'ഈശ്വര വിശ്വാസമില്ലാത്തവര്ക്ക് ഭക്തി സ്വര്ണത്തോടാവും'
ഡല്ഹി: ശബരിമല സ്വര്ണക്കൊള്ളയില് യഥാര്ഥ കള്ളന്മാരെ ജനം തിരിച്ചറിഞ്ഞിട്ടുണ്ടെന്നും ഇനിയും കൂടുതല് പേരുകള് പുറത്തുവരുമെന്നും എ.ഐ.സി.സി ജനറല് സെക്രട്ടറി കെ.സി വേണുഗോപാല് എം.പി. ഇത് വിശ്വാസത്തിനെതിരെയുള്ള ഒരു കടന്നാക്രമണമാണ്. ഈശ്വര വിശ്വാസമില്ലാത്തവര് ഇത്തരം കാര്യങ്ങള് നിയന്ത്രിക്കുമ്പോള് അവര്ക്ക് ദൈവത്തോടല്ല, ദൈവത്തിന്റെ മുമ്പിലുള്ള സ്വര്ണത്തോടായിരിക്കും ഭക്തിയെന്നും വേണുഗോപാല് പറഞ്ഞു.
കോണ്ഗ്രസിനെ തോല്പ്പിക്കാന് പഞ്ചായത്ത് പ്രസിഡന്റ് സ്ഥാനത്തിനായി വരെ എന്തൊക്കെ പ്രലോഭനങ്ങള് നല്കാന് സി.പി.എം തയാറാകുന്നുവെന്നത് അവര് തന്നെ തുറന്നു കാട്ടിയിരിക്കുകയാണ്. കിട്ടുന്ന എല്ലാ വഴികളും തേടുന്നതാണ് പുതിയ മാര്ക്സിസം തിയറിയെന്നും വേണുഗോപാല് പരിഹസിച്ചു. ഒരു മാധ്യമ പ്രവര്ത്തകനും ഭീകരവാദിയല്ല. മാധ്യമ പ്രവര്ത്തകര് നമ്മളെ വിമര്ശിക്കും. ചിലപ്പോള് വിമര്ശനം അതിരു കടന്നേക്കാം. അതിരെവിടെയെന്ന് നിശ്ചയിക്കേണ്ടത് മാധ്യമ പ്രവര്ത്തകരാണ്. നമ്മള് അല്ല. മാധ്യമങ്ങളെ മുഴുവനായി മോശമായി ചിത്രീകരിക്കുന്ന സമീപനത്തോട് യോജിപ്പില്ലെന്നും വേണുഗോപാല് പറഞ്ഞു.
LATEST NEWS
തന്ത്രിയുടെ ജാമ്യം റദ്ദാക്കണം വിചാരണക്കോടതി ഉത്തരവിലെ ഭാഗങ്ങള് നീക്കണം: എസ്.ഐ.ടി. അപ്പീല് നല്കി
- ശബരിമലയിലെ മലക്കംമറിച്ചില് വോട്ടിനുവേണ്ടി: വേണുഗോപാല്
- 27 സീറ്റില് മത്സരിക്കും മുസ്ലിം ലീഗ് ഉപമുഖ്യമന്ത്രി പദം ആവശ്യപ്പെടില്ല: കുഞ്ഞാലിക്കുട്ടി
- പത്മകുമാറിനെ പുറത്താക്കല്; പത്മവ്യൂഹത്തില് സി.പി.എം.
- കെ.എസ്.യു. പ്രവര്ത്തകര് ജയില്മോചിതരായി
- ശബരിമല കൊടിമര പുനഃപ്രതിഷ്ഠയില് അഴിമതി കണ്ടെത്തിയില്ലെന്നു വിജിലന്സ്
