‘രാഹുല് മാങ്കൂട്ടത്തിൽ സ്ത്രീകള്ക്ക് വെല്ലുവിളിയാവുന്ന മാനസികാവസ്ഥയ്ക്ക് ഉടമ, രാജിയില് ഒതുക്കാന് കഴിയുന്നതല്ല’; കെ.കെ ശൈലജ
രാഹുല് മാങ്കൂട്ടത്തിനെതിരായ വെളിപ്പെടുത്തലുകൾ പൊതുസമൂഹത്തിന്റെ മനസാക്ഷിയെ ഞെട്ടിക്കുന്നതെന്ന് സിപിഐഎം നേതാവ് കെ കെ ശൈലജ. ഗര്ഭഛിദ്രത്തിനുള്പ്പെടെ നിര്ബന്ധിച്ചുവെന്ന തരത്തിൽ ഗുരുതര ആരോപണങ്ങള് ഉയരുന്നു. കേവലം സ്ഥാനമാനങ്ങളുടെ രാജിയില് ഒതുക്കാന് കഴിയുന്നതല്ല.സ്ത്രീകള്ക്കും പൊതുസമൂഹത്തിനും വെല്ലുവിളിയാവുന്ന മാനസികാവസ്ഥയ്ക്ക് ഉടമയാണ് ഇയാൾ.പരാതികളെല്ലാം അവഗണിച്ച കോണ്ഗ്രസ് നേതൃത്വം മറുപടി പറയാന് ബാധ്യസ്ഥരാണ്.
വടകര തിരഞ്ഞെടുപ്പ് സമയത്ത് വ്യാജ ഐഡികൾ ഉപയോഗിച്ച് സ്ത്രീകളെ അധിക്ഷേപിക്കുന്ന സംഘം രാഹുല് മാങ്കൂട്ടത്തിലിന്റെയും ഷാഫി പറമ്പിലിന്റെയും നേതൃത്വത്തില് ഉണ്ടായിരുന്നുവെന്നും കെ കെ ശൈലജ ഫേസ്ബുക്കിൽ കുറിച്ചു.
ഫേസ്ബുക് കുറിപ്പിന്റെ പൂർണരൂപം
രാഹുല് മാങ്കൂട്ടത്തിനെതിരെ പൊതുസമൂഹത്തിന്റെ മനസാക്ഷിയെ ഞെട്ടിക്കുന്ന വെളിപ്പെടുത്തലുകളാണ് പുറത്തേക്ക് വന്നുകൊണ്ടിരിക്കുന്നത്. ഗര്ഭഛിദ്രത്തിനുള്പ്പെടെ നിര്ബന്ധിച്ചുവെന്ന ഗുരുതര ആരോപണങ്ങള് കേവലം സ്ഥാനമാനങ്ങളുടെ രാജിയില് ഒതുക്കാന് കഴിയുന്നതല്ല. സ്ത്രീകള്ക്കും പൊതുസമൂഹത്തിനുമാകെ വെല്ലുവിളിയാവുന്നൊരു മാനസികാവസ്ഥയ്ക്ക് ഉടമയാണ് ഇയാളെന്നതാണ് പുറത്തുവരുന്ന വിവരങ്ങള്.
