ടാക്സി ഡ്രൈവര്ക്കെതിരെ വര്ഗീയ പരാമര്ശം; നടന് ജയകൃഷ്ണനെതിരെ കേസ്
ചലച്ചിത്ര നടന് ജയകൃഷ്ണനെതിരെ കേസ്. ടാക്സി ഡ്രൈവര്ക്കെതിരെ വര്ഗീയ പരാമര്ശം നടത്തിയെന്ന കുറ്റം ചുമത്തിയാണ് കേസെടുത്തിരിക്കുന്നത്. ജയകൃഷ്ണനടക്കം മൂന്ന് പേര്ക്കെതിരെയാണ് ഉര്വ പോലീസ് കേസെടുത്തത്. ടാക്സി ഡ്രൈവര് അഹമ്മദ് ഷഫീഖിന്റെ പരാതിയിലാണ് കേസെടുത്തത്. ഒക്ടോബര് ഒന്പതിന് രാത്രിയായിരുന്നു സംഭവം. ക്രൈം നമ്പര് 103/2025 പ്രകാരം ഭാരതീയ ന്യായ സംഹിതയിലെ സെക്ഷന് 352, 353(2) പ്രകാരമാണ് പോലീസ് കേസ് രജിസ്റ്റര് ചെയ്തത്. സംഭവത്തില് അന്വേഷണം പുരോഗമിക്കുകയാണെന്ന് പോലീസ് അറിയിച്ചു.
വ്യാഴാഴ്ച രാത്രിയായിരുന്നു സംഭവം. മംഗളൂരുവില് നടന് ജയകൃഷ്ണനും സുഹൃത്തുക്കളായ സന്തോഷ് എബ്രഹാം, വിമല് എന്നിവരും യാത്രക്കായി ഊബര് ടാക്സി വിളിക്കുകയും സംസാരത്തിനിടെ ജയകൃഷ്ണന് ഹിന്ദിയില് മുസ്ലിം തീവ്രവാദിയെന്നും ഭീകരവാദിയെന്നും ആക്രോശിച്ചതായി പരാതിയില് പറയുന്നു. വര്ഗീയ പരാമര്ശത്തെ ഡ്രൈവര് തന്നെ ചോദ്യം ചെയ്യുകയും ചെയ്തു. തന്റെ മാതാവിനെ പറഞ്ഞ് മലയാളത്തില് അധിക്ഷേപകരമായി സംസാരിക്കുകയും ചെയ്തുവെന്നും ഡ്രൈവറുടെ പരാതിയിലുണ്ട്.
LATEST NEWS
- അതൊരു തെറ്റിദ്ധാരണയാണ്, സരിഗയെ വിളിച്ച് മാപ്പ് പറഞ്ഞു; വിവാദത്തില് പ്രതികരിച്ച് നടന് ശങ്കര്
- എന്റെ മകന്റെ വിവാഹം പോലെ, അത്രയും ബന്ധമുണ്ട്; ബ്ലെസിയുടെ മകന്റെ വിവാഹത്തില് പങ്കെടുത്ത് മോഹന്ലാല്
- എനിക്കൊട്ടും താത്പര്യമില്ലാതെ ചെയ്ത സിനിമയാണ് നാനും റൗഡി താന് , കഥ കേട്ടപ്പോള് ഉറങ്ങിപ്പോയി ; വിജയ് സേതുപതി
- എന്റെ പ്രിയ സുഹൃത്ത് ഈ മഹത്തായ ബഹുമതി തമിഴ്നാടിന് നേടി തന്നിരിക്കുന്നു; വൈരമുത്തുവിനെ അഭിനന്ദിച്ച് കമല് ഹാസന്
- ത്രസിപ്പിക്കുന്ന നൃത്ത ചുവടുകളുമായി വേദിക, ആട് 3യിലെ ആദ്യ ഗാനം പുറത്ത്; അഡ്വാൻസ് ബുക്കിംഗ് ആരംഭിച്ചു, റിലീസ് മാർച്ച് 19ന്..
