‘‘ലോകമെമ്പാടുമുള്ള മലയാളികൾക്ക് ധർമ്മജയന്തി ആശംസകൾ...’’കിടിലന് ക്യാപ്ഷനുമായി പ്രിയ സുഹൃത്ത് ധര്മ്മജന് ജന്മദിനാശംസകള് കുറിച്ച് രമേഷ് പിഷാരടി
മിമിക്രി രംഗത്തുനിന്ന് സിനിമയിലേക്കെത്തിയ നടനാണ് രമേഷ് പിഷാരടി. കോമഡി താരമായി നിരവധി ചിത്രങ്ങളിൽ വേഷമിട്ട പിഷാരടി 2018 ൽ ജയറാമിനെ നായകനാക്കിക്കൊണ്ട് പുറത്തിറങ്ങിയ പഞ്ചവർണ്ണതത്ത എന്ന ചിത്രത്തിലൂടെ സംവിധാനരംഗത്തും മിന്നിത്തിളങ്ങി. പിഷാരടിയ്ക്കൊപ്പം വേദികളില് നിറഞ്ഞു നിന്നിരുന്ന താരമാണ് ധര്മ്മജന് ബോള്ഗാട്ടി. ഇവര് ഒരുമിച്ച് വേദികളിലും മിനിസ്ക്രീനിലും കോമഡി പരിപാടികള് അവതരിപ്പിച്ച് കൈയടി നേടിയിരുന്നു.
രമേഷ് പിഷാരടിയും ധര്മ്മജനും ഒരേ സമയത്ത് തന്നെയാണ് ബിഗ് സ്ക്രീനിലും നര്മ്മവേഷങ്ങളിലൂടെ തിളങ്ങിയത്. ധർമ്മജൻ-രമേശ് പിഷാരടി കോംബോ കോമഡി ഷോകളിൽ വൻ ഹിറ്റായതാണ്. ഇരുവരും അടുത്ത സുഹൃത്തുക്കളുമാണ്. ഷോകളിലും അല്ലാതെയുമെല്ലാം ഇവര് പരസ്പരം ട്രോളാറുമുണ്ട്. രണ്ടുപേരും ചുരുക്കം സിനിമകളിലൂടെ തന്നെ പ്രേക്ഷകരുടെ ഹൃദയം കീഴടക്കി. സ്ക്രീനിനു പുറത്തും തികഞ്ഞ ഒരു സൗഹൃദം കാത്തുസൂക്ഷിക്കാന് ഇവര്ക്ക് കഴിഞ്ഞിട്ടുണ്ട്.
ഇപ്പോഴിതാ തന്റെ സന്തതസഹചാരിയും സുഹൃത്തുമായ ധര്മ്മജന് ജന്മദിനാശംസകള് പങ്കിടുകയാണ് രമേഷ് പിഷാരടി. ‘‘ലോകമെമ്പാടുമുള്ള മലയാളികൾക്ക് ധർമ്മജയന്തി ആശംസകൾ...’’ എന്ന ക്യാപ്ഷന് നല്കിയാണ് പിഷാരടി ആശംസകള് കുറിച്ചിരിക്കുന്നത്. ക്യാപ്ഷന് സിംഹം എന്ന് വിളിപ്പേരുള്ള രമേഷ് പിഷാരടിയും പോസ്റ്റും ആശംസയും ഏറ്റെടുക്കുകയാണ് ആരാധകര്.
പോസ്റ്റിനു താഴെ പല ആരാധകരും കമന്റുകള് കുറിച്ചിട്ടുണ്ട്. ‘എത്ര നാളായി നിങ്ങളെ ഒരുമിച്ച് കണ്ടിട്ട് ധർമജൻ പിഷാരടി കോമ്പോ, കപ്പല് മുതലാളീസ്, സണ്ണി വെയ്നിന്റെ വിഷ് കണ്ടപ്പോഴാണ് കാര്യം പിടി കിട്ടിയത്, ജന്മദിനാശംസകൾ ധർമ്മജന്..’ എന്നതടക്കമാണ് കമന്റുകള്.
YOU MAY BE INTERESTED
LATEST NEWS
- മാനവരാശിയുടെ നിലനില്പിനു തന്നെ ഭീഷണിയാകുന്ന ചില വിശ്വാസപ്രമാണങ്ങൾ ...... പൊളിച്ചെഴുത്തിൻ്റെ കാഹളം മുഴക്കിയെത്തുന്ന ആക്ഷൻ ക്രൈം ത്രില്ലർ കിരാത മാർച്ച് 27-ന് തീയേറ്ററുകളിൽ
- ' തിയേറ്ററില് വര്ക്കായില്ല, പക്ഷേ ആ ചിത്രം വിരാട് കോഹ്ലിയ്ക്ക് ഇഷ്ടമാണെന്നും മാച്ചിന് മുമ്പ് കാണാറുണ്ടെന്നും പറഞ്ഞു' ; പ്രിയദര്ശന്
- ' പ്രമാണിമാരോടും ഉന്നതന്മാരോടും ഒരു നീതി, സാധാരണ മനുഷ്യരോട് മറ്റൊരു നീതി' ; മുഖ്യമന്ത്രിയോട് നടന് പ്രേം കുമാര്
- ' മരുന്ന് ഉപേക്ഷിച്ചാല് എനിക്ക് അപസ്മാരം വരും, ആരും കാണാതിരിക്കാന് ഞാന് ബാത്ത്റൂമില് പോയി കതക് അടച്ച് ഇരിക്കും' ; ഫാത്തിമ സന ഷെയ്ഖ്
- ' ആട് സിനിമയില് ഡ്യൂഡ് അല്ല ചെയ്യാന് ആഗ്രഹിച്ചത് മറ്റൊരു കഥാപാത്രം, പക്ഷെ മിഥുന് സമ്മതിച്ചില്ല' ; വിനായകന്
