' കൂലി' യുടെ എ സര്ട്ടിഫിക്കറ്റ് ഒഴിവാക്കണം; മദ്രാസ് ഹൈക്കോടതിയില് ഹര്ജി നല്കി നിര്മാതാക്കള്
ലോകേഷ് കനകരാജ് സംവിധാനം ചെയ്ത് തിയേറ്ററുകളില് എത്തിയ പുതിയ രജനികാന്ത് ചിത്രമാണ് കൂലി. ചിത്രത്തിന്റെ വിജയപ്രദര്ശനത്തിനിടയില് കോടതിയെ സമീപിച്ചിരിക്കുകയാണ് നിര്മാതാക്കളായ സണ് പിക്ചേഴ്സ്. കൂലിയുടെ എ സര്ട്ടിഫിക്കറ്റ് ഒഴിവാക്കണം എന്നാവശ്യപ്പെട്ടാണ് നിര്മാതാക്കള് മദ്രാസ് ഹൈക്കോടതിയില് ഹര്ജി നല്കിയിരിക്കുന്നത്.
തമിഴില് അടുത്ത കാലത്തിറങ്ങിയ ചിത്രങ്ങളെ വെച്ച് നോക്കുമ്പോള് കൂലിയില് വയലന്സ് രംഗങ്ങള് കുറവാണെന്നും ചിത്രത്തിന് യു/എ സര്ട്ടിഫിക്കറ്റ് നല്കണമെന്നുമാണ് നിര്മാതാക്കളുടെ ആവശ്യം. എ സര്ട്ടിഫിക്കറ്റ് ആയതു കൊണ്ട് തന്നെ രജനിയുടെ ആരാധകരായ കുട്ടികള്ക്ക് ചിത്രം കാണാനുളള അവസരം നിഷേധിക്കപ്പെടുന്നു.
' കെജിഎഫ്', ' ബിസ്റ്റ്' തുടങ്ങിയ ചിത്രങ്ങളുടെ അതേ ആക്ഷന് സ്വീകന്സുകളാണ് കൂലിയും ഉളളത്, എന്നാല് ഈ ചിത്രങ്ങള്ക്ക് നല്കിയത് യു/എ സര്ട്ടിഫിക്കറ്റ് ആണെന്നും നിര്മാതാക്കള് ചൂണ്ടികാണിക്കുന്നു. ഹര്ജി ഇന്ന് ജസ്റ്റിസ് തമിഴ് സെല്വി പരിഗണിക്കും.
രജനികാന്തിന് പുറമേ ആമിര്ഖാന്, നാഗാര്ജുന, സൗബിന് ഷാഹിര്, ഉപേന്ദ്ര, ശ്രുതിഹാസന്, സത്യരാജ് തുടങ്ങി നിരവധി താരങ്ങള് ചിത്രത്തില് ഉണ്ട്. അനിരുദ്ധ രവിചന്ദര് ആണ് സംഗീതം.
YOU MAY BE INTERESTED
LATEST NEWS
- ' പേട്രിയറ്റ് ഡബ്ബിംഗ്' ; പുത്തന് അപ്ഡേറ്റ് പങ്കുവെച്ച് നടന് മമ്മൂട്ടി
- നിയമം നിയമമാണ്, അതിനെ കുറ്റപ്പെടുത്താന് സാധിക്കില്ല; ജനനായകന് റിലീസ് വൈകുന്നതില് പ്രതികരിച്ച് പവന് കല്യാണ്
- ഹോര്മോണല് ഷിഫ്റ്റ് വന്നു, പാര്ട്ടികള് കുറച്ചു, വേദന കുറേയുണ്ട്; നാല്പ്പതുകളിലെ ബുദ്ധിമുട്ടുകളെക്കുറിച്ച് തുറന്നു പറഞ്ഞ് രഞ്ജിനി
- ഷൈന് ടോം ചാക്കോ നായകനാകുന്ന പുതിയ ചിത്രം ' ഡാന്സാഫ്'
- ' കല്യാണം കഴിക്കാന് പോകുന്നുവെന്ന് അഹാനയുടെ മെസേജ്, നിമിഷിനെ വളരെക്കാലമായി അറിയാം, അവളോട് പറഞ്ഞത് ഒരേയൊരു കാര്യം' ; കൃഷ്ണകുമാര്
