ശബരിമല സ്വര്ണക്കവര്ച്ച കേസ്: ആന്റോ ആന്റണിയെയും വിളിപ്പിക്കാന് എസ്.ഐ.ടി.
തിരുവനന്തപുരം: ശബരിമല സ്വര്ണക്കവര്ച്ച കേസില് യു.ഡി.എഫ്. കണ്വീനര് അടൂര് പ്രകാശിനു പുറമേ ആന്റോ ആന്റണി എം.പിയെയും എസ്.ഐ.ടി. ചോദ്യംചെയ്യും. അഞ്ചിന് എസ്.ഐ.ടി. ആസ്ഥാനത്തു ഹാജരാകാന് അടൂര് പ്രകാശിന് ഇന്ന് നോട്ടീസ് നല്കുമെന്നാണു സൂചന.
അടൂരിന്റെ മൊഴി രേഖപ്പെടുത്തിയശേഷം ആന്റോ ആന്റണിയെ വിളിച്ചുവരുത്താനാണ് നീക്കം. കേസിലെ മുഖ്യപ്രതി ഉണ്ണിക്കൃഷ്ണന് പോറ്റിയുമായി ഇരുവര്ക്കുമുള്ള ബന്ധവും ഇടപെടലുകളുടെ പശ്ചാത്തലവുമാണ് അന്വേഷിക്കുന്നത്. പോറ്റിയും മറ്റൊരു പ്രതി ഗോവര്ധനും ന്യൂഡല്ഹിയില് സോണിയാ ഗാന്ധിയെ സന്ദര്ശിച്ചപ്പോള് അടൂര് പ്രകാശും ആന്റോയും ഒപ്പമുണ്ടായിരുന്നതിന്റെ ചിത്രങ്ങള് പുറത്തുവന്നിരുന്നു.
സോണിയ ഗാന്ധിയെ ഉണ്ണിക്കൃഷ്ണന് പോറ്റി ഒന്നിലേറെ തവണ സന്ദര്ശിച്ചതിന്റെയും ഉപഹാരങ്ങള് കൈമാറിയതിന്റെയും കൈയില് ചരട് കെട്ടിക്കൊടുത്തതിന്റെയും ചിത്രങ്ങളാണ് നേരത്തെ പുറത്തുവന്നത്. ഈ ദൃശ്യങ്ങളുടെ ആധികാരികത, സന്ദര്ശനങ്ങളുടെ ഉദ്ദേശ്യം, ഇടനിലക്കാരുടെ പങ്ക് എന്നിവയിലാകും അന്വേഷണം കേന്ദ്രീകരിക്കുക. ആന്റോ ആന്റണി, അടൂര് പ്രകാശ്, ഉണ്ണിക്കൃഷ്ണന് പോറ്റി എന്നിവരുടെ മൊഴികള് ക്രോസ് വെരിഫിക്കേഷന് നടത്തും.
സുനില് ജെ. സണ്ണി
YOU MAY BE INTERESTED
LATEST NEWS
- ഒട്ടുമില്ല സമയം, മൂന്നേ മൂന്നാഴ്ചയില് ജനങ്ങളിലേക്ക് എത്താന് മുന്നണികളുടെ നെട്ടോട്ടം: മത്സരം ത്രികോണം, ജാതി- മത സമുദായ സമവാക്യങ്ങള് നിര്ണായകം
- 78 സീറ്റുമായി സംസ്ഥാനത്ത് ഇടതു ഭരണത്തുടര്ച്ച പ്രവചിച്ച് ഇന്റലിജന്സ്, റിപ്പോര്ട്ടില് സി.പി.എം. പ്രതീക്ഷിച്ച സീറ്റ് ഇല്ല
- ഓട്ടോറിക്ഷ തടഞ്ഞുനിര്ത്തി യുവാവിനെ കുത്തിക്കൊലപ്പെടുത്തി; ബന്ധു അറസ്റ്റിൽ
- എല്ലാ സീറ്റിലും വിജയം ലക്ഷ്യമിട്ടുളള സ്ഥാനാർത്ഥികൾ വരും, ജനങ്ങൾക്കാവശ്യം വികസന രാഷ്ട്രീയം:BJP സംസ്ഥാന അധ്യക്ഷന് രാജീവ് ചന്ദ്രശേഖർ
- ബെംഗളൂരുവിലെ 23കാരിയുടെ മരണം; ഭർത്താവ് കൊന്ന് കെട്ടിത്തൂക്കിയെന്ന് ബന്ധുക്കളുടെ പരാതി, അന്വേഷണം