ഇയാള്ക്കെതിരെ തുടര്ച്ചയായി ലഭിച്ച പരാതികളെല്ലാം അവഗണിച്ച് ജനപ്രതിനിധിയാവാന് ഉള്പ്പെടെ അവസരം നല്കിയ കോണ്ഗ്രസ് നേതൃത്വമൊന്നാകെ ഈ വിഷയത്തില് മറുപടി പറയാന് ബാധ്യസ്ഥരാണ്. സമൂഹ മാധ്യമങ്ങളില് വ്യാജ ഐഡികൾ ഉപയോഗിച്ച് സ്ത്രീകള്ക്കെതിരെ കേട്ടാലറക്കുന്ന ഭാഷയില് പ്രതികരണങ്ങള് നടത്തുന്നൊരു സംഘം രാഹുല് മാങ്കൂട്ടത്തിലിന്റെയും ഷാഫി പറമ്പിലിന്റെയും നേതൃത്വത്തില് ഉണ്ടെന്നുള്ളത് വടകര പാര്ലമെന്റ് തെരഞ്ഞെടുപ്പില് ഉള്പ്പെടെ വ്യക്തമായിട്ടുള്ളതാണ്. വ്യാജ ഐഡികൾ ഉപയോഗിക്കുന്നതിനാലും ഇത്തരം കമൻ്റുകൾക്ക് ശേഷം ഐഡി ഡിലീറ്റ് ചെയ്യുന്നതിനാലും നിയമനടപടി സ്വീകരിക്കുക ശ്രമകരമായിരുന്നു.
രാഷ്ട്രീയ ലാഭത്തിന് വേണ്ടി ഇത്തരക്കാരെ സംരക്ഷിച്ച് നിര്ത്തിയ കോണ്ഗ്രസ് നേതൃത്വം ഗത്യന്തരമില്ലാതെയാണ് ഇപ്പോള് പ്രതികരിച്ചിരിക്കുന്നു. ഗര്ഭഛിദ്രത്തിന് നിര്ബന്ധിക്കുന്നതുള്പ്പെടെ ഗുരുതരമായ ക്രിമിനല് കുറ്റങ്ങള് ചെയ്ത ഈ വ്യക്തിക്കെതിരെ ശക്തമായ നിയമനടപടികള് ഉണ്ടാവണം. ഇയാള് ജനപ്രതിനിധിയായി തുടരുന്നത് കേരളാ നിയമസഭയ്ക്കാകെ നാണക്കേടാണ്.
YOU MAY BE INTERESTED
LATEST NEWS
- വിറപ്പിച്ച് ജി. സുധാകരന്; വീഴാതിരിക്കാന് ചടുലനീക്കങ്ങളുമായി സി.പി.എം.; വ്യക്തിയുടെ 'ഈഗോ'യ്ക്കുമുന്നില് പാര്ട്ടി മുട്ടുമടക്കില്ലെന്ന് അണികളെ ബോധ്യപ്പെടുത്തും
- ‘ഭുവനേശ്വരന് ആക്രമിക്കപ്പെട്ടപ്പോഴും മരിച്ചപ്പോഴും പാര്ട്ടിയില്നിന്ന് ആരും സഹായിച്ചില്ല, തമിഴ്നാട്ടിലും ബംഗാളിലും കോണ്ഗ്രസുമായി സഖ്യമുണ്ടാക്കിയില്ലേ?’: ജി. സുധാകരന്
- വയനാട് തുരങ്കപാത നിര്മാണം; പ്രകൃതിസംരക്ഷണ സമിതിയുടെ അപ്പീലിനെതിരേ തടസഹര്ജി നല്കി സര്ക്കാര്; സുപ്രീം കോടതിയുടെ ഇടപെടല് നീട്ടിവയ്പ്പിക്കല് ലക്ഷ്യം
- മുകുന്ദേട്ടാ ബി.ജെ.പി. വിളിക്കുന്നു ... സി.സി. മുകുന്ദനെ റാഞ്ചാന് ലക്ഷ്യമിട്ട് ബി.ജെ.പി,; ആശയക്കുഴപ്പത്തില് കോണ്ഗ്രസ്, പ്രാദേശിക തലത്തില് ശക്തമായ എതിര്പ്പ്
- എലത്തൂരില് മന്ത്രി എ.കെ. ശശീന്ദ്രന് മത്സരിക്കണോ? തീരുമാനം നീളുന്നു, തെരഞ്ഞെടുപ്പ് വിജ്ഞാപനം വരുന്നതിനുമുമ്പ് പ്രശ്നങ്ങള് തീര്ക്കണമെന്നു സിപിഎം
