പ്രമുഖ ശില്പി സാബു ജോസഫ് അന്തരിച്ചു
കോട്ടയം: പ്രമുഖ ശില്പി കാഞ്ഞിരപ്പള്ളി കരിപ്പാപറമ്പില് സാബു ജോസഫ് (77) അന്തരിച്ചു. തിരുവനന്തപുരത്തു വച്ചായിരുന്നു അന്ത്യം.
കാഞ്ഞിരപ്പള്ളി കരിപ്പാപറമ്പില് പരേതരായ കെ.സി. ജോസഫ്, അച്ചാമ്മ ദമ്പതികളുടെ മകനാണ്. കേരളത്തിലെ ഒട്ടുമിക്ക രാഷ്്രടീയ നേതാക്കളുടെയും പ്രതിമ തീര്ത്തത് സാബുവാണ്. കോട്ടയം നഗരത്തിലെ പി.ടി.ചാക്കോ, ബെഞ്ചമിന് ബെയ്ലി, തിരുവനന്തപുരം നഗരത്തിലെ സി.കേശവന്, അക്കാമ്മ ചെറിയാന്, മുവാറ്റുപുഴയിലെ കെ.എം.ജോര്ജ് തുടങ്ങിയ പ്രതിമകള് സാബുവിന്റെ സൃഷ്ടികളാണ്.
വിശുദ്ധ അല്ഫോന്സാമ്മ, വാഴ്ത്തപ്പെട്ട തേവര്പറമ്പില് കുഞ്ഞച്ചന്, കര്ദിനാള് ജോസഫ് പാറേക്കാട്ടില്, കോട്ടയ്ക്കല് ആര്യവൈദ്യശാല വൈദ്യരത്നം പി.എസ്.വാര്യര്, ചലച്ചിത്ര സംവിധായകന് കുഞ്ചാക്കോ, കോട്ടയം രൂപത മുന് ബിഷപ് മാര് തോമസ് തറയില്, കട്ടക്കയത്തില് ചെറിയാന് മാപ്പിള, കാഞ്ഞിരപ്പള്ളി എകെജെഎം സ്കൂളിലെ ഈശോസഭ സ്ഥാപകന് വിശുദ്ധ ഇഗ്നേഷ്യസ് ലയോള തുടങ്ങിയ പ്രതിമകളും തീര്ത്തത് സാബു ജോസഫാണ്.
കാഞ്ഞിരപ്പള്ളി എ.കെ.ജെ.എം സ്കൂള്, തുമ്പ സെന്റ് സേവ്യേഴ്സ് കോളജ്, മദ്രാസ് കോളജ് ഓഫ് ആര്ട്ട്സ് ആന്ഡ് ക്രാഫ്റ്റ്സ് എന്നിവിടങ്ങളില് വിദ്യാഭ്യാസം പൂര്ത്തിയാക്കി. ശില്പകലയില് മദ്രാസ് കോളജ് ഓഫ് ആര്ട്സ് ആന്ഡ് ക്രാഫ്റ്റ്സില്നിന്ന് അഞ്ച് വര്ഷത്തെ ഡിപ്ലോമ ആന്ഡ് പോസ്റ്റ് ഡിപ്ലോമ കോഴ്സ് പഠനമികവിന്റെ ആനുകൂല്യത്തില് നാലു വര്ഷം കൊണ്ട് സാബു പൂര്ത്തിയാക്കിയിരുന്നു. കോഴ്സ് ഒന്നാം ക്ലാസില് ഒന്നാം റാങ്കോടെയാണു പാസായത്. ചിത്രകാരനായ കെ.സി.എസ്. പണിക്കര്, പ്രശസ്ത ശില്പകലാകാരന് ധനപാലന് എന്നിവരുടെ ശിക്ഷണത്തിലാണു ശില്പകല പഠനം പൂര്ത്തിയാക്കിയത്.
ഷെവലിയര് ആര്ട്ടിസ്റ്റ് പി.ജെ.ചെറിയാന്റെ ചെറുമകനും സ്വാതന്ത്ര്യ സമരസേനാനികളായ അക്കാമ്മ ചെറിയാന്റെയും റോസമ്മ പുന്നൂസിന്റെയും സഹോദരപുത്രനുമാണ്. പ്രമുഖ ചലച്ചിത്ര ഛായാഗ്രാഹകന് സാലൂ ജോര്ജ് സഹോദരനാണ്. ഭാര്യ: കാഞ്ഞിരപ്പള്ളി കടമപ്പുഴ ഫാറ്റിമ. മക്കള്: ആന് ട്രീസ അല്ഫോന്സ് (യു.കെ), റോസ്മേരി അന്റണി (സൗത്ത് ഇന്ത്യന് ബാങ്ക്, കൊച്ചി), ലിസ് മരിയ സാബു (എച്ച്.ഡി.എഫ്.സി, തൃശൂര്). മരുമക്കള്: പ്രവീണ് അല്ഫോന്സ് ജോണ് പിട്ടാപ്പള്ളി, ആന്റണി ജോസ് കോണിക്കര.സംസ്കാരം നാളെ ഉച്ചയ്ക്കു 12 ന് മണ്ണന്തല റാണിഗിരി പള്ളിയില് ആരംഭിച്ച് നാലാഞ്ചിറ മാര് ഇവാനിയോസ് കോളജ് ക്യാംപസിലെ സെമിത്തേരിയില്. രാവിലെ 10.30 ന് മൃതദേഹം റാണിഗിരി പള്ളി ഹാളില് പൊതുദര്ശനത്തിനു വയ്ക്കും.
LATEST NEWS
തന്ത്രിയുടെ ജാമ്യം റദ്ദാക്കണം വിചാരണക്കോടതി ഉത്തരവിലെ ഭാഗങ്ങള് നീക്കണം: എസ്.ഐ.ടി. അപ്പീല് നല്കി
- ശബരിമലയിലെ മലക്കംമറിച്ചില് വോട്ടിനുവേണ്ടി: വേണുഗോപാല്
- 27 സീറ്റില് മത്സരിക്കും മുസ്ലിം ലീഗ് ഉപമുഖ്യമന്ത്രി പദം ആവശ്യപ്പെടില്ല: കുഞ്ഞാലിക്കുട്ടി
- പത്മകുമാറിനെ പുറത്താക്കല്; പത്മവ്യൂഹത്തില് സി.പി.എം.
- കെ.എസ്.യു. പ്രവര്ത്തകര് ജയില്മോചിതരായി
- ശബരിമല കൊടിമര പുനഃപ്രതിഷ്ഠയില് അഴിമതി കണ്ടെത്തിയില്ലെന്നു വിജിലന്സ്
