‘‘എന്റെ കണ്ണുകള്‍ പ്രകാശങ്ങളോട് സെന്‍സിറ്റീവാണ്; അല്ലാതെ ഞാനെപ്പോഴും കരയുന്നതല്ല, സന്തോഷവതിയാണ്; അഭ്യൂഹങ്ങള്‍ക്ക് വിരാമമിടൂ...’’ സമാന്ത റൂത്ത് പ്രഭു

Samantha Ruth Prabhu, Samantha Ruth Prabhu on her senstivie eyes

Samantha Ruth Prabhu on her sensitive eyes (Image Source: Instagram)

തെന്നിന്ത്യയില്‍ ഏറ്റവുമധികം താരമൂല്യമുള്ള താരറാണിയാണ് സമാന്ത റൂത്ത് പ്രഭു. തമിഴിലും തെലുങ്കിലുമടക്കം തിളങ്ങി നില്‍ക്കുന്ന താരം അടുത്തിടെ ബോളിവുഡിലും തന്റേതായ ഒരിടം നേടി. കരിയറില്‍ തിളങ്ങി നില്‍ക്കുമ്പോഴും സ്വകാര്യ ജീവിതത്തിലും വലിയ വെല്ലുവിളികളും പ്രതിസന്ധികളും താരം നേരിട്ടിട്ടുണ്ട്. ആരോഗ്യപ്രശ്നങ്ങളും താരം നേരിട്ടു. അവിടെ നിന്നൊക്കെയാണ് ഒരു ഫിനിക്സ് പക്ഷിയെപ്പോലെ താരം പറന്നു പൊങ്ങിയത്.
കരിയറില്‍ വീണ്ടും സജീവമാകുകയാണ് സമാന്ത. ‘സിറ്റാഡല്‍- ദ ഹണ്ണി ബണ്ണി’ എന്ന വെബ് സിരീസിലൂടെ താരം ഒരുപാട് പ്രേക്ഷകരുടെ ഹൃദയം കീഴടക്കി. ഒരുപാട് ആരാധകരുടെ പ്രിയങ്കരിയാണ് സമാന്ത.
ഇക്കഴിഞ്ഞ ദിവസം സമാന്ത വിശാഖപട്ടണത്ത് നടന്ന തന്റെ നിർമ്മാണ കമ്പനിയായ ട്രാ ലാ ലാ മൂവിംഗ് പിക്ചേഴ്സിന്റെ ആദ്യ ചിത്രമായ ‘ശുഭം’ എന്ന സിനിമയുടെ പ്രീ-റിലീസ് പരിപാടിയില്‍ പങ്കെടുത്തിരുന്നു. എന്നാല്‍, പരിപാടിക്കിടയില്‍ സാമന്ത കണ്ണീർ പൊഴിക്കുന്നതിന്റെ ഒരു വീഡിയോ സോഷ്യല്‍ മീഡിയയില്‍ വൈറലായി. അതോടെ പല തരത്തിലുള്ള അഭ്യൂഹങ്ങളും പ്രചരിക്കാൻ തുടങ്ങി.
ഇപ്പോഴിതാ, ഈ വിഷയത്തില്‍ വിശദീകരണവുമായി രംഗത്തെത്തിയിരിക്കുകയാണ് സാമന്ത. തന്റെ വൈകാരികമായ അവസ്ഥയെക്കുറിച്ചുള്ള ഊഹാപോഹങ്ങള്‍ അവസാനിപ്പിക്കണമെന്നും, അധിക വെളിച്ചത്തോട് തന്റെ കണ്ണുകള്‍ക്ക് അമിതമായ സെൻസിറ്റിവിറ്റിയുണ്ടെന്നും, അതുകൊണ്ടാണ് കണ്ണില്‍ നിന്ന് വെള്ളം വന്നതെന്നും സമാന്ത പറഞ്ഞു. തന്റെ കണ്ണുനീരിനെ തെറ്റായി വ്യാഖ്യാനിക്കരുതെന്നും, താൻ പൂർണ്ണ ആരോഗ്യവതിയും സന്തോഷവതിയുമാണെന്നും സാമന്ത ആരാധകരോട് അഭ്യർത്ഥിച്ചു.
‘‘വിശാഖപട്ടണത്തില്‍ ഒരു അത്ഭുതകരമായ സായാഹ്നത്തിന് നന്ദി. നിങ്ങളുടെ പ്രതികരണത്തിലും എല്ലാവരുടെയും സ്നേഹത്തിലും ഞങ്ങള്‍ വളരെയധികം ആവേശത്തിലാണ്. മെയ് 9 ന് റിലീസ് ചെയ്യുന്ന ഞങ്ങളുടെ സിനിമയ്ക്കായി ഞങ്ങള്‍ ശരിക്കും കാത്തിരിക്കുകയാണ്. ഒരു കാര്യം ഞാൻ ഇവിടെ വ്യക്തമാക്കാൻ ആഗ്രഹിക്കുന്നു. ഞാൻ മുമ്പും പറഞ്ഞിട്ടുണ്ട്, വീണ്ടും പറയേണ്ടി വരുകയാണ്.
എന്റെ കണ്ണുകള്‍ പ്രകാശമാനമായ വെളിച്ചങ്ങളോട് വളരെ സെൻസിറ്റീവ് ആണ്, അവ പെട്ടെന്ന് വെള്ളം നിറയുന്ന ഒരു പ്രവണത കാണിക്കുന്നുണ്ട്. അതുകൊണ്ടാണ് ഞാൻ ഇടയ്ക്കിടെ എന്റെ കണ്ണുകള്‍ തുടയ്ക്കുന്നത്. എന്റെ വൈകാരിക ക്ഷേമത്തെക്കുറിച്ച്‌ ധാരാളം പോസ്റ്റുകളും ലേഖനങ്ങളും പ്രചരിക്കുന്നുണ്ട്.
എന്നാല്‍, എന്റെ ഈ അവസ്ഥയ്ക്ക് എന്റെ വൈകാരികാവസ്ഥയുമായി യാതൊരു ബന്ധവുമില്ലെന്ന് ഞാൻ വ്യക്തമാക്കാൻ ആഗ്രഹിക്കുന്നു. ഇപ്പോള്‍ ഞാൻ പൂർണ്ണമായും സുഖമായിരിക്കുന്നു, സന്തോഷവതിയും ആവേശഭരിതനുമാണ്. അതുകൊണ്ട് ദയവായി ഈ അഭ്യൂഹങ്ങള്‍ക്ക് വിരാമമിടുക. നമുക്ക് ഇത് വീണ്ടും ചർച്ച ചെയ്യേണ്ടതില്ല...’’ സമാന്ത പറഞ്ഞു. തന്റെ ഇൻസ്റ്റാഗ്രാം സ്റ്റോറിയിലൂടെ ആരാധകർക്കായി ഒരു വീഡിയോ സന്ദേശം പങ്കുവെച്ചുകൊണ്ടാണ് സാമന്ത കാര്യങ്ങള്‍ വ്യക്തമാക്കിയത്. തന്റെ കണ്ണുനീരിനെക്കുറിച്ച്‌ പ്രചരിക്കുന്ന തെറ്റായ വാർത്തകള്‍ക്ക് വിരാമമിട്ടുകൊണ്ട് സാമന്ത നല്‍കിയ ഈ വിശദീകരണം ആരാധകർക്ക് ഏറെ ആശ്വാസം നല്‍കിയിട്ടുണ്ട്.

