സെന്റ് ജോണ് ദി ബാപ്റ്റിസ്റ്റിന്റെ ആഘോഷത്തില് വെടിവെയ്പ്പ് ; മെക്സിക്കോയില് 12 പേര് കൊല്ലപ്പെട്ടു
മെക്സിക്കോ സിറ്റി: മതപരമായ ആഘോഷത്തിനിടയില് ജനക്കൂട്ടത്തിന് നേരെ നടന്ന വെടിവയ്പ്പില് 12 പേര് കൊല്ലപ്പെട്ടു. മെക്സിക്കന് സംസ്ഥാനമായ ഗ്വാനജുവാറ്റോയില് ഇറാപുവാറ്റോ നഗരത്തില് ആഘോഷത്തിനിടെയായിരുന്നു സംഭവം. ഒരൂ കൂട്ടം തോക്കുധാരികള് നടത്തിയ വെടിവയ്പില് രാത്രി പന്ത്രണ്ട് പേര് കൊല്ലപ്പെട്ടതായി അധികൃതര് അറിയിച്ചു.
ഷൂട്ടിംഗ് ആരംഭിക്കുമ്പോള് ആളുകള് സെന്റ് ജോണ് ദി ബാപ്റ്റിസ്റ്റിന്റെ ആഘോഷത്തില് തെരുവില് ആടുകയും പാടുകയും മദ്യപിക്കുകയും ചെയ്യുകയായിരുന്നു. ഇതിനിടയിലായിരുന്നു വെടിവെയ്പ്പ് നടന്നത് ഓണ്ലൈനില് പ്രചരിക്കുന്ന വീഡിയോകള് അനുസരിച്ച്, വെടിവെപ്പില് നിന്ന് രക്ഷപ്പെടാന് ജനക്കൂട്ടം ഓടുകയും നിലവിളിക്കുകയും ചെയ്തു. ഇരകളുടെ എണ്ണം 12 ആയി ഉയര്ന്നതായി ഇറാപുവാറ്റോ ഉദ്യോഗസ്ഥന് റോഡോള്ഫോ ഗോമസ് സെര്വാന്റസ് ബുധനാഴ്ച വാര്ത്താ സമ്മേളനത്തില് പറഞ്ഞു. മറ്റ് 20 പേര്ക്ക് പരിക്കേറ്റു.
പ്രസിഡന്റ് ക്ലോഡിയ ഷെയിന്ബോം ആക്രമണത്തെ അപലപിച്ചു. ഇത് അന്വേഷണത്തിലാണെന്ന് പറഞ്ഞു. രണ്ടാം തവണയാണ് കൂട്ടവെടിവെയ്പ് നടന്നിരിക്കുന്നത്. കഴിഞ്ഞമാസം ഗ്വാനജുവാറ്റോയിലെ സാന് ബാര്ട്ടോലോ ഡി ബെറിയോസില് കത്തോലിക്കാ സഭ സംഘടിപ്പിച്ച പാര്ട്ടിയെ ലക്ഷ്യമിട്ട് നടത്തിയ വെടിവയ്പ്പില് ഏഴ് പേര് കൊല്ലപ്പെട്ടിരുന്നു.
വിവിധ സംഘടിത ക്രൈം ഗ്രൂപ്പുകള് നിയന്ത്രണത്തിന് വേണ്ടി പോരാടുന്നതിനാല് മെക്സിക്കോസിറ്റിയുടെ വടക്കുപടിഞ്ഞാറുള്ള ഗ്വാന്ജുവാറ്റോ രാജ്യത്തെ ഏറ്റവും അക്രമാസക്ത സംസ്ഥാനങ്ങളിലൊന്നാണ്. ഈ വര്ഷത്തിലെ ആദ്യ അഞ്ച് മാസങ്ങളില് 1,435 കൊലപാതകങ്ങളാണ് സംസ്ഥാനത്ത് നടന്നത്, മറ്റേതൊരു സംസ്ഥാനത്തേക്കാളും ഇരട്ടിയിലധികം.
LATEST NEWS
- ഫലസ്തീന് തടവുകാരന് സൈനികരുടെ ലൈംഗിക പീഡനം; വിവാദ കേസ് പിന്വലിച്ച് ഇസ്രായേല്
- പാചകവാതക പ്രതിസന്ധി ; സിവില് സപ്ലൈസ് കമ്മീഷണറേറ്റില് വാര് റൂം പ്രവര്ത്തനം ആരംഭിച്ചു
- ശബരിമലയിൽ മലക്കംമറിഞ്ഞ് സർക്കാർ; 'മതപണ്ഡിതരുമായി ആലോചിച്ച് തീരുമാനിക്കണം'; സുപ്രീംകോടതിയിൽ സത്യവാങ്മൂലം സമർപ്പിച്ചു
- പശ്ചിമേഷ്യയിലേക്ക് സർവീസുകൾ ശക്തിപ്പെടുത്തി എയർ ഇന്ത്യ ഗ്രൂപ്പ്; ഇന്ന് മാത്രം 80 വിമാനങ്ങൾ സർവീസിൽ
- ജി സുധാകരനെ പിന്തുണച്ചാല് കര്ശന നടപടി; പാര്ട്ടി അംഗത്വം ഉള്ളവരെ പുറത്താക്കാന് സിപിഐഎം
