"രാഹുൽ ​ഗാന്ധിയും കോൺ​ഗ്രസും വാഗ്ദാനങ്ങൾ നൽകി പാവങ്ങളെ വഞ്ചിക്കുകയാണ്": രാജീവ് ചന്ദ്രശേഖർ

തിരുവനന്തപുരം: രാഹുൽ ​ഗാന്ധിയും കോൺ​ഗ്രസും പാവങ്ങളെ വാഗ്ദാനങ്ങൾ നൽകി വഞ്ചിക്കുകയാണെന്ന് ബിജെപി സംസ്ഥാന അദ്ധ്യക്ഷൻ രാജീവ് ചന്ദ്രശേഖർ. പാവങ്ങളുടെ മുന്നിൽ പോയി ഓരോ കാര്യങ്ങൾ പറഞ്ഞ് അവരുടെ വോട്ട് നേടിയ ശേഷം കൈയും തുടച്ച് പോകുന്നതാണ് കോൺ​ഗ്രസിന്റെ രാഷ്ട്രീയമെന്നും രാജീവ് ചന്ദ്രശേഖർ തുറന്നടിച്ചു. വാർത്താസമ്മേളനത്തിൽ സംസാരിക്കുകയായിരുന്നു അദ്ദേഹം.

കോൺ​ഗ്രസ് പാർട്ടി 1970-ലും 80-ലും ​ഗരിബി ഹഠാവോ (ദാരിദ്ര്യം നീക്കും) എന്ന് പറഞ്ഞ് വാ​ഗ്ദാനം നൽകി എത്രയോ വർഷം ഭരിച്ചു. എന്നാൽ ദാരി​ദ്ര്യം എവിടെയും പോയില്ല. തെരഞ്ഞെടുപ്പ് സമയത്ത് പാവങ്ങളെ എന്തെങ്കിലും പറഞ്ഞ് പറ്റിക്കുകയാണ് കോൺ​ഗ്രസ്. കർണാടകയിലും ഹിമാചൽ പ്രദേശിലും തെലങ്കാനയിലും ന‍ടന്നു. അതിന് ശേഷം ഒരു തെരഞ്ഞെടുപ്പിലും അത് നടന്നിട്ടില്ല. കാരണം ജനങ്ങൾക്ക് അവരെ മനസിലായിട്ടുണ്ട്. ഇത് നുണയാണെന്ന് ജനങ്ങൾക്ക് വ്യക്തമായി.