'കോടതിയില് പറയാത്ത പലതും ചാനലുകളില് പറഞ്ഞു'; അന്വേഷണ ഉദ്യോഗസ്ഥനെതിരേ ദിലീപ്
കൊച്ചി: യുവനടിയെ ആക്രമിച്ച കേസുമായി ബന്ധപ്പെട്ട കോടതിയലക്ഷ്യ ഹര്ജിയില്, അന്വേഷണ ഉദ്യോഗസ്ഥനെതിരേ ആരോപണവുമായി നടന് ദിലീപ്. കോടതിയില് പറയാത്ത പല കാര്യങ്ങളും അന്വേഷണ ഉദ്യോഗസ്ഥന് ചാനലുകളില് പറഞ്ഞുവെന്നു ദിലീപ് ഹര്ജിയില് ആരോപിച്ചു.
അടച്ചിട്ട കോടതി മുറിയിലെ വാദങ്ങള് ചോര്ത്തി. ബാലചന്ദ്രകുമാര് പോലീസിന് മൊഴി നല്കുന്നതിനുമുമ്പ് ചാനലിന് ഇന്റര്വ്യൂ നല്കിയെന്നും ഇത്തരമൊരു സാക്ഷിയുണ്ടെങ്കില് ആദ്യം കോടതിയെ അറിയിക്കുകയായിരുന്നു വേണ്ടതെന്നും ദിലീപ് പറഞ്ഞു. കോടതിയലക്ഷ്യ ഹര്ജികള് അടുത്ത 12-ന് പരിഗണിക്കാന് എറണാകുളം പ്രിന്സിപ്പല് സെഷന്സ് കോടതി മാറ്റിവച്ചു.
അന്വേഷണ ഉദ്യോഗസ്ഥനെതിരേയും മാധ്യമങ്ങള്ക്കെതിരേയും ദിലീപ് കോടതിയലക്ഷ്യ ഹര്ജികള് നല്കിയിരുന്നു. ഈ ഹര്ജികളിലാണു ദിലീപ് ആരോപണങ്ങള് ഉന്നയിച്ചിരിക്കുന്നത്. കോടതിയില് പറയാത്ത പല കാര്യങ്ങളുമാണു ചാനലുകളിലൂടെ പുറത്തുവന്നതെന്നു ഹര്ജിയില് പറയുന്നു. അടച്ചിട്ട കോടതിമുറിയിലെ പല വാദങ്ങളും പുറത്തറിഞ്ഞു. ബാലചന്ദ്രകുമാര് എന്ന സാക്ഷിയുണ്ടെങ്കില് അതു കോടതിയെ അറിയിക്കുകയാണു വേണ്ടിയിരുന്നത്. അല്ലാതെ ചാനലുകളില് പോയി ഇന്റര്വ്യൂ നല്കുന്നു. അതിനുശേഷം ബാലചന്ദ്രകുമാര് പോലീസിലെത്തി മൊഴി നല്കുന്നു.
ഇത്തരത്തില്, കോടതിയലക്ഷ്യവുമായി ബന്ധപ്പെട്ട്, വിചാരണ നടന്നുകൊണ്ടിരിക്കേ വിചാരണയെത്തന്നെ ബാധിക്കുന്ന വിധത്തിലാണ് അന്വേഷണ ഉദ്യോഗസ്ഥരടക്കം പ്രവര്ത്തിച്ചത് എന്നതാണു ദിലീപിന്റെ ആരോപണങ്ങള്.
YOU MAY BE INTERESTED
LATEST NEWS
- സുധാകരന്മാര് ഇടംവലം തലവേദന; സ്വയം സ്ഥാനാര്ഥിത്വം പ്രഖ്യാപിച്ച് ജി. സുധാകരന്, ഹൈക്കമാന്ഡിനെ വെല്ലുവിളിച്ച്, മത്സരിക്കുമെന്നു കെ. സുധാകരന്
- പാചകവാതകക്ഷാമം: 'വാര് റൂം' തുറന്ന് സംസ്ഥാനസര്ക്കാര്; വാണിജ്യ സിലിണ്ടറില് ഇളവ് പരിഗണിക്കാമെന്ന് കമ്പനികള്, സ്റ്റോക്ക് എല്ലാ ദിവസവും വിലയിരുത്തും
- 'പുറത്താക്കേണ്ടിവന്നേനേ'; ജി. സുധാകരന് പോയത് നന്നായെന്ന് സി.പി.എം., സഖാവല്ല, 'വെറും' സുധാകരനെന്ന് തിരുത്ത്! പ്രതിരോധിക്കാന് നേതാക്കള് ആലപ്പുഴയിലേക്ക്
- മുകുന്ദനില് തട്ടി കോണ്ഗ്രസ്; സ്വതന്ത്രനായി മത്സരിക്കട്ടെയെന്ന് ഒരുവിഭാഗം, തീരുമാനമെടുക്കാനാവാതെ സംസ്ഥാന നേതൃത്വം, പന്ത് ഹൈക്കമാന്ഡിന്റെ കോര്ട്ടില്
- നസ്രാണികള് ഒന്നിച്ചുനില്ക്കേണ്ടത് കാലഘട്ടത്തിന്റെ ആവശ്യം: കാതോലിക്കാ ബാവ
