‘ആദ്യം ചായപ്പൊടി, പിന്നാലെ ചൂടുവെള്ളം, ഒപ്പം ഭക്ഷണ ട്രേയില് അഞ്ചു സാധനങ്ങളും; നാലുപേര്ക്ക് ടിക്കറ്റിന് വെറും 11 പൗണ്ട്, അടിപൊളി യാത്ര...’ വന്ദേഭാരതിനെ പുകഴ്ത്തി ബ്രിട്ടീഷ് കുടുംബം
ഇന്ത്യയെ കാണാനും അറിയാനും പ്രകൃതി സൗന്ദര്യം ആസ്വദിക്കാനുമായി വിദേശിയരായ ഒരുപാട് വിനോദ സഞ്ചാരികള് എത്താറുണ്ട്. രാജ്യത്തെ വിവിധ സ്ഥലങ്ങളിലേക്കുള്ള യാത്രയ്ക്ക് അവര് പൊതുഗതാഗതത്തെ ആശ്രയിക്കാറുമുണ്ട്. ഇന്ത്യയിലെത്തുന്ന ഇവര് ഏറെ ആസ്വദിക്കുന്നത് ട്രെയിന് യാത്രകളാണ്. വിദേശത്തുള്ളവര്ക്ക് ഇന്ത്യയിലെ ട്രെയിന് യാത്രകള് പ്രത്യേക അനുഭവമാണ്. അവരത് തങ്ങളുടെ സോഷ്യല് മീഡിയയിലൂടെ പങ്കിടാറുമുണ്ട്.
ഇപ്പോഴിതാ ഇന്ത്യയിലെ പ്രീമിയം ട്രെയിനായ വന്ദേഭാരത് എക്സ്പ്രസിലെ യാത്ര അനുഭവം പങ്കുവച്ചിരിക്കുകയാണ് ഒരു ബ്രിട്ടീഷ് കുടുംബം. അഞ്ചംഗ ബ്രീട്ടീഷ് കുടുംബം വന്ദേഭാരതില് യാത്ര ചെയ്യുന്നതിന്റെ വീഡിയോയാണ് സോഷ്യല് മീഡിയയില് പങ്കിട്ടിരിക്കുന്നത്. ട്രാവല് വ്ളോഗുകള് ചെയ്യുന്ന ദി ഹച്ചിന്സണ് ഫാമിലി എന്ന കുടുംബമാണ് വന്ദേഭാരത് യാത്രയെ കുറിച്ച് വീഡിയോ പോസ്റ്റ് ചെയ്തത്. ഭാര്യയും ഭര്ത്താവും പെണ്മക്കളും ഉള്പ്പെടുന്ന കുടുംബമാണ് യാത്ര നടത്തിയത്. വന്ദേഭാരതില് ലഭിച്ച ഭക്ഷണം ഇവര് ആസ്വദിച്ച് കഴിച്ചു. ‘‘കുറഞ്ഞ ചെലവിലുള്ള മികച്ച യാത്രാനുഭവമാണ് വന്ദേഭാരത്. നാല് മണിക്കൂര് നേരമാണ് ഞങ്ങള് വന്ദേഭാരതില് യാത്ര ചെയ്തത്. ഈ ടിക്കറ്റുകള്ക്കായി ഞങ്ങള് നാലുപേര്ക്കും വെറും 11 പൗണ്ട് വീതമേ ചെലവായുള്ളൂ. ഇതില് ഭക്ഷണവും ഉള്പ്പെട്ടിട്ടുണ്ട്. പെണ്കുട്ടികള്ക്ക് ഭക്ഷണം ഇതിനകം ലഭിച്ചുകഴിഞ്ഞു. തുടര്ന്ന് ഞങ്ങളുടെ ഭക്ഷണം എത്തി. ഡയറ്റ് മിക്സ്ചര്, കാരമല് പോപ്കോണ്, പാറ്റി, മാങ്ങാ ജ്യൂസ്, ജിഞ്ചര് ടീ സാഷെ എന്നിവയെല്ലാമാണ് ലഭിച്ചത്...’ വീഡിയോയില് കുടുംബം പറഞ്ഞു. ഇന്ത്യന് ട്രെയിനിലെ ഭക്ഷണം. നിങ്ങളെന്താണ് പ്രതീക്ഷിക്കുന്നത്? ചായപ്പൊടികിട്ടിയപ്പോള് ഞങ്ങള് അല്പ്പം ആശയക്കുഴപ്പത്തിലായി. എന്നാല് പിന്നീട് ചൂടുവെള്ളം എത്തി. ചായ രുചികരമായിരുന്നു...’’ എന്ന ക്യാപ്ഷന് നല്കിയാണ് ഇവര് വീഡിയോ പങ്കുവച്ചിരിക്കുന്നത്. ഇവര് ഇന്സ്റ്റഗ്രാമില് പോസ്റ്റ് ചെയ്ത വീഡിയോ വളരെ പെട്ടെന്ന് വൈറലായി. ഇതുവരെ 14 ലക്ഷത്തിലേറെ പേരാണ് വീഡിയോ കണ്ടത്.
നിരവധി പേരാണ് ഹച്ചിന്സണ് ഫാമിലിയുടെ വീഡിയോയ്ക്ക് ലൈക്കും കമന്റുമായി രംഗത്തെത്തുന്നത്. ഇന്ത്യയുടെ നല്ല വശം കാണിച്ചതിന് നന്ദിയുണ്ട്, വളരെ സൗകര്യപ്രദമായ ട്രെയിനുകളില് ഒന്നാണ് വന്ദേഭാരത്, കൂടുതല് നല്ല യാത്ര അനുഭവം ഇത് നല്കുന്നു..’ എന്നതടക്കമാണ് കമന്റുകള്. രാജധാനി, തേജസ് തുടങ്ങിയ ട്രെയിനുകളില് കൂടി യാത്ര ചെയ്ത് വീഡിയോ പോസ്റ്റ് ചെയ്യണമെന്ന് കുറിച്ചവരുമുണ്ട്.
LATEST NEWS
- ആറ് വര്ഷം കമ്പനിയ്ക്ക് വേണ്ടി കഠിനാധ്വാനം ചെയ്തു: എന്നിട്ടും പുതുതായി വന്ന എംബിഎക്കാരന് പരിഗണന, മനംനൊന്ത് ജീവനക്കാരന് രാജിവച്ചു
- ഉറക്കം കുറവാണോ ? തലച്ചോറിന് എന്ത് സംഭവിക്കുമെന്ന് മനഃശാസ്ത്രജ്ഞ വെളിപ്പെടുത്തുന്നു
- രാവിലെ ഉറക്കണമുണര്ന്നപ്പോള് രോഗിയുടെ ശരീരം നീല നിറത്തില്: കാരണം കണ്ടുപിടിച്ചതോടടെ ചിരിയടക്കാനാകാതെ ഡോക്ടര്മാര്
- ദിവസവും ടെറസില് എത്തുന്നത് 6,000-ത്തോളം തത്തകള്, വിരുന്നൊരുക്കി സുദര്ശനും ഭാര്യയും: 'മെയ്യഴകനിലെ' വീട് ദാ ഇവിടുണ്ട്
- ഇന്ത്യയില് മാര്ച്ച് മുതല് പാചക വാതക വിതരണത്തില് ക്ഷാമം ഉണ്ടാകും: അഞ്ച് മാസം മുന്പ് പ്രവചിച്ചത് സത്യമായെന്ന് ജ്യോതിഷി
