'ആരും അടുത്തേക്കു വരരുത്, ചാടും'; കൊച്ചിയില് റെയില്വേ പ്ലാറ്റ്ഫോമിന്റെ മേല്ക്കൂരയില് കയറി യുവാവിന്റെ ആത്മഹത്യാ ഭീഷണി
കൊച്ചി: ആലുവ റെയില്വേ സ്റ്റേഷനില് പ്ലാറ്റ്ഫോമിന്റെ മേല്ക്കൂരയില് കയറി ആത്മഹത്യാ ഭീഷണി മുഴക്കിയ യുവാവിനെ ഒന്നരമണിക്കൂറിന് ശേഷം താഴെയിറക്കി. പശ്ചിമ ബംഗാള് സ്വദേശിയായ യുവാവിനെ താഴെയിറക്കിയത് ആര്പിഎഫ് ഉദ്യോഗസ്ഥരാണ്. ആലുവ വഴി തടസ്സപ്പെട്ട ട്രെയിന് ഗതാഗതം പുനഃസ്ഥാപിച്ചു.
ഇന്ന് രാവിലെ ആറുമണിയോടെയാണ് യുവാവ് രണ്ട്, മൂന്ന് പ്ലാറ്റ്ഫോമുകളുടെ മേല്ക്കൂരയില് കയറിപ്പറ്റിയത്. തുടര്ന്ന് ആത്മഹത്യ ഭീഷണി മുഴക്കുകയായിരുന്നു. റെയില്വേയുടെ വൈദ്യുതലൈനിലേക്ക്(ഓവര്ഹെഡ് ലൈന്) ചാടുമെന്നായിരുന്നു യുവാവിന്റെ ഭീഷണി. ആര്പിഎഫ് ഉദ്യോഗസ്ഥര് ഇയാളുടെ അടുത്തേക്കെത്താന് ശ്രമിക്കുമ്പോള് ആരെങ്കിലും വന്നാല് അപ്പോള് ചാടി മരിക്കുമെന്ന് യുവാവ് വിളിച്ചു പറഞ്ഞു. ഇതോടെ അപകടം ഒഴിവാക്കാനായി ലൈനിലെ വൈദ്യുതബന്ധം താല്ക്കാലികമായി വിച്ഛേദിച്ചു. ഇതേത്തുടര്ന്ന് എറണാകുളം-തൃശ്ശൂര്, തൃശ്ശൂര്-എറണാകുളം റൂട്ടില് ട്രെയിന് ഗതാഗതവും തടസ്സപ്പെട്ടു.
അഗ്നിരക്ഷാസേന എത്തി താഴെയിറക്കാന് ശ്രമിച്ചെങ്കിലും ഫലമുണ്ടായില്ല. തുടര്ന്ന് യുവാവിന്റെ വീട്ടുകാരെ വീഡിയോ കോളില് വിളിച്ചു നല്കി അനുനയിപ്പിക്കാനായി ശ്രമം. ഇതിനിടെ യുവാവിന്റെ ശ്രദ്ധമാറിയ നിമിഷം ആര്പിഎഫ് ഉദ്യോഗസ്ഥര് പാലത്തില്നിന്ന് മേല്ക്കൂരയിലേക്ക് ചാടിയിറങ്ങി. തുടര്ന്ന് യുവാവിനെ കീഴ്പ്പെടുത്തുകയും മേല്ക്കൂരയില്നിന്ന് താഴെയിറക്കുകയുമായിരുന്നു. മുക്കാല് മണിക്കൂറോളം ട്രെയിന് ഗതാഗതം തടസപ്പെട്ടു. ദീര്ഘദൂര ട്രെയിനുകളടക്കം പല സ്റ്റേഷനുകളിലായി നിര്ത്തിയിട്ടു.
YOU MAY BE INTERESTED
LATEST NEWS
- സ്ഥാനാര്ഥിയെ നിര്ത്തില്ല; ജി. സുധാകരന് പിന്തുണ നല്കാന് യു.ഡി.എഫ്.
- ‘ഭുവനേശ്വരന് ആക്രമിക്കപ്പെട്ടപ്പോഴും മരിച്ചപ്പോഴും പാര്ട്ടിയില്നിന്ന് ആരും സഹായിച്ചില്ല, തമിഴ്നാട്ടിലും ബംഗാളിലും കോണ്ഗ്രസുമായി സഖ്യമുണ്ടാക്കിയില്ലേ?’: ജി. സുധാകരന്
- വയനാട് തുരങ്കപാത നിര്മാണം; പ്രകൃതിസംരക്ഷണ സമിതിയുടെ അപ്പീലിനെതിരേ തടസഹര്ജി നല്കി സര്ക്കാര്; സുപ്രീം കോടതിയുടെ ഇടപെടല് നീട്ടിവയ്പ്പിക്കല് ലക്ഷ്യം
- മുകുന്ദേട്ടാ ബി.ജെ.പി. വിളിക്കുന്നു ... സി.സി. മുകുന്ദനെ റാഞ്ചാന് ലക്ഷ്യമിട്ട് ബി.ജെ.പി,; ആശയക്കുഴപ്പത്തില് കോണ്ഗ്രസ്, പ്രാദേശിക തലത്തില് ശക്തമായ എതിര്പ്പ്
- എലത്തൂരില് മന്ത്രി എ.കെ. ശശീന്ദ്രന് മത്സരിക്കണോ? തീരുമാനം നീളുന്നു, തെരഞ്ഞെടുപ്പ് വിജ്ഞാപനം വരുന്നതിനുമുമ്പ് പ്രശ്നങ്ങള് തീര്ക്കണമെന്നു സിപിഎം
