‘ലവ് യു പപ്പാ....’ കൈപ്പടിയില്‍ എഴുതിയ കുറിപ്പിനൊപ്പം ചന്ദ്രനെ ചൂണ്ടി ദുബായിൽ പുതുവത്സരമാ​ഘോഷിച്ച് ഇഷ ഡിയോള്‍ ലവ് ഇമോജി കമന്റായി നല്‍കി സഹോദരൻ ബോബി ഡിയോൾ

Esha Deol pays tribute to late father Dharmendra (Image Source: Instagram)

ഇക്കഴിഞ്ഞ വര്‍ഷം ബോളിവുഡ് സിനിമാമേഖലയിലുണ്ടായ ഏറ്റവും വലിയ നഷ്ടമായിരുന്നു ഇതിഹാസ താരം ധർമ്മേന്ദ്രയുടേത്. അരനൂറ്റാണ്ടിലേറെ കാലം ബോളിവുഡ് സിനിമ അടക്കി ഭരിച്ച നായകന്‍, ബോളിവുഡിലെ 'ഹീ-മാൻ' എന്ന് അറിയപ്പെടുന്ന നടൻ, ആറ് പതിറ്റാണ്ടിലേറെ നീണ്ട കരിയറിൽ 300-ൽ പരം സിനിമകളില്‍ അഭിനയിച്ച താരം എന്നിങ്ങനെ ബഹുമതികള്‍ അനവധിയാണ് ധർമ്മേന്ദ്രയ്ക്ക്. താരത്തിന്റെ വിടവാങ്ങല്‍ കുടുംബത്തെയും ആരാധകരെയും ഒരുപോലെ നൊമ്പരപ്പെടുത്തിയിരുന്നു.
ഇപ്പോഴിതാ 2026 ലെ പുതുവത്സരാഘോഷത്തിനിടെ തന്റെ അച്ഛനെ ഓര്‍മ്മിക്കുകയാണ് മകളും അഭിനേത്രിയുമായ ഇഷ ഡിയോൾ. തന്റെ പിതാവും ഇതിഹാസ ബോളിവുഡ് താരവുമായ ധർമ്മേന്ദ്രയ്ക്ക് വൈകാരികമായ ആദരാഞ്ജലി അർപ്പിച്ചുകൊണ്ടായിരുന്നു ഇഷയുടെ പോസ്റ്റ്. ദുബായിലുള്ള താരം പാർട്ടിയിലെ തൊപ്പി ധരിച്ച് ഫോട്ടോകൾക്ക് പോസ് ചെയ്തു. തെളിഞ്ഞ ആകാശത്ത് ചന്ദ്രന്റെ അതിശയകരമായ കാഴ്ചയാണ് മറ്റുള്ളവരില്‍ നിന്ന് വ്യത്യസ്തയായി ഇഷ പോസ്റ്റ് ചെയ്തത്.
ആഘോഷത്തിന്റെ സായാഹ്നത്തിനായി പാര്‍ട്ടിയ്ക്ക് പങ്കെടുക്കുന്ന ഔട്ട്ഫിറ്റിലും ആക്സസറീസിലും തിളങ്ങിയ താരം ഒരു ഹൃദയംഗമമായ ആശംസയും ആരാധകര്‍ക്കായി കുറിച്ചു. ‘‘അനുഗ്രഹീതനും സന്തോഷവാനും ആരോഗ്യവാനും ശക്തനുമായിരിക്കുക. നിങ്ങളെ എല്ലാവരെയും സ്നേഹിക്കുന്നു...’’ എന്നാണ് ഇഷ കുറിച്ചത്.
മറ്റൊരു ചിത്രത്തിലാണ് അച്ഛനു വേണ്ടിയുള്ള കുറിപ്പ് ഇഷ പങ്കിട്ടത്. ‘ലവ് യു പപ്പാ....’ എന്ന കൈപ്പടയിൽ എഴുതിയ കുറിപ്പോടെ ചന്ദ്രനെ ചൂണ്ടി നിൽക്കുന്ന ഒരു ഫോട്ടോയാണ് ഇഷ പങ്കിട്ടത്. ഇഷയുടെ ഈ പോസ്റ്റിന് താഴെ ആരാധകരടക്കം നിരവധി പേര്‍ കമന്റുകളും സ്നേഹവും കുറിച്ചു. ചുവന്ന ഹൃദയ ഇമോട്ടിക്കോണുകളുടെ ഒരു നിരയിട്ടാണ് സഹോദരന്‍ ബോബി ഡിയോള്‍ ഷയ്ക്ക് തന്റെ എല്ലാ സ്നേഹവും അയച്ചത്.
ഡിയോൾ കുടുംബം ധർമ്മേന്ദ്രയ്‌ക്കായി രണ്ട് പ്രത്യേക പ്രാർത്ഥനാ ശുശ്രൂഷകൾ നടത്താൻ തീരുമാനിച്ചതിന് ശേഷമാണ് ഈ സഹോദര സ്നേഹം ഉണ്ടായത്. ബോബിയും സണ്ണിയും നഗരത്തിലെ ഒരു ഹോട്ടലിൽ ഒരു പ്രാർത്ഥനാ യോഗം നടത്തിയപ്പോൾ, ഹേമ മാലിനി തന്റെ വസതിയിൽ മറ്റൊന്ന് സംഘടിപ്പിച്ചു, രണ്ടും ഒരേ ദിവസം തന്നെയായിരുന്നു. അതിനു ശേഷം ഹേമയും പെൺമക്കളും ഡൽഹിയിൽ മറ്റൊരു പ്രാർത്ഥനാ യോഗവും നടത്തിയിരുന്നു.

View this post on Instagram

A post shared by ESHA DHARMENDRA DEOL (@imeshadeol)

ധർമ്മേന്ദ്രയുടെ അവസാന ചിത്രമായ ‘ഇക്കിസ്’ ഇന്നാണ് ബിഗ്സ്ക്രീനിലേക്ക് എത്തുന്നത്. അമിതാഭ് ബച്ചന്റെ ചെറുമകൻ അഗസ്ത്യ നന്ദയും അഭിനയിക്കുന്ന ഈ ചിത്രം, പരമവീര ചക്ര ലഭിച്ച ഏറ്റവും പ്രായം കുറഞ്ഞയാളായ സെക്കൻഡ് ലെഫ്റ്റനന്റ് അരുൺ ഖേതർപാലിനെ അടിസ്ഥാനമാക്കിയുള്ള ഒരു യുദ്ധ ജീവചരിത്രമാണ്.
ആദ്യഭാര്യ പ്രകാശ് കൗറിനൊപ്പം കുടുംബജീവിതം നയിക്കുന്നതിനിടെയാണ് അന്തരിച്ച നടൻ ധർമേന്ദ്ര ഹേമമാലിനിയുമായി പ്രണയത്തിലാവുന്നതും വിവാഹം കഴിക്കുന്നതും. ഹേമയെ വിവാഹം ചെയ്യുമ്പോൾ ധർമേന്ദ്രയ്ക്ക് നാലുമക്കളും പിറന്നിരുന്നു. പിന്നീട് ഹേമയെ വിവാഹം ചെയ്ത ധര്‍മ്മേന്ദ്രയ്ക്ക് ആ ബന്ധത്തില്‍ ഇഷ, അഹാന എന്നീ പെണ്‍മക്കളുമുണ്ടായി.