അമ്പടി ജിഞ്ചിന്നാക്കിടി! പെണ്ഡോള്ഫിനുകളെ ആകര്ഷിക്കാന് തലയില് വിഗ് വെച്ച് ആണ്ഡോള്ഫിനുകള്
ഓരോ ജീവിയും ഇണയെ ആകര്ഷിക്കാനായി രസകരമായ മാര്ഗങ്ങളാണ് തേടുന്നത്. ചിലതൊക്കെ നമ്മുക്കറിയാമെങ്കിലും, പെണ്ഡോള്ഫിനുകളെ ആകര്ഷിക്കുന്നതിനായി ആണ്ഡോള്ഫിനുകള് നടത്തുന്ന രസകരമായ ഒരു മേക്കോവര് ആരും അധികം കണ്ടിട്ടുണ്ടാവില്ല. എന്നാല് അത്തരമൊരു വീഡിയോയാണ് ഇപ്പോള് ശ്രദ്ധ നേടുന്നത്.
ഓസ്ട്രേലിയല് ഹംബാക്ക് ഡോള്ഫിനുകളാണ് കഥയിലെ താരം. പെണ്ഡോള്ഫിനുകളെ ആകര്ഷിക്കുന്നതിനായി തലയില് വിഗ് വയ്ക്കുകയാണ്രേത കക്ഷിയുടെ രീതി. ഇതിനായി സമുദ്രത്തില് വളരുന്ന സ്പോഞ്ച് ആണ് കക്ഷി ഉപയോഗിക്കുന്നതത്രേ. കടലില് കാണുന്ന പോറിഫെറ ഫൈലത്തില് പെട്ട ജീവികളാണ് ഈ സ്പോഞ്ച്. സീനിയര് റിസര്ച്ച് സയന്റിസ്റ്റായ ഹോളി റോഡിനോയുടെ നേതൃത്വത്തിലുള്ള ഗവേഷകരാണ് ഇത് കണ്ടെത്തിയത്.
വാപാര്ക്സ് വൈല്ഡ്ലൈഫ് എന്ന ഇന്സ്റ്റഗ്രാം പേജിലൂടെയാണ് ഗവേഷകര് ഡോള്ഫിനുകളുടെ ഈ പ്രത്യേക സ്വഭാവ സവിശേഷത വിശദീകരിച്ചിരിക്കുന്നത്. ഗവേഷകര് പങ്കുവച്ച കുറിപ്പും രസകരമാണ്. 'ബാരിസ്റ്റര്മാരെ പോലെ തോന്നുമെങ്കിലും ഈ ഓസ്ട്രേലിയന് ഹംബാക്ക് ഡോള്ഫിനുകള് കോടതിയിലേക്ക് വേണ്ടി തയ്യാറാവുകയല്ല. സീ സ്പോഞ്ച് വിഗ് അവര് ധരിച്ചിരിക്കുന്നത് സ്ത്രീകളെ പ്രലോഭിക്കുന്നതിന് വേണ്ടിയാണ്. സ്ത്രീകളോട് വിവാഹാഭ്യര്ഥന നടത്തുന്നതിന് വേണ്ടിയാണ് അവര് തലയില് സീ സ്പോഞ്ച് ധരിക്കുന്നത്. അവര്ക്ക് ഒരു ബൊക്കെ നല്കുന്നത് പോലെ.' ഈ പ്രത്യേക വിഭാഗത്തിലുള്ള ഡോള്ഫിനുകള് വടക്കന് ഓസ്ട്രേലിയയുടെ തീരദേശത്താണ് കാണപ്പെടുന്നതത്രേ.
LATEST NEWS
- ആറ് വര്ഷം കമ്പനിയ്ക്ക് വേണ്ടി കഠിനാധ്വാനം ചെയ്തു: എന്നിട്ടും പുതുതായി വന്ന എംബിഎക്കാരന് പരിഗണന, മനംനൊന്ത് ജീവനക്കാരന് രാജിവച്ചു
- ഉറക്കം കുറവാണോ ? തലച്ചോറിന് എന്ത് സംഭവിക്കുമെന്ന് മനഃശാസ്ത്രജ്ഞ വെളിപ്പെടുത്തുന്നു
- രാവിലെ ഉറക്കണമുണര്ന്നപ്പോള് രോഗിയുടെ ശരീരം നീല നിറത്തില്: കാരണം കണ്ടുപിടിച്ചതോടടെ ചിരിയടക്കാനാകാതെ ഡോക്ടര്മാര്
- ദിവസവും ടെറസില് എത്തുന്നത് 6,000-ത്തോളം തത്തകള്, വിരുന്നൊരുക്കി സുദര്ശനും ഭാര്യയും: 'മെയ്യഴകനിലെ' വീട് ദാ ഇവിടുണ്ട്
- ഇന്ത്യയില് മാര്ച്ച് മുതല് പാചക വാതക വിതരണത്തില് ക്ഷാമം ഉണ്ടാകും: അഞ്ച് മാസം മുന്പ് പ്രവചിച്ചത് സത്യമായെന്ന് ജ്യോതിഷി
