അനില്കുമാര് സര്വകലാശാലയില് ജോലിക്കെത്തി ; വിസിയുടെ നിര്ദേശം അവഗണിച്ച് സുരക്ഷാ ജീവനക്കാര്
തിരുവനന്തപുരം: സിന്ഡിക്കേറ്റ് സസ്പെന്ഷന് പിന്വലിച്ച കേരളാ സര്വകലാശാല റജിസ്ട്രാര് കെ.എസ്. അനില്കുമാര് സര്വകലാശാലയില് എത്തി. രാവിലെ 10.45 ഓടെ തന്റെ ക്യാബിനില് എത്തിയ അനില്കുമാര് ഓഫീസില് പ്രവേശിച്ചു. നേരത്തേ വൈസ്് ചാന്സലര് റജിസ്ട്രാടെ ക്യാമ്പസില് കടത്തിവിടരുതെന്ന് സെക്യൂരിറ്റി ജീവനക്കാര്ക്ക് നിര്ദേശം നല്കിയിരുന്നെങ്കിലും അത് പാലിക്കപ്പെട്ടില്ല.
വൈസ് ചാന്സലര് നല്കിയ നടപടി അവഗണിച്ചുകൊണ്ട് കേരളസര്വകലാശാലയില് സ്വന്തം ചേംബറില് കെ.എസ്. അനില്കുമാര് കയറിയിരുന്നു. നേരത്തേ വൈസ് ചാന്സലര് കെ.എസ്. അനില്കുമാറിനെ സസ്പെന്റ് ചെയ്തെങ്കിലും സിന്ഡിക്കേറ്റ് ഇത് തള്ളിക്കളഞ്ഞിരുന്നു. സിന്ഡിക്കേറ്റ് സസ്പെന്ഷന് പിന്വലിക്കുകയും ചെയ്തിരുന്നു. നേരത്തേ താല്ക്കാലിക വൈസ് ചാന്സലറായിരുന്ന സിസാതോമസ് അനില്കുമാറിനെ സസ്പെന്റ് ചെയ്ത ശേഷം മിനി ഡിജോ കാപ്പന് റജിസ്ട്രാറുടെ ചുമതല നല്കി ഉത്തരവിറക്കിയിരുന്നു.
അതേസമയം വിദേശപര്യടനത്തിന് പോയ ഗവര്ണര് നിയോഗിച്ച താല്ക്കാലിക വൈസ്ചാന്സിലര് മോഹന് കുന്നുമ്മല് ഇതുവരെ സ്ഥലത്ത് എത്തിച്ചേര്ന്നിട്ടില്ല. കഴിഞ്ഞദിവസം വിദേശ പര്യടനത്തിന് പോയ കേരളാസര്വകലാശാല വൈസ് ചാന്സിലര് താല്ക്കാലിക വി.സി.യായി സിസാതോമസിനെ നിയോഗിച്ചിരുന്നു. ഇവരായിരുന്നു റജിസ്ട്രാര് അനില്കുമാറിനെ സസ്പെന്റ് ചെയ്തത്. അതേസമയം മോഹന് കുന്നുമ്മല് ഇന്ന് സര്വകലാശാലയല് എത്തുമ്പോള് വലിയ പ്രതിഷേധം സംഘടിപ്പിക്കാനുള്ള സാധ്യതകളുമുണ്ട്.
LATEST NEWS
- പാചകവാതകക്ഷാമം ; വൈദ്യുതി പ്രതിസന്ധി രൂക്ഷമാക്കി ഇന്ഡക്ഷന് കുക്കര്, പീക്ക് ടൈം വൈദ്യുതി ഉപയോഗം 5000 മെഗാവാട്ടിനു മുകളിലെത്തി
- തെരഞ്ഞെടുപ്പ് ഗോദയില് നിറഞ്ഞ് 'ഡീല്'; വിവാദം ആരെ തുണയ്ക്കുമെന്നത് രാഷ്ട്രീയ കേരളം ഉറ്റുനോക്കുന്നു, പിന്നില് കൃത്യമായ രാഷ്ട്രീയ തന്ത്രം
- ചിത്രം തെളിയുന്നു; നിയമസഭാ തെരഞ്ഞെടുപ്പിനുള്ള നാമനിര്ദേശത്തിന് ഇന്ന് അവസാനം
- 8,931 ദിവസം അധികാരത്തില്; നരേന്ദ്ര മോദിക്ക് പുതിയ റെക്കോഡ്
- വോട്ടർ പട്ടികയിൽ ഇനി പേര് ചേർക്കാനാവില്ല, ജെൻസി വോട്ടർമാരുടെ എണ്ണത്തിൽ വർധനവ്; പൊലീസുകാർക്ക് പോസ്റ്റൽ ബാലറ്റ് അപേക്ഷ തിയതി നീട്ടിയെന്നും രത്തൻ ഖേൽക്കർ
