ഇറാനിലെ എണ്ണ സംഭരണശാലകള്ക്ക് നേരെ ഇസ്രായേലിന്റെ വ്യോമാക്രമണം: കനത്ത നാശനഷ്ടം
ടെഹ്റാന്: ഇറാനിലെ എണ്ണ സംഭരണശാലകള്ക്ക് നേരേ ഇസ്രയേലിന്റെ കനത്ത വ്യോമാക്രമണം. ടെഹ്റാനിലെയും കറാജിലെയും എണ്ണ സംഭരണശാലകള്ക്ക് നേരേയാണ് ശനിയാഴ്ച രാത്രി വൈകി ആക്രമണമുണ്ടായത്. ആക്രമണത്തെത്തുടര്ന്ന് എണ്ണ സംഭരണശാലകളില് വന് തീപ്പിടിത്തമാണുണ്ടായത്. ഇതിന്റെ ദൃശ്യങ്ങളും സാമൂഹികമാധ്യമങ്ങളില് പ്രചരിക്കുന്നുണ്ട്.
നേരത്തെ ടെഹ്റാനിലെ മെഹ്റാബാദ് വിമാനത്താവളത്തിന് നേരേയും വ്യോമാക്രമണം നടന്നിരുന്നു. ഇതിനുപിന്നാലെയാണ് ടെഹ്റാനിലെ വിവിധ എണ്ണ സംഭരണശാലകള് ലക്ഷ്യമിട്ട് ഇസ്രയേല് ആക്രമണം നടത്തിയത്.ആക്രമണത്തിന് പിന്നാലെ എണ്ണ സംഭരണശാലകളില്നിന്ന് വന് സ്ഫോടനശബ്ദ്ദം കേട്ടതായി സമീപവാസികള് പറഞ്ഞു. കിലോമീറ്ററുകള്ക്കപ്പുറമുള്ള വീടുകളെ പോലും സ്ഫോടനം ബാധിച്ചതായും മാധ്യമങ്ങള് റിപ്പോര്ട്ട്ചെയ്തു. ടെഹ്റാനില് ആക്രമണമുണ്ടായ എണ്ണ സംഭരണശാലയ്ക്ക് സമീപമാണ് രാജ്യത്തെ പ്രധാന എണ്ണശുദ്ധീകരണശാലയും സ്ഥിതിചെയ്യുന്നത്. അതേസമയം, എണ്ണ ശുദ്ധീകരണശാലയ്ക്ക് ആക്രമണത്തില് കേടുപാടുണ്ടായോ എന്നത് വ്യക്തമല്ല.
ടെഹ്റാനിലെയും അല്ബോര്സിലെയും നിരവധി എണ്ണ സംഭരണശാലകള് ലക്ഷ്യമിട്ടാണ് ഇസ്രയേല് ആക്രമണം നടത്തിയതെന്ന് ഇറാന് എണ്ണ മന്ത്രാലയം പ്രസ്ത്താവനയില് സ്ഥിരീകരിച്ചു. ടെഹ്റാനിലെ നിരവധി എണ്ണ സംഭരണശാലകളെയും ഊര്ജകേന്ദ്രങ്ങളെയും ലക്ഷ്യമിട്ട് ആക്രമണം നടത്തിയെന്ന് ഇസ്രയേല് സൈന്യവും പ്രതികരിച്ചു. ഇതെല്ലാം ഇറാന്റെ സായുധസേനകള് ഉപയോഗിക്കുന്ന സ്ഥലങ്ങളാണെന്നും അതിനാലാണ് ഇവ ലക്ഷ്യമിട്ട് ആക്രമണം നടത്തിയതെന്നും ഇസ്രയേല് അറിയിച്ചു.
YOU MAY BE INTERESTED
LATEST NEWS
- കെ. സുധാകരന്റെ സ്ഥാനാർത്ഥിത്വത്തിൽ അന്തിമ തീരുമാനം എടുക്കേണ്ടത് ഹൈക്കമാന്ഡ്: രമേശ് ചെന്നിത്തല
- 70 കൊല്ലം മാറി ഭരിച്ച ഇടത്-വലത് മുന്നണികള്ക്ക് ജനങ്ങളുടെ പ്രശ്നം പരിഹരിക്കാന് കഴിഞ്ഞിട്ടില്ല; എല്ലാവരുടെയും ഒപ്പം എല്ലാവര്ക്കും വികസനമെന്നതാണ് ലക്ഷ്യം: രാജീവ് ചന്ദ്രശേഖര്
- കേന്ദ്ര നിദ്ദേശം ഫലം കണ്ടു: തിരുവനന്തപുരം വിമാനത്താവളം അന്താരാഷ്ട്ര നിലവാരത്തിലേക്ക്
- ഇന്ധനപ്രതിസന്ധിക്കിടയില് ആശ്വാസവാര്ത്ത : ഹോര്മുസ് കടന്ന് ഇന്ത്യന് കപ്പലുകളെത്തുന്നു
- രാജ്യസ്നേഹമില്ലാത്ത കോണ്ഗ്രസ്സുകാരെ ഇറാന് കപ്പല് മുങ്ങിയതിനെക്കുറിച്ച് മോദിയുടെ മേല് കയറണ്ട.. ഇന്ത്യ എല്ലാ സഹായവും ചെയ്തിരുന്നുവെന്ന് ഇറാന്
