ദേവസ്വം ഭണ്ഡാരം കാണാന് പോലീസ് ഐ.ജി. കയറിയ സംഭവം; ഭണ്ഡാരത്തില് കയറരുത്! സ്പോട്ട് ബുക്കിങ്ങില് ഇടപെടരുത്, പോലീസിനോട് ഹൈക്കോടതി
കൊച്ചി: ശബരിമലയിലെ ദേവസ്വം ഭണ്ഡാരം കാണാന് പോലീസ് ഐ.ജി. കയറിയ സംഭവത്തില് താക്കീതുമായി ഹൈക്കോടതി. ഭണ്ഡാരത്തില് പോലീസ് കയറരുതെന്നും ഇക്കാര്യത്തില് നേരത്തേ നിര്ദേശം നല്കിയിട്ടുള്ളതാണെന്നും ജസ്റ്റിസുമാരായ എ. രാജാ വിജയരാഘവന്, കെ.വി. ജയകുമാര് എന്നിവരുടെ ബെഞ്ച് ചൂണ്ടിക്കാട്ടി.
ശബരിമലയിലെ പോലീസ് ജോയിന്റ് കോഓര്ഡിനേറ്റര് ഐ.ജി. ശ്യാംസുന്ദര് ഭണ്ഡാരത്തില് പ്രവേശിച്ചതാണ് വിവാദമായത്. ഇതുസംബന്ധിച്ച് എക്സിക്യൂട്ടീവ് ഓഫീസറുടെ റിപ്പോര്ട്ടിന്റെ അടിസ്ഥാനത്തില് സ്പെഷല് കമ്മിഷണര് ഹൈക്കോടതിക്കു റിപ്പോര്ട്ട് സമര്പ്പിച്ചു. ഇത് പരിഗണിച്ചാണ് കോടതിയുടെ ഇടപെടല്. കഴിഞ്ഞ 11-ന് രാവിലെ ഒമ്പതോടെ ശ്യാംസുന്ദറിന്റെ നേതൃത്വത്തില് പോലീസ് ഉദ്യോഗസ്ഥര് യൂണിഫോമിലും സാധാരണവേഷത്തിലും ഭണ്ഡാരം മുറിയില് പ്രവേശിച്ചെന്നായിരുന്നു റിപ്പോര്ട്ട്.
സ്പോട്ട് ബുക്കിങ്ങില്പോലീസ് ഇടപെടരുത്
കൊച്ചി: നിലയ്ക്കലിലെ സ്പോട്ട് ബുക്കിങ് കൗണ്ടറില് പോലീസിന്റെ അനധികൃത ഇടപെടല് വേണ്ടെന്നു ഹൈക്കോടതി. ഭക്തര്ക്കു വേണ്ടിയാണ് സ്പോട്ട് ബുക്കിങ്. ഒരു കൗണ്ടറില് പോലീസിനു വേണ്ടപ്പെട്ടവരെ മാത്രം അനുവദിക്കുന്ന രീതി അംഗീകരിക്കാനാവില്ലെന്നു വ്യക്തമാക്കിയ കോടതി, സര്ക്കാരിനോട് വിദശീകരണം തേടി. എരുമേലിയില്നിന്നു കാനനപാത വഴി വരുന്നവര്ക്കും ബുക്കിങ് നിര്ബന്ധമാണ്. ബുക്ക് ചെയ്ത തീര്ഥാടകരെ മാത്രമേ പുല്ലുമേട് വഴി കടത്തിവിടാവൂവെന്നും കോടതി നിര്ദേശിച്ചു.
YOU MAY BE INTERESTED
LATEST NEWS
- സുധാകരന്മാര് ഇടംവലം തലവേദന; സ്വയം സ്ഥാനാര്ഥിത്വം പ്രഖ്യാപിച്ച് ജി. സുധാകരന്, ഹൈക്കമാന്ഡിനെ വെല്ലുവിളിച്ച്, മത്സരിക്കുമെന്നു കെ. സുധാകരന്
- പാചകവാതകക്ഷാമം: 'വാര് റൂം' തുറന്ന് സംസ്ഥാനസര്ക്കാര്; വാണിജ്യ സിലിണ്ടറില് ഇളവ് പരിഗണിക്കാമെന്ന് കമ്പനികള്, സ്റ്റോക്ക് എല്ലാ ദിവസവും വിലയിരുത്തും
- 'പുറത്താക്കേണ്ടിവന്നേനേ'; ജി. സുധാകരന് പോയത് നന്നായെന്ന് സി.പി.എം., സഖാവല്ല, 'വെറും' സുധാകരനെന്ന് തിരുത്ത്! പ്രതിരോധിക്കാന് നേതാക്കള് ആലപ്പുഴയിലേക്ക്
- മുകുന്ദനില് തട്ടി കോണ്ഗ്രസ്; സ്വതന്ത്രനായി മത്സരിക്കട്ടെയെന്ന് ഒരുവിഭാഗം, തീരുമാനമെടുക്കാനാവാതെ സംസ്ഥാന നേതൃത്വം, പന്ത് ഹൈക്കമാന്ഡിന്റെ കോര്ട്ടില്
- നസ്രാണികള് ഒന്നിച്ചുനില്ക്കേണ്ടത് കാലഘട്ടത്തിന്റെ ആവശ്യം: കാതോലിക്കാ ബാവ
