മസാല ബോണ്ട് കേസ്: സ്റ്റേ നീക്കാന് ഇ.ഡിയും നോട്ടീസ് റദ്ദാക്കാന് മുഖ്യമന്ത്രിയും കോടതിയില്
കൊച്ചി: മസാല ബോണ്ടുമായി ബന്ധപ്പെട്ട് എന്ഫോഴ്സ്മെന്റ് ഡയറക്ടറേറ്റ് നല്കിയ കാരണം കാണിക്കല് നോട്ടീസ് റദ്ദാക്കണമെന്നാവശ്യപ്പെട്ട് കിഫ്ബി ചെയര്മാന് കൂടിയായ മുഖ്യമന്ത്രി പിണറായി വിജയന് ഹൈക്കോടതിയില്. മസാല ബോണ്ട് ഇടപാടില് ഫെമ ചട്ടലംഘനമില്ലെന്നും ഇ.ഡി. നടപടി രാഷ്ട്രീയപ്രേരിതമാണെന്നുമാണ് ഹര്ജിയിലെ വാദം.
കിഫ്ബിയുടെ ഹര്ജിയേത്തുടര്ന്ന് കാരണം കാണിക്കല് നോട്ടീസിലെ തുടര്നടപടി സ്റ്റേ ചെയ്ത ഹൈക്കോടതി സിംഗിള് ബെഞ്ച് ഉത്തരവിനെതിരേ ഇ.ഡിയും ഡിവിഷന് ബെഞ്ചില് അപ്പീല് നല്കി. സിംഗിള് ബെഞ്ച് നടപടി അധികാരപരിധി മറികടന്നാണെന്നും റദ്ദാക്കണമെന്നുമാണ് ആവശ്യം. ഇ.ഡി. അപ്പീല് നല്കിയതിനു പിന്നാലെയാണ്, നോട്ടീസ് തന്നെ റദ്ദാക്കണമെന്നാവശ്യപ്പെട്ട് മുഖ്യമന്ത്രി ഹൈക്കോടതിയെ സമീപിച്ചത്.
മസാല ബോണ്ടിലൂടെ സമാഹരിച്ച പണം ഫെമ ചട്ടങ്ങള് ലംഘിച്ച് ചെലവഴിച്ചെന്നാണ് ഇ.ഡിയുടെ കണ്ടെത്തല്. തുടര്ന്ന് ഇ.ഡി അഡ്ജൂഡിക്കേറ്റിങ് അതോറിറ്റി മുഖ്യമന്ത്രിക്ക് നോട്ടീസ് നല്കി. എന്നാല്, നടപടി രാഷ്ട്രീയപ്രേരിതമെന്നാരോപിച്ച് കിഫ്ബി ഹൈക്കോടതിയെ സമീപിച്ചതിനേത്തുടര്ന്ന് ജസ്റ്റിസ് വി.ജി. അരുണിന്റെ ബെഞ്ച് നോട്ടീസിന്മേലുള്ള തുടര്നടപടി മൂന്നുമാസത്തേക്ക് സ്റ്റേ ചെയ്യുകയായിരുന്നു.
YOU MAY BE INTERESTED
LATEST NEWS
- സുധാകരന്മാര് ഇടംവലം തലവേദന; സ്വയം സ്ഥാനാര്ഥിത്വം പ്രഖ്യാപിച്ച് ജി. സുധാകരന്, ഹൈക്കമാന്ഡിനെ വെല്ലുവിളിച്ച്, മത്സരിക്കുമെന്നു കെ. സുധാകരന്
- പാചകവാതകക്ഷാമം: 'വാര് റൂം' തുറന്ന് സംസ്ഥാനസര്ക്കാര്; വാണിജ്യ സിലിണ്ടറില് ഇളവ് പരിഗണിക്കാമെന്ന് കമ്പനികള്, സ്റ്റോക്ക് എല്ലാ ദിവസവും വിലയിരുത്തും
- 'പുറത്താക്കേണ്ടിവന്നേനേ'; ജി. സുധാകരന് പോയത് നന്നായെന്ന് സി.പി.എം., സഖാവല്ല, 'വെറും' സുധാകരനെന്ന് തിരുത്ത്! പ്രതിരോധിക്കാന് നേതാക്കള് ആലപ്പുഴയിലേക്ക്
- മുകുന്ദനില് തട്ടി കോണ്ഗ്രസ്; സ്വതന്ത്രനായി മത്സരിക്കട്ടെയെന്ന് ഒരുവിഭാഗം, തീരുമാനമെടുക്കാനാവാതെ സംസ്ഥാന നേതൃത്വം, പന്ത് ഹൈക്കമാന്ഡിന്റെ കോര്ട്ടില്
- നസ്രാണികള് ഒന്നിച്ചുനില്ക്കേണ്ടത് കാലഘട്ടത്തിന്റെ ആവശ്യം: കാതോലിക്കാ ബാവ
