കശുവണ്ടി തട്ടിപ്പുകേസ്: അനീഷ് ബാബു കസ്റ്റഡിയില്
കൊച്ചി: കൊല്ലത്തെ കശുവണ്ടി ഇറക്കുമതി തട്ടിപ്പുകേസില് വ്യവസായി അനീഷ് ബാബുവിനെ കസ്റ്റഡിയിലെടുത്ത് എന്ഫോഴ്സ്മെന്റ് ഡയറക്ടറേറ്റ് (ഇ.ഡി). കൊച്ചിയില് നിന്ന് കസ്റ്റഡിയിലെടുത്ത അനീഷിന്റെ അറസ്റ്റ് രേഖപ്പെടുത്തും.
ടാന്സാനിയയില് നിന്ന് കശുവണ്ടി ഇറക്കുമതി ചെയ്ത് നല്കാമെന്നു പറഞ്ഞു കോടികള് തട്ടിയ കേസിലാണ് അനീഷിനെതിരേ ഇ.ഡി. അന്വേഷണം നടത്തുന്നത്. പത്തു തവണ സമന്സ് അയച്ചിട്ടും ചോദ്യം ചെയ്യലിനായി അനീഷ് ബാബു ഹാജരായില്ലെന്നുകാട്ടി എറണാകുളം മജിസ്ട്രേറ്റ് കോടതിയില് ഇ.ഡി. ഹര്ജി ഫയല് ചെയ്തിരുന്നു.
അറസ്റ്റ്ചെയ്യാന് ഉദ്ദേശിക്കുന്നില്ലെന്നും വിവരശേഖരണത്തിനാണു വിളിപ്പിച്ചതെന്നും വ്യക്തമാക്കിയിരുന്നെങ്കിലും ഇയാള് ഹാജരായിരുന്നില്ല. അന്വേഷണം മുന്നോട്ടുപോകുന്ന ഘട്ടത്തില് കേസ് ഒതുക്കിത്തീര്ക്കാനായി ഇ.ഡി. ഉദ്യോഗസ്ഥന് ഉള്പ്പെടെയുള്ളവര് കൈക്കൂലിക്കായി സമീപിച്ചുവെന്ന് അനീഷ് ബാബു നേരത്തെ ആരോപണം ഉന്നയിച്ചിരുന്നു.
LATEST NEWS
തന്ത്രിയുടെ ജാമ്യം റദ്ദാക്കണം വിചാരണക്കോടതി ഉത്തരവിലെ ഭാഗങ്ങള് നീക്കണം: എസ്.ഐ.ടി. അപ്പീല് നല്കി
- ശബരിമലയിലെ മലക്കംമറിച്ചില് വോട്ടിനുവേണ്ടി: വേണുഗോപാല്
- 27 സീറ്റില് മത്സരിക്കും മുസ്ലിം ലീഗ് ഉപമുഖ്യമന്ത്രി പദം ആവശ്യപ്പെടില്ല: കുഞ്ഞാലിക്കുട്ടി
- പത്മകുമാറിനെ പുറത്താക്കല്; പത്മവ്യൂഹത്തില് സി.പി.എം.
- കെ.എസ്.യു. പ്രവര്ത്തകര് ജയില്മോചിതരായി
- ശബരിമല കൊടിമര പുനഃപ്രതിഷ്ഠയില് അഴിമതി കണ്ടെത്തിയില്ലെന്നു വിജിലന്സ്
