‘‘ഞാന് വളരെ റെസ്പെക്ട് ചെയ്യുന്ന ഒന്നാണ് എന്റെ ബോഡി; ഒരു ലൈംഗിക വസ്തുവായി മാത്രമതിനെ കാണുന്നത് എനിക്ക് അരോചകമാണ്...’’ റീമ കല്ലിങ്കല്
ഡാൻസ് റിയാലിറ്റി ഷോയിലൂടെ സിനിമയിലേക്ക് എത്തിയ നടിയാണ് റിമ കല്ലിങ്കൽ. പിന്നീട് പല മികച്ച സിനിമകളിലും ബോള്ഡായ കഥാപാത്രങ്ങള് ചെയ്ത് റിമ കല്ലിങ്കല് മലയാള സിനിമയില് തന്റേതായ ഇരിപ്പിടം ഉറപ്പിച്ചു. തന്റെ അഭിപ്രായങ്ങളും നിലപാടുകളും തുറന്നു പറയാറുള്ള റിമ മലയാള സിനിമയില് സ്ത്രീകള് നേരിടുന്ന പ്രശ്നങ്ങളെക്കുറിച്ചും സ്ത്രീകള്ക്ക് പ്രാധാന്യം കുറയുന്നതിനെക്കുറിച്ചും പല തവണ തുറന്നു പറഞ്ഞിട്ടുണ്ട്.
ഇടയ്ക്കിടെ ചില സിനിമകളില് കരുത്തുറ്റ സ്ത്രീ കഥാപാത്രങ്ങളെ അവതരിപ്പിച്ച് റിമ വാര്ത്താപ്രാധാന്യം നേടാറുണ്ട്. റിമയുടെ ഏറ്റവും പുതിയ സിനിമയാണ് സജിൻ ബാബു സംവിധാനം ചെയ്യുന്ന ചിത്രം ‘തിയറ്റർ: ദി മിത്ത് ഓഫ് റിയാലിറ്റി’. ഇന്നത്തെ ലോകത്ത് മനുഷ്യർ സ്വന്തം വിശ്വാസങ്ങൾക്കും ആവശ്യങ്ങൾക്കും അനുസരിച്ചു യാഥാർഥ്യങ്ങളെ സ്വയം വ്യാഖ്യാനിക്കുന്നതാണ് ചിത്രത്തില് പ്രധാന കഥാപാത്രത്തെ അവതരിപ്പിക്കുന്നത് റിമയാണ്.
റിലീസിനും മുൻപേ അന്താരാഷ്ട്ര മേളയിലേക്ക് എത്തിയ ചിത്രത്തിലെ അഭിനയത്തിന് റിമ കല്ലിങ്കലിന് മികച്ച നടിക്കുള്ള കേരള ഫിലിം ക്രിട്ടിക്സിന്റെ അവാർഡ് ലഭിച്ചിരുന്നു. ഇക്കഴിഞ്ഞ ദിവസമാണ് ചിത്രത്തിന്റെ ട്രെയിലര് എത്തിയത്. ബോള്ഡ് ലുക്കിലുള്ള റിമയുടെ പ്രകടനം ഏറെ ശ്രദ്ധിക്കപ്പെടുന്നുണ്ട്, നിരവധി ചര്ച്ചകളിലും നിറയുന്നുണ്ട്.
ഇപ്പോഴിതാ തിയറ്റര് സിനിമയില് ന്യൂഡായി അഭിനയിച്ചതിനെപ്പറ്റി തുറന്നു പറയുകയാണ് റിമ കല്ലിങ്കല്. തിയറ്റര് സിനിമയില് നഗ്നയായി അഭിനയിച്ചു എന്നതു തന്നെയാണ് ചര്ച്ചയില് വരുന്നത് എന്ന് അവതാരകന് ചോദിക്കുമ്പോഴാണ് റിമ മറുപടി പറയുന്നത്. ‘‘ഒരു ആര്ട്ടിസ്റ്റ് എന്ന നിലയില് എന്റെ ആത്മാവിനെ കൊണ്ടു നടക്കുന്ന ടൂളായിട്ടാണ് ഞാന് ശരീരരത്തെ കണക്കാക്കുന്നത്. കമ്മ്യൂണിക്കേറ്റ് ചെയ്യാന് ഉപയോഗിക്കുന്ന ടൂള്. ഒരു ഡാന്സര് എന്ന നിലയിലും ഞാനതിനെ പാകപ്പെടുത്തുന്നതും അങ്ങനെയാണ്. ആഹാരം കഴിക്കുന്നതു പോലും ആ ചിന്ത മനസ്സില് വച്ചാണ്. ഞാൻ വളരെ അധികം റെസ്പെക്ട് ചെയുന്ന ഒന്നാണ് എന്റെ ബോഡി. അതിപ്പോള് പ്രൊഫഷന് എന്ന സ്പേസില് മാത്രമല്ല. ഒരുപാട് യാത്രകള് ചെയ്യുന്ന ആളാണ് ഞാന്. യാത്രകള് ചെയ്യുമ്പോൾ, എനിക്ക് ശാരീരികമായി ആരോഗ്യമുണ്ടായിരിക്കണം. എനിക്ക് അസുഖം വരാൻ ആഗ്രഹമില്ലാത്തതിനാൽ ഞാൻ എന്റെ ശരീരത്തിന് വളരെയധികം മുൻഗണന നൽകുന്നു.
