ചിത്രം വരയ്ക്കാന്‍ വീടിന്റെ ചുമരിലൊന്നും ഇനി ഒരിഞ്ചു സ്ഥലം ബാക്കിയില്ല, അപ്പോഴാണ് ഈ പുറംപോക്ക് താരമ്മയുടെ ശ്രദ്ധയില്‍ പെടുന്നത്; വീഡിയോയുമായി വി.കെ ശ്രീരാമന്‍

photo-www.facebook.com/sreeramanvk

കൊച്ചുമകളായ താര പുറത്ത് സ്‌കെച്ച് പെന്‍ കൊണ്ട് വരയ്ക്കുന്നതിന്റെ വീഡിയോ പങ്കിട്ട് നടന്‍ വി.കെ ശ്രീരാമന്‍. ‘ചിത്രം വരയ്ക്കാന്‍ വീടിന്റെ ചുമരിലൊന്നുംഇനി ഒരിഞ്ചു സ്ഥലം ബാക്കിയില്ല, അപ്പോഴാണ് ഈ പുറംപോക്ക് താരമ്മയുടെ ശ്രദ്ധയില്‍ പെടുന്നത്’ എന്ന അടിക്കുറിപ്പോടെയാണ് നടന്‍ വീഡിയോ പങ്കുവെച്ചിരിക്കുന്നത്.

ഒരു ബനിയനുമിട്ട് മുത്തച്ഛന്‍ ഭക്ഷണം കഴിക്കാന്‍ ഇരുന്ന സമയത്താണ് താരമ്മ എന്ന് വിളിക്കുന്ന താര ഈ വികൃതി ഒപ്പിച്ചത്. യാതൊരു പരിഭവവുമില്ലാതെ കൊച്ചുമകള്‍ക്ക് യഥേഷ്ടം വരയ്ക്കാന്‍ തന്റെ പുറംപോക്ക് ശ്രീരാമന്‍ വിട്ടുനല്‍കുകയും ചെയ്തു.

മനോഹരമായ കമന്റുകളാണ് വീഡിയോയ്ക്ക് ലഭിച്ചിരിക്കുന്നത്. ‘മക്കമളാ കൊച്ചുമക്കളോ ഒഴിച്ച് ബാക്കി ആര് ചെയ്താലും പെരുക്ക് കിട്ടുന്ന പണി, താരമ്മ ഏതായാലും ആസ്വദിച്ച് ആ പണി ചെയ്തു, ഭക്ഷണം കഴിക്കുമ്പോള്‍ സീരാമേട്ടന്‍ ഫുള്‍ കോണ്‍സെന്‍ട്രേഷന്‍ അതിലായിരിക്കുമെന്ന് താരമ്മക്കറിയാലോ , ശ്രീരാമേട്ടാ ഇതില്‍ പരം സന്തോഷം എന്തുണ്ട് കുഞ്ഞിന്റെ സന്തോഷം എത്ര വലുതാണ്, ഈ ബനിയന്‍ ഇത് പോലെ സൂക്ഷിച്ച് വെക്കണം വര്‍ഷങ്ങള്‍ കഴിയുമ്പോള്‍ അത് കാണുമ്പോള്‍ മനസ്സിന് കിട്ടുന്ന സുഖം പറഞ്ഞറിയിക്കാന്‍ പറ്റില്ല ’ഇങ്ങനെ പോകുന്നു കമന്റുകള്‍.