കെ-ടെറ്റ് യോഗ്യത: ഉത്തരവ് മരവിപ്പിച്ച് സര്ക്കാര്
തിരുവനന്തപുരം: സംസ്ഥാനത്തെ സര്ക്കാര്, എയ്ഡഡ് സ്കൂള് അധ്യാപക നിയമനങ്ങള്ക്കും സ്ഥാനക്കയറ്റങ്ങള്ക്കും കെ-ടെറ്റ് യോഗ്യത നിര്ബന്ധമാക്കിയ ഉത്തരവ് സര്ക്കാര് മരവിപ്പിച്ചു. ഇടത് അധ്യാപക സംഘടനകളുടെ ഉള്പ്പെടെ ശക്തമായ എതിര്പ്പിനെ തുടര്ന്നാണ് നടപടി.
വിദ്യാഭ്യാസമന്ത്രി വി. ശിവന്കുട്ടിയാണ് ഇക്കാര്യം അറിയിച്ചത്. സുപ്രീംകോടതി വിധിക്കെതിരേ ഉടന് റിവ്യൂ ഹര്ജി നല്കാനും സര്ക്കാര് തീരുമാനിച്ചു. കഴിഞ്ഞ സെപ്റ്റംബര് ഒന്നിനാണ് ഇതുസംബന്ധിച്ച് സുപ്രീംകോടതി വിധി വന്നത്. കെ-ടെറ്റ് യോഗ്യതയായി തീരുമാനിക്കും മുമ്പ് സര്വീസില് കയറിയ ആയിരക്കണക്കിന് അധ്യാപകരുടെ ജോലിയെയും സ്ഥാനക്കയറ്റത്തെയും ബാധിക്കുന്ന വിഷയത്തില് പുനഃപരിശോധനാ ഹര്ജി നല്കുന്നതു പരിഗണിക്കുമെന്ന് വിദ്യാഭ്യാസവകുപ്പ് അറിയിച്ചിരുന്നു.
എന്നാല് ഇത് പാലിക്കാതെ കെ-ടെറ്റ് നിര്ബന്ധമാക്കി സര്ക്കാര് ഉത്തരവിറക്കിയതോടെയാണ് സംഘടനകള് പ്രതിഷേധവുമായി രംഗത്തെത്തിയത്. നിലവില് സര്വീസിലുള്ള അധ്യാപകര്ക്കു വേണ്ടി ഫെബ്രുവരിയില് പ്രത്യേക പരീക്ഷ നടത്താനാണ് തീരുമാനിച്ചിരുന്നത്.
അതു കഴിഞ്ഞ് കൂടുതല് വ്യക്തതയുള്ള പുതിയ ഉത്തരവ് ഇറക്കാനാണ് സര്ക്കാര് തീരുമാനം. സര്വീസിലുള്ളവര്ക്ക് കെ-ടെറ്റ് നേടാന് രണ്ട് വര്ഷം സുപ്രീംകോടതി സാവകാശം നല്കിയിട്ടുണ്ട്. ഈ സാഹചര്യത്തില് ഇന്നലെ ഇറക്കിയ ഉത്തരവ് സര്ക്കാര് പുനഃപരിശോധിക്കണമെന്ന ആവശ്യമാണ് അധ്യാപക സംഘടനകള് ഉന്നയിച്ചത്.
LATEST NEWS
തന്ത്രിയുടെ ജാമ്യം റദ്ദാക്കണം വിചാരണക്കോടതി ഉത്തരവിലെ ഭാഗങ്ങള് നീക്കണം: എസ്.ഐ.ടി. അപ്പീല് നല്കി
- ശബരിമലയിലെ മലക്കംമറിച്ചില് വോട്ടിനുവേണ്ടി: വേണുഗോപാല്
- 27 സീറ്റില് മത്സരിക്കും മുസ്ലിം ലീഗ് ഉപമുഖ്യമന്ത്രി പദം ആവശ്യപ്പെടില്ല: കുഞ്ഞാലിക്കുട്ടി
- പത്മകുമാറിനെ പുറത്താക്കല്; പത്മവ്യൂഹത്തില് സി.പി.എം.
- കെ.എസ്.യു. പ്രവര്ത്തകര് ജയില്മോചിതരായി
- ശബരിമല കൊടിമര പുനഃപ്രതിഷ്ഠയില് അഴിമതി കണ്ടെത്തിയില്ലെന്നു വിജിലന്സ്
