട്രേറ്റ് കോടതിയാണു പോലീസിനു നിര്ദേശം നല്കിയത്.
ഡിസംബര് എട്ടിനു നടിയെ ആക്രമിച്ച കേസിലെ വിധി വന്നശേഷം പ്രതികരണം തേടിയപ്പോഴാണ് ചാള്സ് ഗുരുതര പരാമര്ശം നടത്തിയത്. ദിലീപ് വന്നപ്പോള് ജഡ്ജി എഴുന്നേറ്റ് നിന്നെന്നാണു ചാള്സ് പറഞ്ഞത്. ഇതു സോഷ്യല് മീഡിയയില് ചര്ച്ചകള്ക്കു വഴിവച്ചു. ചില തെറ്റായ ധാരണകള് കൊണ്ടാണു ചാള്സ് ഇത്തരമൊരു പരാമര്ശം നടത്തിയതെന്നു പിന്നീട് പല വിശദീകരണങ്ങളും പുറത്തുവരികയും ചെയ്തിരുന്നു. ചാള്സിന്റെ പരാമര്ശം എറണാകുളം പ്രിന്സിപ്പല് സെഷന്സ് കോടതിയെ അധിക്ഷേപിച്ചുവെന്നാണു കോടതിയുടെ നിരീക്ഷണം.
എറണാകുളം സെന്ട്രല് പോലീസിനാണു കേസെടുക്കാന് എറണാകുളം ജുഡീഷ്യല് ഒന്നാം ക്ലാസ് മജിസ്ട്രേറ്റ് കോടതി നിര്ദേശം നല്കിയിരിക്കുന്നത്. അഭിഭാഷകനായ പി.ജെ. പോള്സണാണു പരാതിയുമായി കോടതിയെ സമീപിച്ചത്. നീതിന്യായ വ്യവസ്ഥയെ അവഹേളിക്കുന്ന പരാമര്ശമാണ് ചാള്സിന്റെ ഭാഗത്തുനിന്ന് ഉണ്ടായതെന്നാണു പരാതിയില് ചൂണ്ടിക്കാട്ടുന്നത്.
LATEST NEWS
തന്ത്രിയുടെ ജാമ്യം റദ്ദാക്കണം വിചാരണക്കോടതി ഉത്തരവിലെ ഭാഗങ്ങള് നീക്കണം: എസ്.ഐ.ടി. അപ്പീല് നല്കി
- ശബരിമലയിലെ മലക്കംമറിച്ചില് വോട്ടിനുവേണ്ടി: വേണുഗോപാല്
- 27 സീറ്റില് മത്സരിക്കും മുസ്ലിം ലീഗ് ഉപമുഖ്യമന്ത്രി പദം ആവശ്യപ്പെടില്ല: കുഞ്ഞാലിക്കുട്ടി
- പത്മകുമാറിനെ പുറത്താക്കല്; പത്മവ്യൂഹത്തില് സി.പി.എം.
- കെ.എസ്.യു. പ്രവര്ത്തകര് ജയില്മോചിതരായി
- ശബരിമല കൊടിമര പുനഃപ്രതിഷ്ഠയില് അഴിമതി കണ്ടെത്തിയില്ലെന്നു വിജിലന്സ്
