ബെസ്പോക്ക് പെറ്റൽ കോർസെറ്റ് സ്കൾപ്ച്ച് ഗൗണ്‍ ധരിച്ച് ഹോട്ട് ലുക്കില്‍ രാശ്മിക മന്ദാന; സ്വരോവ്‌സ്‌കി 130-ാം വർഷാഘോഷത്തില്‍ സിഗ്നേച്ചർ വജ്രങ്ങളില്‍ തിളങ്ങി താരം

Rashmika Mandanna (Image Source: Instagram)

തെലുങ്ക്, തമിഴ്, കന്നഡ. ഹിന്ദി തുടങ്ങിയ ഭാഷകളിൽ സൂപ്പർ താരമായി തിളങ്ങി നില്‍ക്കുന്ന നാഷണല്‍ ക്രഷാണ് രാശ്മിക മന്ദാന. എക്സ്പ്രെഷനുകള്‍ കൊണ്ടും മികച്ച അഭിനയം കൊണ്ടും നൃത്തപാടവം കൊണ്ടുമാണ് രാശ്മിക പ്രേക്ഷകമനസ്സില്‍ ഇടം നേടിയത്. മലയാളത്തിലും നിരവധി ആരാധകരാണ് താരത്തിനുള്ളത്. തുടര്‍ച്ചയായ ബ്ലോക്ക്ബസ്റ്ററുകളിലൂടെ തെന്നിന്ത്യന്‍ സിനിമയിലെ വിജയ നായികയായി തുടരുകയാണ് രാശ്മിക.
സോഷ്യല്‍ മീഡിയയില്‍ സജീവമായ താരം പങ്കിടുന്ന ഫോട്ടോഷൂട്ടുകള്‍ നിമിഷവേഗത്തില്‍ ട്രെന്‍ഡിംഗായി മാറാറുണ്ട്. ഔട്ട്ഫിറ്റുകളില്‍ തന്റേതായ ഒരു ഫാഷന്‍ ഐഡന്റിറ്റി സൃഷ്ടിച്ചെടുക്കാന്‍ രാശ്മികയ്ക്ക് കഴിഞ്ഞിട്ടുണ്ട്.
ഇപ്പോഴിതാ സ്ലീക്ക് ഫിഗര്‍ ഹഗ്ഗിംഗ് ഔട്ട്ഫിറ്റില്‍ സ്റ്റൈലിഷ് ഹോട്ട് ലുക്കിലുള്ള ചിത്രങ്ങള്‍ പങ്കിടുകയാണ് താരം. ഗൗരവ് ഗുപ്തയുടെ ഹോളിഡേ 2026 കളക്ഷനിൽ നിന്നുള്ള ബെസ്പോക്ക് പെറ്റൽ കോർസെറ്റ് സ്കൾപ്ച്ച് ഗൗണാണ് താരം ധരിച്ചിരിക്കുന്നത്. ഒപ്പം പ്ലഞ്ചിംഗ് വി-നെക്ക്‌ലൈനുള്ള സ്ട്രാപ്പ്‌ലെസ് സിൽവർ ആഷ് ടോപ്പും സ്കള്‍പ്പച്ചര്‍ പെറ്റൽ ബോഡിസുമാണ് താരം അണിഞ്ഞിരിക്കുന്നത്. ഇതിനൊപ്പം ഫോം-ഫിറ്റിംഗ് ഹൈ വെയ്സ്റ്റഡ് ഫ്ലോര്‍ ലെംഗ്ത് സ്കര്‍ട്ടും താരം ധരിച്ചിട്ടുണ്ട്. ‘‘ഇന്നലെ രാത്രി വളരെ മനോഹരമായിരുന്നു... സ്വരോവ്സ്കിക്കൊപ്പം 130 വർഷത്തെ മാസ്റ്റേഴ്സ് ഓഫ് ലൈറ്റ്.. ഇപ്പോഴും തിളങ്ങുന്നു, ഇപ്പോഴും പുഞ്ചിരിക്കുന്നു...’’ എന്ന ക്യാപ്ഷന്‍ നല്‍കിയാണ് രാശ്മിക മന്ദാന കുറിച്ചിരിക്കുന്നത്.
സ്വരോവ്‌സ്‌കിയുമായുള്ള തന്റെ ആദ്യ ഇവന്റിനെ അടയാളപ്പെടുത്തിക്കൊണ്ട് സ്വരോവ്സ്കിയുടെ സിഗ്നേച്ചർ വജ്രങ്ങളുടെ എൻസെംബിളാണ് താരം ധരിച്ചത്. ബ്രാൻഡിന്റെ മാസ്റ്ററി ഓഫ് ലൈറ്റ് തീമുമായി പൊരുത്തപ്പെടുന്നതിന്, റോഡിയം പ്ലേറ്റിംഗുള്ള ഒക്ടാകൺ-കട്ട് ക്രിസ്റ്റലുകൾ ഉൾക്കൊള്ളുന്ന ഐക്കണിക് മില്ലേനിയ ചോക്കറാണ് താരം ധരിച്ചത്. ചോക്കറിൽ മറ്റ് നിരവധി സ്വരോവ്‌സ്‌കി നെക്ലേസുകൾ തട്ടുതട്ടായി ധരിച്ച്, ശ്രദ്ധേയമായ എൻസെംബിൾ സൃഷ്ടിച്ചു. ഇതിന്റെ കൂടെ ഒരു ജോഡി ഡാങ്‌ലർ കമ്മലുകളും രണ്ട് ഇയർ കഫുകളും ധരിച്ചിരുന്നു. തന്റെ തിളക്കമുള്ള ലുക്ക് പൂർത്തിയാക്കാൻ, രശ്മിക ഒക്ടാകൺ-കട്ട് ക്രിസ്റ്റലുകളും റോഡിയം പ്ലേറ്റിംഗും കൊണ്ട് അലങ്കരിച്ച ഒരു വലിയ സ്റ്റേറ്റ്മെന്റ് ബെൽറ്റും അണിഞ്ഞു. ഷാര്‍പ്പ് മേക്കപ്പും തലമുടി പഫ്ഡ് ഹാഫ് പോണിടെയിലിലുമാണ് കെട്ടിയത്.
ഫോട്ടോയ്ക്ക് പോസ് ചെയ്യുന്നതിനിടെ ഫോട്ടോഗ്രാഫർമാർക്ക് താരം തന്റെ വിവാഹനിശ്ചയ മോതിരത്തിന്റെ ഒരു കാഴ്ചയും നൽകിയിട്ടുണ്ട്. താരത്തിന്റെ പുതിയ ചിത്രങ്ങള്‍ ഏറ്റെടുക്കുകയാണ് ആരാധകര്‍.

