ശബരിമല സ്വര്ണകൊള്ള കേസ്; കടകംപള്ളി സുരേന്ദ്രൻ നൽകിയ മാനനഷ്ട കേസിൽ തര്ക്ക ഹര്ജി നൽകി വിഡി സതീശന്
കടകംപ്പള്ളി സുരേന്ദ്രൻ ശബരിമല സ്വര്ണകൊള്ള കേസിൽ നൽകിയ മാനഷ്ടക്കേസിൽ പ്രതിപക്ഷ നേതാവ് വിഡി സതീശൻ തര്ക്ക ഹര്ജി സമര്പ്പിച്ചു. ഹർജി തിരുവനന്തപുരം രണ്ടാം സെക്കൻഡ് അഡീഷണൽ സബ് കോടതിയാണ് പരിഗണിക്കുന്നത്.
ഒക്ടോബർ എട്ടിന് വാർത്താസമ്മേളനത്തിൽ പറഞ്ഞതിൽ ഉറച്ചു നിൽക്കുന്നുവെന്നാണ് പ്രതിപക്ഷ നേതാവ് വിഡി സതീശൻ ഹര്ജിയിൽ വ്യക്തമാക്കി. കടംകപള്ളി സുരേന്ദ്രൻ നൽകിയ മാനനഷ്ട ഹർജി തികച്ചും രാഷ്ട്രീയ സ്വഭാവമുള്ളതാണെന്നും തര്ക്ക ഹര്ജിയിൽ പറയുന്നു.പത്ത് ലക്ഷം രൂപ നഷ്ടപരിഹാരം നൽകണം, പ്രതിപക്ഷ നേതാവ് ഇനി ഇത്തരത്തിൽ വാർത്താസമ്മേളനം നടത്താൻ പാടില്ല എന്നീ ആവശ്യങ്ങളാണ് കടകംപ്പള്ളി സുരേന്ദ്രന്റെ മാനനഷ്ട ഹർജിയിൽ പറയുന്നത്. ശബരിമല സ്വര്ണകൊള്ള വിവാദത്തിൽ കഴിഞ്ഞ ഒക്ടോബറിൽ വിഡി സതീശൻ നടത്തിയ വാര്ത്താസമ്മേളനത്തിൽ കടകംപള്ളി സുരേന്ദ്രനെതിരായ പരാമര്ശത്തിലാണ് മാനനഷ്ട കേസ് ഫയൽ ചെയ്തിരിക്കുന്നത്.
കഴിഞ്ഞ ദിവസം കേസ് പരിഗണിച്ചപ്പോള് മറുപടി സമര്പ്പിക്കാൻ പ്രതിപക്ഷ നേതാവ് വിഡി സതീശൻ സമയം ആവശ്യപ്പെട്ടിരുന്നു. ശബരിമലയിലെ ദ്വാരപാലക ശിൽപം ഇതര സംസ്ഥാനക്കാരനായ കോടീശ്വരന് വിറ്റുവെന്നും ആര്ക്കാണ് വിറ്റതെന്ന് അന്ന് ദേവസ്വം മന്ത്രിയായ കടംകപള്ളിയോട് ചോദിച്ചാൽ അറിയാമെന്നുമായിരുന്നു വിഡി സതീശൻ വാര്ത്താസമ്മേളനത്തിൽ പറഞ്ഞത്. എന്നാൽ, പറഞ്ഞതിൽ ഉറച്ചുനിൽക്കുന്നുവെന്നാണ് മാനനഷ്ട കേസിനുശേഷവും വിഡി സതീശൻ വ്യക്താമാക്കിയത്.
LATEST NEWS
- ഒട്ടുമില്ല സമയം, മൂന്നേ മൂന്നാഴ്ചയില് ജനങ്ങളിലേക്ക് എത്താന് മുന്നണികളുടെ നെട്ടോട്ടം: മത്സരം ത്രികോണം, ജാതി- മത സമുദായ സമവാക്യങ്ങള് നിര്ണായകം
- 78 സീറ്റുമായി സംസ്ഥാനത്ത് ഇടതു ഭരണത്തുടര്ച്ച പ്രവചിച്ച് ഇന്റലിജന്സ്, റിപ്പോര്ട്ടില് സി.പി.എം. പ്രതീക്ഷിച്ച സീറ്റ് ഇല്ല
- ഓട്ടോറിക്ഷ തടഞ്ഞുനിര്ത്തി യുവാവിനെ കുത്തിക്കൊലപ്പെടുത്തി; ബന്ധു അറസ്റ്റിൽ
- എല്ലാ സീറ്റിലും വിജയം ലക്ഷ്യമിട്ടുളള സ്ഥാനാർത്ഥികൾ വരും, ജനങ്ങൾക്കാവശ്യം വികസന രാഷ്ട്രീയം:BJP സംസ്ഥാന അധ്യക്ഷന് രാജീവ് ചന്ദ്രശേഖർ
- ബെംഗളൂരുവിലെ 23കാരിയുടെ മരണം; ഭർത്താവ് കൊന്ന് കെട്ടിത്തൂക്കിയെന്ന് ബന്ധുക്കളുടെ പരാതി, അന്വേഷണം