View this post on Instagram

A post shared by Tollywood Tide (@tollywoodtide)

സാമന്തയുടെ അരങ്ങേറ്റ നിർമ്മാണ സംരംഭമായ ‘ശുഭം’ മെയ് 9 നാണ് തിയേറ്ററുകളില്‍ എത്തുന്നത്. വസന്ത് മാരിഗന്തിയുടെ രചനയില്‍ പ്രവീണ്‍ കാന്ദ്രെഗുല സംവിധാനം ചെയ്ത ഈ ചിത്രത്തില്‍ ഹർഷിത് മല്‍ഗിറെഡ്ഡി, ശ്രിയ കോന്തം, ചരണ്‍ പെരി, ശാലിനി കൊണ്ടേപ്പുടി, ഗവിറെഡ്ഡി ശ്രീനിവാസ്, ശ്രാവണി എന്നിവരടങ്ങുന്ന പുതുമുഖ താരനിരയാണ് അണിനിരക്കുന്നത്.
സാമന്ത അവസാനമായി അഭിനയിച്ചത് വരുണ്‍ ധവാനോടൊപ്പം അഭിനയിച്ച ആക്ഷൻ-ത്രില്ലർ വെബ് സീരീസായ സിറ്റാഡല്‍: ഹണി ബണ്ണിയിലാണ്. രാജ് & ഡികെ ടീം സംവിധാനം ചെയ്ത ഈ സീരീസ് ആമസോണ്‍ പ്രൈം വീഡിയോയില്‍ സ്ട്രീം ചെയ്തിരുന്നു. സാമന്തയുടെ പുതിയ പ്രോജക്റ്റായ രക്ത് ബർഹ്മാണ്ട്: ദി ബ്ലഡി കിംഗ്ഡം എന്ന വെബ് സീരീസാണ്. അതില്‍ ആദിത്യ റോയ് കപൂറിനൊപ്പമാണ് അഭിനയിക്കുന്നത്.