നീലലോഹിതദാസന് നാടാരെ ലൈംഗികാതിക്രമക്കേസില് വെറുതെ വിട്ട കേസ് ; അപ്പീലുമായി അതിജീവിത സുപ്രീംകോടതിയില്
കൊച്ചി: ആര്ജെഡി നേതാവും മുന് മന്ത്രിയുമായ നീലലോഹിതദാസന് നാടാരെ ലൈംഗികാതിക്രമക്കേസില് വെറുതെ വിട്ട ഹൈക്കോടതി ഉത്തരവിനെതിരെ അപ്പീല്. കേരളത്തിലെ ഉദ്യോഗസ്ഥയായിരുന്ന അതിജീവിതയുടെ പരാതിയില് നേരത്തേ ഹൈക്കോടതി നീലലോഹിത ദാസന് നാടാരെ വെറുതെ വിട്ടിരുന്നു. എന്നാല് കേസിലെ എല്ലാ വിശദാംശങ്ങളും പരിശോധിച്ചില്ല എന്നാണ് ഹര്ജിയിലെ വാദം.
ഹൈക്കോടതി ഉത്തരവില് പിഴവുണ്ടായെന്ന് ആരോപിച്ചാണ് അപ്പീല്. 1999 ഫെബ്രുവരി 27നാണ് കേസിനാസ്പദമായ സംഭവം. അന്ന് വനം മന്ത്രിയായിരുന്ന നീലലോഹിതദാസന് നാടാര് ഫോണില് നിര്ദേശിച്ച പ്രകാരം ഔദ്യോഗിക ചര്ച്ചയ്ക്കായി കോഴിക്കോട് ഗവ. ഗസ്റ്റ് ഹൗസിലെത്തിയ ഉദ്യോഗസ്ഥയെ ചര്ച്ച കഴിഞ്ഞ് മടങ്ങുന്ന സമയം ഒന്നാം നമ്പര് മുറിയില്വെച്ച് കടന്നുപിടിക്കുകയും അപമാനിക്കുകയും ചെയ്തുവെന്നായിരുന്നു പരാതി. കേസില് ഒരു വര്ഷത്തേക്ക് ശിക്ഷിച്ച വിചാരണക്കോടതി വിധി റദ്ദാക്കുകയായിരുന്നു.
2002 ഫെബ്രുവരിയില് നീലലോഹിതദാസന് നാടാര്ക്കെതിരെ മുന് ഐഎഎസ് ഉദ്യോഗസ്ഥ പരാതി നല്കിയിരുന്നു. ഇതിന് പിന്നാലെയാണ് വനം വകുപ്പ് ഉദ്യോഗസ്ഥ അന്നത്തെ ഡിജിപിക്ക് പരാതി നല്കുകയും കേസെടുക്കുകയും ചെയ്തത്. രഹസ്യവിചാരണ നടന്ന കേസില് കോഴിക്കോട് ജുഡീഷ്യല് ഫസ്റ്റ് ക്ലാസ് (നാല്) കോടതിയാണ് നീലലോഹിതദാസന് നാടാരെ ഒരു വര്ഷം തടവിനു ശിക്ഷിച്ചത്.
YOU MAY BE INTERESTED
LATEST NEWS
- നഴ്സുമാരുടെ സമരത്തിൽ ഇടപെട്ട് ഹൈക്കോടതി; ചൊവ്വാഴ്ച മധ്യസ്ഥത ചർച്ച ; ചർച്ച പൂർത്തിയാകുംവരെ സമരം പാടില്ല
- എം ആർ അജിത് കുമാറിനെ എക്സൈസ് കമ്മീഷണർ ചുമതലയിൽ നിന്ന് മാറ്റി; പകരം ചുമതല അഡീഷണൽ എക്സൈസ് കമ്മീഷണർക്ക്
- അനധികൃതമായിട്ടാണ് വോട്ടേഴ്സ് ലിസ്റ്റിൽ പേര് ചേർത്തതെന്ന് ആരോപണം: ശ്രീനാദേവി കുഞ്ഞമ്മയ്ക്കെതിരെ വക്കീൽ നോട്ടീസ്
- തിരുവനന്തപുരം മെഡിക്കൽ കോളേജ് മുൻ സൂപ്രണ്ടിനെതിരെ പീഡന കേസ്
- മതപഠനം എന്ന വ്യാജേന 12വയസുകാരനെ ഒന്നര വർഷത്തോളം പീഡിപ്പിച്ച മദ്രസ അധ്യാപകന് കഠിനതടവ്
