കീം പരീക്ഷയിലെ റാങ്ക്പട്ടിക ; ഹൈക്കോടതിവിധിക്കെതിരേ സര്ക്കാര് സുപ്രീംകോടതിയില് അപ്പീലിനില്ല
ന്യൂഡല്ഹി: എഞ്ചിനീയറിംഗ് പ്രവേശനത്തിനുള്ള കീം റാങ്ക്പട്ടിക പുതുക്കണമെന്ന ഹൈക്കോടതി വിധിയ്ക്കെതിരേ സംസ്ഥാനസര്ക്കാര് സുപ്രീംകോടതിയില് അപ്പീല് നല്കാനില്ല. പക്ഷേ കേരളസിലബസ് വിദ്യാര്ത്ഥികള്ക്ക് ഉണ്ടാകുന്ന നഷ്ടം കോടതിയെ അറിയിക്കും.
ഹൈക്കോടതി നേരത്തേ സിബിഎസ് സി വിദ്യാര്ത്ഥികളുടെ ഹര്ജിയില് പുതിയ റാങ്ക്ലിസ്റ്റ് പ്രസിദ്ധീകരിക്കാന് കേരളത്തോട് ആവശ്യപ്പെടുകുയും അതിന്പ്രകാരമുള്ള നടപടിക്രമങ്ങള് കേരളസര്ക്കാരിന് നടപ്പിലാക്കേണ്ടിയും വന്നിരുന്നു. പ്രവേശന നടപടികള് അവസാനഘട്ടത്തില് എത്തി നില്ക്കുമ്പോള് സുപ്രീംകോടതിയില് പോകേണ്ടതില്ലെന്ന നിലപാടിലാണ് നിലവില് സര്ക്കാരുള്ളത്.
എന്നാല് ഹൈക്കോടതി വിധിക്കെതിരേ കേരളസിലബസില് പരീക്ഷയെഴുതിയ വിദ്യാര്ത്ഥികള് നല്കിയ അപ്പീലില് സുപ്രീംകോടതിയില് പോകുന്നുണ്ടോ എന്നറിയിക്കാന് കേരളസര്ക്കാരിനോട് സുപ്രീംകോടതി തന്നെ ചൊവ്വാഴ്ച ആവശ്യപ്പെട്ടിരുന്നു. കേരളസിലബസ് വിദ്യാര്ത്ഥികള് നല്കിയ ഹര്ജിയില് ഇന്ന് സംസ്ഥാന സര്ക്കാരിന് വേണ്ടി സീനിയര് അഭിഭാഷകന് ജയ്ദീപ് ഗുപ്ത ഇന്ന് സുപ്രീംകോടതിയില് ഹാജരാകും.
എഞ്ചിനീയറിംഗ് പ്രവേശന നടപടികള് ഓഗസ്റ്റ് 14 ന് ഉള്ളില് പൂര്ത്തിയാക്കേണ്ടതുണ്ട്. അപ്പീലിന് പോയാല് കേസില് വാദം കേള്ക്കള് നീണ്ടുപോകുന്നത് പ്രവേശന നടപടികള്ക്ക് തിരിച്ചടിയാകും. അതുകൂടി കണക്കിലെടുത്താണ് അപ്പീലിന് പോകേണ്ടെന്ന് സര്ക്കാര് തീരുമാനം എടുത്തിരിക്കുന്നത്. അതേസമയം ഹൈക്കോടതി വിധിമൂലം കേരളസിലബസ് വിദ്യാര്ത്ഥികള്ക്ക് ഉണ്ടാകുന്ന നഷ്ടം കോടതിയെ അറിയിക്കും.
YOU MAY BE INTERESTED
LATEST NEWS
- വിറപ്പിച്ച് ജി. സുധാകരന്; വീഴാതിരിക്കാന് ചടുലനീക്കങ്ങളുമായി സി.പി.എം.; വ്യക്തിയുടെ 'ഈഗോ'യ്ക്കുമുന്നില് പാര്ട്ടി മുട്ടുമടക്കില്ലെന്ന് അണികളെ ബോധ്യപ്പെടുത്തും
- ‘ഭുവനേശ്വരന് ആക്രമിക്കപ്പെട്ടപ്പോഴും മരിച്ചപ്പോഴും പാര്ട്ടിയില്നിന്ന് ആരും സഹായിച്ചില്ല, തമിഴ്നാട്ടിലും ബംഗാളിലും കോണ്ഗ്രസുമായി സഖ്യമുണ്ടാക്കിയില്ലേ?’: ജി. സുധാകരന്
- വയനാട് തുരങ്കപാത നിര്മാണം; പ്രകൃതിസംരക്ഷണ സമിതിയുടെ അപ്പീലിനെതിരേ തടസഹര്ജി നല്കി സര്ക്കാര്; സുപ്രീം കോടതിയുടെ ഇടപെടല് നീട്ടിവയ്പ്പിക്കല് ലക്ഷ്യം
- മുകുന്ദേട്ടാ ബി.ജെ.പി. വിളിക്കുന്നു ... സി.സി. മുകുന്ദനെ റാഞ്ചാന് ലക്ഷ്യമിട്ട് ബി.ജെ.പി,; ആശയക്കുഴപ്പത്തില് കോണ്ഗ്രസ്, പ്രാദേശിക തലത്തില് ശക്തമായ എതിര്പ്പ്
- എലത്തൂരില് മന്ത്രി എ.കെ. ശശീന്ദ്രന് മത്സരിക്കണോ? തീരുമാനം നീളുന്നു, തെരഞ്ഞെടുപ്പ് വിജ്ഞാപനം വരുന്നതിനുമുമ്പ് പ്രശ്നങ്ങള് തീര്ക്കണമെന്നു സിപിഎം
