സിനിമ സെറ്റിലുണ്ടായ മോശം അനുഭവത്തെക്കുറിച്ച് പരാതിപ്പെടാന്‍ തയാറായ വിന്‍സി; അഭിനന്ദവുമായി രേവതി

സിനിമാ സെറ്റിലുണ്ടായ മോശം അനുഭവത്തെക്കുറിച്ച് തുറന്നു പറഞ്ഞ് പരാതിപ്പെടാന്‍ തയാറായ വിന്‍സി അലോഷ്യസിനെ അഭിനന്ദിച്ച് നടി രേവതി. മറ്റേതൊരു ജോലിസ്ഥലത്തെയും പോലെ തന്നെ അച്ചടക്കത്തോടെ പെരുമാറേണ്ട ഇടമാണ് സിനിമാ മേഖലയും എന്ന് രേവതി കുറിച്ചു.

ഷൈന്‍ ടോം ചാക്കോയ്‌ക്കെതിരെ നടപടിയുണ്ടാകും എന്ന പത്രറിപ്പോര്‍ട്ടിന്റെ ചിത്രം പങ്കുവെച്ചുകൊണ്ടണ് രേവതി നടി വിന്‍സിയെ അഭിനന്ദിച്ചെത്തിയത്. കുറിപ്പിനൊപ്പം അവള്‍ക്കൊപ്പം, ഡബ്ല്യുസിസി തുടങ്ങിയ ഹാഷ്ടാഗുകളും രേവതി ചേര്‍ത്തിട്ടുണ്ട്.

വിന്‍സിക്ക് അഭിനന്ദനങ്ങള്‍. സിനിമാ നിര്‍മാണ മേഖല മറ്റേതൊരു പ്രഫഷണല്‍ ആയ ജോലിസ്ഥലത്തെപ്പോലെ തന്നെ അച്ചടക്കം ആവശ്യമുളള ഒരു പ്രഫനല്‍ ഇടമാണെന്ന് നമ്മള്‍ തിരിച്ചറിയേണ്ട സമയമാണിത്. എല്ലാവരും അത് മനസ്സിലാക്കുകയും നമ്മുടെ ജോലിസ്ഥലത്ത് അന്തസ്സോടെയും ബഹുമാനത്തോടെയും പെരുമാറുകയും ചെയ്യേണ്ടത് പ്രധാനമാണ്.

വളരെയധികം ധൈര്യത്തോടെ വിന്‍സിയെപ്പോലുളള സ്ത്രീകള്‍ ശബ്ദമുയര്‍ത്തുമ്പോള്‍ നിയമം അവരെ പിന്തുണയ്ക്കുകയും സമയപരിധിയോടെ ആവശ്യമായ നടപടി സ്വീകരിക്കുകയും വേണം. വര്‍ഷങ്ങളോളം നീതി വൈകുന്നത് നീതി നിഷേധമാണ്. മിക്ക സ്ത്രീകളും ചില പുരുഷന്മാരും ദുരുപയോഗവും ആക്രമണവും സഹിക്കുന്നതിനു കാരണം തുറന്നുപറയുന്നതുകാരണം ജോലി നിഷേധിക്കപ്പെടുകയും നിയമം വെറും നോക്കുകുത്തിയായി മാറുകയും എളുപ്പം നിശബ്ദമാക്കപ്പെടുകയും ചെയ്യുന്നതുകൊണ്ടാണ്.

വിളിച്ചുപറയുന്നത് ജോലി വേണ്ട എന്നാണ് അര്‍ഥമാക്കുന്നത്, നിയമം ഒറ്റപ്പെട്ട വ്യക്തിയാണ്, അവനെ എളുപ്പത്തില്‍ നിശബ്ദനാക്കാന്‍ കഴിയും. ഇത്തവണയെങ്കിലും നിയമം മാതൃകാപരമായ നടപടിയെടുത്ത് നീതി നടപ്പാക്കുമെന്ന് പ്രതീക്ഷിക്കുന്നു രേവതി കുറിച്ചു.