ദീർഘദൂര യാത്രക്കാർക്ക് ആശ്വാസമായി ഹൈക്കോടതി വിധി; പെട്രോൾ പമ്പുകളിൽ 24 മണിക്കൂറും ടോയ്ലറ്റ് സൗകര്യം

photo; representative

ദീർഘദൂര യാത്രക്കാർക്ക് ഏറെ ആശ്വാസം നൽകുന്ന വിധിയുമായി ഹൈക്കോടതി. ദേശീയപാതകളിലെ പെട്രോൾ പമ്പുകളിൽ യാത്രക്കാർക്കും ഉപഭോക്താക്കൾക്കും 24 മണിക്കൂറും ടോയ്ലറ്റ് സൗകര്യം ലഭ്യമാക്കണമെന്ന സിംഗിൾ ബെഞ്ച് ഉത്തരവ് ഹൈക്കോടതി ഡിവിഷൻ ബെഞ്ച് ശരിവച്ചു. ഇതോടെ ഈ വിഷയത്തിൽ പെട്രോൾ പമ്പ് ഉടമകൾ നൽകിയ അപ്പീൽ തള്ളപ്പെട്ടു.
യാത്രക്കിടെ അടിസ്ഥാനപരമായ സൗകര്യങ്ങൾ ലഭ്യമല്ലാത്തത് പലപ്പോഴും വലിയ ബുദ്ധിമുട്ടുകൾ സൃഷ്ടിക്കാറുണ്ട്. ഇത് മനസ്സിലാക്കിയാണ് കോടതിയുടെ ഈ സുപ്രധാനമായ വിധി. ടോൾ പിരിക്കുന്ന ദേശീയപാത അതോറിറ്റിയെ (എൻ.എച്ച്.എ.ഐ.) കോടതി രൂക്ഷമായി വിമർശിക്കുകയും ചെയ്തു. “അടിസ്ഥാന സൗകര്യങ്ങൾ ഒരുക്കിയില്ലെങ്കിലും നാലിടത്ത് ടോൾ ഉണ്ടാക്കി” എന്ന് കോടതി നിരീക്ഷിച്ചത് ഈ വിഷയത്തിന്റെ ഗൗരവം വ്യക്തമാക്കുന്നു.