ദുര്ഭരണം അവസാനിക്കാന് ഇനി 26 ദിവസം: സതീശന്
പറവൂര്: സംസ്ഥാനത്തെ ദുര്ഭരണം അവസാനിക്കാന് ഇനി 26 ദിവസം മാത്രമേയുള്ളൂവെന്നു പ്രതിപക്ഷ നേതാവ് വി.ഡി. സതീശന്. നൂറിലധികം സീറ്റുകളുമായി കേരളത്തില് ടീം യു.ഡി.എഫ്. അധികാരത്തില് തിരിച്ചെത്തും.
24 മണിക്കൂറിനകം ഡല്ഹിയില് കോണ്ഗ്രസ് സെന്ട്രല് ഇലക്ഷന് കമ്മിറ്റി യു.ഡി.എഫ്. സ്ഥാനാര്ഥികളെ പ്രഖ്യാപിക്കും.
ഗ്രൂപ്പിന്റെ പേരില് സീറ്റ് വീതംവയ്ക്കുന്ന കാലം അസ്തമിച്ചു. നേതാക്കള് കൂടിയാലോചന നടത്തി വിജയസാധ്യത പരിഗണിച്ചാണ് സ്ഥാനാര്ഥികളെ തീരുമാനിച്ചത്. കേരളത്തെ തരിപ്പണമാക്കിയ സര്ക്കാരിനെതിരായ ജനങ്ങളുടെ അതിശക്തമായ പ്രതികരണവും യു.ഡി.എഫിനെക്കുറിച്ചുള്ള പ്രതീക്ഷയുമാകും തെരഞ്ഞെടുപ്പില് പ്രതിഫലിക്കുകയെന്നും സതീശന് പറഞ്ഞു.
അഞ്ചു വര്ഷത്തിനിടെ നടന്ന എല്ലാ നിയമസഭാ ഉപതെരഞ്ഞെടുപ്പുകളിലും അത്യപൂര്വമായ പ്രകടനമാണ് യു.ഡി.എഫ്. കാഴ്ചവച്ചത്.
പാര്ലമെന്റ് തെരഞ്ഞെടുപ്പില് 2019-നെക്കാള് കൂടുതല് ഭൂരിപക്ഷത്തിന് യു.ഡി.എഫ്. സ്ഥാനാര്ഥികള് വിജയിച്ചു. തദ്ദേശ തെരഞ്ഞെടുപ്പില് 30 വര്ഷക്കാലത്തെ ഏറ്റവും വലിയ വിജയമാണ് യു.ഡി.എഫിനുണ്ടായത്.
സര്ക്കാരിന്റെ തെറ്റായ നടപടികള് ജനങ്ങള്ക്കു മുന്നില് അവതരിപ്പിച്ചിട്ടുണ്ട്.
എവിടെയൊക്കെ സര്ക്കാര് പരാജയപ്പെട്ടോ അവിടെയൊക്കെ കേരളത്തെ കൈ പിടിച്ച് ഉയര്ത്താനുള്ള പദ്ധതികളും പരിപാടികളുമായാണ് യു.ഡി.എഫ്. മുന്നോട്ട് വരുന്നതെന്നും അദ്ദേഹം പറഞ്ഞു.
LATEST NEWS
- തുടര്ച്ചയായി മൂന്നാം സ്ഥാനത്തേക്കു പിന്തള്ളപ്പെടുന്നു, പാലക്കാട്ട് വ്യാപാരിയെ പരീക്ഷിക്കാന് സി.പി.എം.
- ഒടുവില് വിളി കേട്ടു; മുകുന്ദന് നാട്ടികയില് എന്.ഡി.എ. സ്ഥാനാര്ഥി, ഒപ്പംകൂട്ടേണ്ടതില്ലെന്ന കോണ്ഗ്രസ് നിലപാടില് ബി.ജെ.പി. നടത്തിയ അതിവേഗകരുനീക്കം
- കെ.സിക്ക് മത്സരിക്കണം, മുഖ്യമന്ത്രിയാകണം; എം.പിമാര് മത്സരിച്ചാല് രമേശും സതീശനും മാറിനില്ക്കും, കെ. സുധാകരന്റെ സമ്മര്ദം കൃത്യമായ രാഷ്ട്രീയ അജന്ഡ
- സി.പി.എമ്മില് വിമതവിപ്ലവം! ,കണ്ണൂരില് ഗോവിന്ദന് സ് 'മാഷ്'
- നേമത്ത് രാജീവ് ചന്ദ്രശേഖര്; വട്ടിയൂര്ക്കാവില് ശ്രീലേഖ; പാലായില് ഷോണ്
