സി.പി.എം. പാര്ട്ടി കോണ്ഗ്രസ് ഇന്നു മുതല് ; മധുരയില് തുടക്കം, പിബിയില് പ്രതീക്ഷവെച്ച് കേരള ഘടകം
കൊല്ലം : സി.പി.എം. 24-ാം പാര്ട്ടി കോണ്ഗ്രസിന് ഇന്ന് മധുരയില് തുടക്കം. പോളിറ്റ് ബ്യൂറോയില് കൂടുതല് പ്രാതിനിധ്യം പ്രതീക്ഷിച്ച് കേരള ഘടകം. പുതിയ ജനറല് സെക്രട്ടറി ആരാകുമെന്നതും നിര്ണായകചോദ്യം. അന്തരിച്ച ജനറല് സെക്രട്ടറി സീതാറാം യെച്ചൂരിയുടെ പകരക്കാരനായി കേരളത്തില്നിന്നുള്ള മുതിര്ന്ന നേതാവ് എം.എ. ബേബിയുടെ പേര് ഉയരുന്നുണ്ടെങ്കിലും അത് അത്ര എളുപ്പമാവില്ല.
ഇതിന് പോളിറ്റ് ബ്യൂറോയില് പിടിമുറുക്കമുള്ള കേരള ഘടകത്തിലെ 'മുഖ്യ'നായ പിണറായി വിജയന്റെ പച്ചക്കൊടി വേണം. 2012 മുതല് പി.ബിയിലുള്ള ഏറ്റവും മുതിര്ന്നയാളാണ് എം.എ. ബേബി. മുഖ്യമന്ത്രി പിണറായി വിജയന് പി.ബിയില് തുടരാന് ഇളവ് ലഭിക്കുമോയെന്നതും പ്രധാനമാണ്. പ്രായപരിധി കഴിഞ്ഞതിനാല് പിണറായി വിജയന് പി.ബിയില് തുടരാന് സാങ്കേതികമായി കഴിയില്ലെങ്കിലും സി.പി.എം. ഭരിക്കുന്ന ഏക സംസ്ഥാനത്തെ മുഖ്യമന്ത്രിയെന്ന നിലയില് വീണ്ടും ഇളവ് ലഭിക്കും.
കഴിഞ്ഞ പാര്ട്ടി കോണ്ഗ്രസിലും ഇളവ് നേടിയാണ് അദ്ദേഹം തുടര്ന്നത്. കൊല്ലത്തു നടന്ന പാര്ട്ടി സംസ്ഥാന സമ്മേളനത്തില് പ്രായപരിധി കഴിഞ്ഞവരെ പി.ബിയിലേക്കും പരിഗണിക്കേണ്ടതില്ലെന്ന തീരുമാനം കൈക്കൊണ്ടിരുന്നു. ഇത് പിണറായിക്ക് ബാധകമാവില്ല. സി.പി.എമ്മിന്റെ പരമോന്നത വേദിയായ പാര്ട്ടി കോണ്ഗ്രസിലാണ് പുതിയ കേന്ദ്ര കമ്മിറ്റിയെ തെരഞ്ഞെടുക്കുക.
YOU MAY BE INTERESTED
LATEST NEWS
- വിറപ്പിച്ച് ജി. സുധാകരന്; വീഴാതിരിക്കാന് ചടുലനീക്കങ്ങളുമായി സി.പി.എം.; വ്യക്തിയുടെ 'ഈഗോ'യ്ക്കുമുന്നില് പാര്ട്ടി മുട്ടുമടക്കില്ലെന്ന് അണികളെ ബോധ്യപ്പെടുത്തും
- ‘ഭുവനേശ്വരന് ആക്രമിക്കപ്പെട്ടപ്പോഴും മരിച്ചപ്പോഴും പാര്ട്ടിയില്നിന്ന് ആരും സഹായിച്ചില്ല, തമിഴ്നാട്ടിലും ബംഗാളിലും കോണ്ഗ്രസുമായി സഖ്യമുണ്ടാക്കിയില്ലേ?’: ജി. സുധാകരന്
- വയനാട് തുരങ്കപാത നിര്മാണം; പ്രകൃതിസംരക്ഷണ സമിതിയുടെ അപ്പീലിനെതിരേ തടസഹര്ജി നല്കി സര്ക്കാര്; സുപ്രീം കോടതിയുടെ ഇടപെടല് നീട്ടിവയ്പ്പിക്കല് ലക്ഷ്യം
- മുകുന്ദേട്ടാ ബി.ജെ.പി. വിളിക്കുന്നു ... സി.സി. മുകുന്ദനെ റാഞ്ചാന് ലക്ഷ്യമിട്ട് ബി.ജെ.പി,; ആശയക്കുഴപ്പത്തില് കോണ്ഗ്രസ്, പ്രാദേശിക തലത്തില് ശക്തമായ എതിര്പ്പ്
- എലത്തൂരില് മന്ത്രി എ.കെ. ശശീന്ദ്രന് മത്സരിക്കണോ? തീരുമാനം നീളുന്നു, തെരഞ്ഞെടുപ്പ് വിജ്ഞാപനം വരുന്നതിനുമുമ്പ് പ്രശ്നങ്ങള് തീര്ക്കണമെന്നു സിപിഎം
