ബോളിവുഡിലെ ഇഷ്ട ദമ്പതിമാര് ആരെന്ന് ചോദ്യം ; എന്റെ അച്ഛനും കരീനയുമെന്ന് സാറ അലി ഖാന് ; സെയ്ഫ്-കരീനയെക്കുറിച്ചുള്ള സാറയുടെ മറുപടി വൈറല്
ബോളിവുഡിന്റെ പ്രിയ താരദമ്പതിമാരാണ് കരീന കപൂര് ഖാനും സെയ്ഫ് അലി ഖാനും. കരിയറിലും വ്യക്തിജീവിതത്തിലും പരസ്പരം ഇത്രയധികം സപ്പോര്ട്ട് ചെയ്യുന്ന താരദമ്പതിമാര് ഇല്ലെന്നു തന്നെ പറയാം. സെയ്ഫിന്റെ ആദ്യ ഭാര്യയിലുള്ള മക്കളോട് ഒരു സുഹൃത്തെന്ന നിലയില് പെരുമാറാനും ഇടപെടാനും കരീനയ്ക്ക് കഴിയുന്നുണ്ടെന്നുള്ളതാണ് അവരുടെ ദാമ്പത്യത്തിന്റെ ഏറ്റവും വലിയ വിജയം. തങ്ങളുടെ സന്തോഷങ്ങളില് സാറ അലി ഖാനെയും ഇബ്രാഹിമിനെയും ഉള്പ്പെടുത്താന് കരീന ഒരിക്കലും മറക്കാറില്ല. അതുകൊണ്ട് സാറയ്ക്കും ഇബ്രാഹിമിനും കരീനയെ വലിയ ഇഷ്ടവുമാണ്.
ഇപ്പോഴിതാ ഇക്കഴിഞ്ഞ ദിവസം തന്റെ പുതിയ ചിത്രമായ മെട്രോ ഇൻ ഡിനോയുടെ പ്രൊമോഷനിടെ ആ സ്നേഹം പ്രകടമാക്കുന്ന ഒരു ഉത്തരം സാറ അലി ഖാന് പറഞ്ഞതാണ് സോഷ്യല് മീഡിയ ഏറ്റെടുക്കുന്നത്. അനുരാഗ് ബസു സംവിധാനം ചെയ്യുന്ന ‘മെട്രോ ഇൻ ഡിനോ’ യുടെ ട്രെയിലർ റിലീസ് ചെയ്ത ചടങ്ങില് വച്ചായിരുന്നു സംഭവം.
ചടങ്ങില് വച്ച്, ബോളിവുഡില് കരിയറിലും ജീവിതത്തിലും വിജയിച്ചു നില്ക്കുന്ന ഇഷ്ട താര ദമ്പതികളാരെന്ന ചോദ്യം സാറയോട് മാധ്യമപ്രവര്ത്തകന് ചോദിച്ചു. ‘‘എന്റെ പിതാവും കരീനയും...’’ എന്നായിരുന്നു അതിന് സാറ അലി ഖാന് നല്കിയ മറുപടി. ചോദ്യം ചോദിച്ചപ്പോള് ആദ്യം, സാറ ഉത്തരം നല്കാൻ മടിച്ചു. വീണ്ടും ചോദ്യം ആവർത്തിച്ചപ്പോഴാണ് താരം മറുപടി പറഞ്ഞത്. അവരില് ഏതൊക്കെ ഗുണങ്ങളാണ് നിങ്ങള്ക്ക് ഇഷ്ടമെന്ന് ചോദിച്ചപ്പോള്, നടി ചിരിച്ചുകൊണ്ട് ചോദ്യം അവഗണിക്കുന്നത് വിഡിയോയില് കാണാം.
ട്രെയിലര് റിലീസ് ചടങ്ങില് ആദിത്യ റോയ് കപൂർ, നീന ഗുപ്ത, സാറ അലി ഖാൻ, അനുപം ഖേർ, പങ്കജ് ത്രിപാഠി, അലി ഫസല്, ഫാത്തിമ സന ഷെയ്ഖ്, കൊങ്കണ സെൻശർമ എന്നിവർ പങ്കെടുത്തിരുന്നു.
ചിത്രത്തില് ആദിത്യ റോയ് കപൂറിനൊപ്പം അഭിനയിക്കുന്ന സാറയുടെ ലുക്ക് ശ്രദ്ധ നേടിയിരുന്നു. ജൂലൈ നാലിനാണ് ചിത്രം തിയറ്ററില് എത്തുന്നത്. ലൈഫ് ഇൻ മെട്രോയുടെ തുടർച്ചയാണ് മെട്രോ ഇൻ ഡിനോ. ആദ്യ ഭാഗം ബോക്സ് ഓഫിസില് മികച്ച പ്രകടനം കാഴ്ചവെച്ചതിനാല് പുതിയ ചിത്രത്തെ വൻ പ്രതീക്ഷയോടെയാണ് ആരാധകർ കാത്തിരിക്കുന്നത്.
YOU MAY BE INTERESTED
LATEST NEWS
- ‘ഞങ്ങളുടെ കഷ്ടകാലത്തിന് മോഹൻലാൽ എന്ന് പറയുന്ന മഹാനടന്റെ വാനപ്രസ്ഥമായിരുന്നു ഓപ്പോസിറ്റായി മത്സരിച്ചത്; അല്ലെങ്കിൽ മണിക്ക് നാഷണൽ അവാർഡ് കിട്ടിയേനെ...’ വിനയന്
- ‘എന്നെ ചോദ്യം ചെയ്യാത്ത ആളുകൾക്കൊപ്പം ജോലി ചെയ്യുമ്പോഴാണ് കൂടുതൽ സമ്മർദ്ദം തോന്നാറുള്ളത്...’ മോഹന്ലാലിനെയും അക്ഷയ്കുമാറിനെയും കുറിച്ച് പ്രിയദര്ശന്
- ‘4 ദിവസത്തെ ശ്രമത്തിന് ശേഷം എന്റെ ഗ്യാസ് സിലിണ്ടർ ബുക്കിംഗ് രജിസ്റ്റർ ചെയ്തുവെന്ന് തോന്നുന്നു...’ രസകരമായ പെയിന്റിംഗ് പങ്കുവച്ച് സുഹാസിനി മണിരത്നം
- ‘അവസാന നിമിഷം റദ്ദാക്കിയതിന് ക്ഷമ ചോദിക്കുന്നു; ഒഴിവാക്കാനാവാത്ത സാഹചര്യം വന്നതിനാലാണ്...’; ‘ആട് 3’ പ്രൊമോഷൻ മുടങ്ങിയതിന്റെ വിശദീകരണവുമായി വിജയ് ബാബു
- ഫാക്ടറി പോലെ കുട്ടികളെ പെറ്റ് കൂട്ടുന്നു, എന്നിട്ട് സഹായം ചോദിച്ചു വരും; ചര്ച്ചയായി വരലക്ഷ്മിയുടെ വാക്കുകള്