View this post on Instagram

A post shared by Rashmika Mandanna (@rashmika_mandanna)

മാസ്റ്റേഴ്‌സ് ഓഫ് ലൈറ്റ് - ഹോളിവുഡ് എക്സിബിഷൻ പോപ്പ് സംസ്കാരത്തിൽ സ്വരോവ്‌സ്കിയുടെ ആഴത്തിലുള്ള സ്വാധീനത്തെയും സിനിമാറ്റിക് മാജിക് സൃഷ്ടിക്കുന്നതിൽ അതിന്റെ പങ്കിനെയും ആഘോഷിക്കുന്നതിനുള്ളതാണ്. നവംബർ 3 വരെ നീണ്ടുനിൽക്കുന്ന ഈ ഷോകേസിൽ അതിശയിപ്പിക്കുന്ന ഫാഷനും സ്റ്റേജിൽ നിന്നും സ്‌ക്രീനിൽ നിന്നുമുള്ള ഐക്കണിക് വസ്ത്രങ്ങളും ഉൾപ്പെടുന്നു.
എക്സിബിഷന്റെ ഉദ്ഘാടന രാത്രിയിൽ ചെർ, എലിസബത്ത് ഓൾസൺ, ജെഫ് ഗോൾഡ്ബ്ലം, വയോള ഡേവിസ്, വീനസ് വില്യംസ്, ലോ റോച്ച്, ലോറ ഹാരിയർ, എമിലി റാറ്റാജ്‌കോവ്‌സ്‌കി, ഡിറ്റ വോൺ ടീസ്, അനോക് യായ്, അമേലിയ ഗ്രേ തുടങ്ങിയ പ്രമുഖർ ഉൾപ്പെടെ താരനിബിഡമായിരുന്നു.
അടുത്തിടെ സ്വരോവ്‌സ്‌കിയുടെ ഇന്ത്യയിലെ ഏറ്റവും പുതിയ ബ്രാൻഡ് അംബാസഡറായി തെരഞ്ഞെടുത്ത രാശ്മിക ലോസ് ഏഞ്ചൽസിൽ നടന്ന ബ്രാൻഡിന്റെ മാസ്റ്റേഴ്‌സ് ഓഫ് ലൈറ്റ് ഉദ്ഘാടന ആഘോഷത്തിൽ പങ്കെടുത്തിരുന്നു.
ദീര്‍ഘനാളത്തെ പ്രണയത്തിനു ശേഷം നടൻ വിജയ് ദേവരകൊണ്ടയുമായുള്ള രശ്മിക മന്ദാനയുടെ വിവാഹനിശ്ചയം നടന്നുവെന്നാണ് റിപ്പോര്‍ട്ടുകള്‍. കുടുംബാംഗങ്ങളും സുഹൃത്തുക്കളും പങ്കെടുത്ത സ്വകാര്യ ചടങ്ങിൽ വിവാഹ നിശ്ചയം നടത്തിയതായിട്ടാണ് റി​പ്പോര്‍ട്ട് വന്നത്. ഇവരുടെ വിവാഹം 2026 ഫെബ്രുവരിയിൽ നടക്കുമെന്നും റിപ്പോർട്ടുകൾ സൂചിപ്പിക്കുന്നു.