-->
അവതാരകയായി കുടുംബപ്രേക്ഷകര്ക്ക് മുന്നിലെത്തി പിന്നീട് അഭിനേത്രിയായും യൂട്യൂബറായും സോഷ്യല് മീഡിയ ഇന്ഫ്ലുവന്സറായും തിളങ്ങിയ താരമാണ് പേര്ളി മാണി. ബിഗ് ബോസിലെ മത്സരാര്ത്ഥിയായി എത്തിയ പേര്ളി തന്റെ ജീവിതപങ്കാളിയായി ശ്രീനിഷിനെ കണ്ടെത്തിയതും അതിലൂടെയാണ്. സോഷ്യല് മീഡിയയില് തിളങ്ങി നില്ക്കുന്ന താരം ഫോട്ടോഷൂട്ടുകളും റീല്സും വിശേഷങ്ങളുമൊക്കെ അതിലൂടെ പങ്കിടാറുണ്ട്.
ഇപ്പോഴിതാ സ്റ്റൈലിഷ് ലുക്കിലുള്ള ചിത്രങ്ങള് പങ്കിടുകയാണ് പേര്ളി. ‘‘നിങ്ങളുടെ ഉള്ളിലുള്ള കുട്ടിയെ ഇടയ്ക്കിടെ പരിഭ്രാന്തരാകാൻ അനുവദിക്കുക...’’ എന്ന ക്യാപ്ഷന് നല്കിയാണ് പേര്ളി ചിത്രങ്ങള് പങ്കിട്ടിരിക്കുന്നത്. ഷോര്ട്സും ബ്ലൂ സ്പോര്ട്സ് ടീ ഷര്ട്ടും കൈയിലും കഴുത്തിലും നിറയെ ആഭരണങ്ങളും അണിഞ്ഞാണ് താരം ചിത്രങ്ങളില് തിളങ്ങുന്നത്.