എനിക്ക് പ്രായമാകുമ്പോള് ആളുകളെ ആശ്രയിക്കാതെ ജീവിക്കണം. പരമാവധി ആരെയും ബുദ്ധിമുട്ടിക്കാതെ കടന്നു പോകണമെന്നുണ്ട്. അതിന് ഞാന് ആരോഗ്യകരമായ ഒരു ജീവിതം നയിക്കണം. ഞാൻ എന്റെ ശരീരത്തെ പല തലങ്ങളിൽ സമീപിക്കുകയും ബഹുമാനിക്കുകയും ചെയ്യുന്നു. അതുകൊണ്ടാണ് അതിനെ ലൈംഗികവൽക്കരിക്കുമ്പോൾ എനിക്കത് അരോചകമായി തോന്നുന്നത്. കാരണം ഞാനത്രയും ബഹുമാനത്തോടെയാണ് എന്റെ ശരീരത്തെ ട്രീറ്റ് ചെയ്യുന്നതും നോക്കിക്കാണുന്നതും. ഒരു ലൈംഗിക വസ്തുവായി മാത്രം അതിനെ കാണുമ്പോൾ, അത് ദുരുപയോഗത്തിന്റെ തലത്തിലെത്തുമ്പോൾ, അനാവശ്യമായി സ്പർശിക്കുകയോ നോക്കുകയോ ചെയ്യുമ്പോൾ എനിക്ക് അനുഭവപ്പെടുന്ന അസ്വസ്ഥതയുടെ അളവ്, എന്റെ ശരീരത്തോടുള്ള എനിക്ക് ബഹുമാനത്തിന് പരോക്ഷമായി ആനുപാതികമാണ്....’’ റിമ പറഞ്ഞു. റിമയുടെ ഈ അഭിപ്രായത്തെ പിന്താങ്ങിയും വിമര്ശിച്ചും വീഡിയോയ്ക്ക് താഴെ പലരും കമന്റുകള് കുറിക്കുന്നുണ്ട്.
കേരളത്തിലെ ഒരു ഗ്രാമത്തിലെ ഒരു യുവതിയെ ബാധിക്കുന്ന ഒരു നിഗൂഢമായ ശാപത്തിന്റെ പ്രമേയത്തിലൂടെ രൂപപ്പെടുത്തിയ, സ്ത്രീ ലൈംഗികതയെയും ഏജൻസിയെയും കുറിച്ചുള്ള നാടോടിക്കഥകളിൽ നിന്ന് പ്രചോദനം ഉൾക്കൊണ്ടുള്ള ഒരു പര്യവേക്ഷണമാണ് തിയേറ്റർ: ദി മിത്ത് ഓഫ് റിയാലിറ്റിയുടെ ട്രെയിലർ. ആധുനിക സ്ത്രീത്വത്തെക്കുറിച്ചുള്ള ഒരു മാന്ത്രിക-യഥാർത്ഥ കാഴ്ചപ്പാടാണ് പ്രോമോ നല്കുന്ന സൂചന.
YOU MAY BE INTERESTED
LATEST NEWS
- താല്പ്പര്യം ഇല്ലാതെ ചെയ്ത ചിത്രം, വിജയ് യുടെ ആരാധകരെ കണ്ട് ഞെട്ടി; അരങ്ങേറ്റ ചിത്രത്തെക്കുറിച്ച് പ്രിയങ്ക ചോപ്ര
- ' പുലിവാല് കല്യാണത്തില് നായകന് ഞാനാണെങ്കിലും സലീമേട്ടന്റെ മണവാളനാണ് സ്കോര് ചെയ്തത് ' ; ജയസൂര്യ
- എന്തിനാണ് നീ ഇത് ചെയ്തത് , വിശ്വസിക്കാന് ആവുന്നില്ലല്ലോ അപ്പൂസേ... ; ഹരി മുരളിയുടെ വിയോഗത്തില് സീമ ജി നായര്
- എല്ലാം നോക്കുന്നത് ഭാര്യ, എന്റെ അക്കൗണ്ടില് എത്ര പണം ഉണ്ടെന്ന് പോലും എനിക്കറിയില്ല, എന്റെ ആവശ്യത്തിന് ഞാന് ആര്തിയോട് ചോദിച്ച് വാങ്ങുകയാണ് ചെയ്യാറുള്ളത് ;ശിവകാര്ത്തികേയന്
- ' ജീത്തു ജോസഫിന്റെ പടങ്ങളില് കാണുന്നില്ലല്ലോ' ; മറുപടിയുമായി കൂട്ടിക്കല് ജയചന്ദ്രന്
