' നമ്മുടെ നാടിനു ഒരു പ്രത്യേകതയുണ്ട്, ആര്ക്കും തളര്ത്താനാകില്ല' ; സഞ്ജുവിന് അഭിനന്ദനങ്ങളുമായി മുഖ്യമന്ത്രി
തിരുവനന്തപുരം: ടി20 ലോകകപ്പില് വെസ്റ്റ് ഇന്ഡീസിനെ മറികടന്ന് ഇന്ത്യന് ടീമിന് വിജയം സമ്മാനിച്ച സഞ്ജു സാംസണിനെ അഭിനന്ദിച്ച് മുഖ്യമന്ത്രി പിണറായി വിജയന്.
'' നമ്മുടെ നാടിനു ഒരു പ്രത്യേകതയുണ്ട്. ആര്ക്കും തളര്ത്താനാകില്ല. രാജ്യത്തിനു വേണ്ടി ഇനിയും വലിയ നേട്ടങ്ങള് കൊയ്യാനാകട്ടെ. സഞ്ജുവിന് ഹൃദയം നിറഞ്ഞ അഭിനന്ദനങ്ങള്'', എന്നാണ് മുഖ്യമന്ത്രി ഫേസ്ബുക്കില് കുറിച്ചത്.
കൊല്ക്കത്തയിലെ ഈഡന് ഗാര്ഡന്സ് സ്റ്റേഡിയത്തില് നടന്ന മത്സരത്തില് വെസ്റ്റ് ഇന്ഡീസിനെ അഞ്ച് വിക്കറ്റിന് ഇന്ത്യ തകര്ത്തിരിക്കുകയാണ്. വിന്ഡീസ് ഉയര്ത്തിയ 196 റണ്സ് വിജയലക്ഷ്യം നാല് പന്തുകള് ബാക്കിനില്ക്കെ അഞ്ച് വിക്കറ്റ് നഷ്ടത്തില് ഇന്ത്യ മറികടന്നു.
4 സ്കിസും 12 ഫോറും ഉള്പ്പെടെ 97 റണ്സ് നേടി പുറത്താകാതെ നിന്ന സഞ്ജു വിശ്വനാഥ് സാംസണാണ് ഇന്ത്യയെ സെമി ഫൈനലിലേക്ക് കൈപിടിച്ച് കയറ്റിയത്.
വിന്ഡീസിനെതിരെ കൂറ്റന് സ്കോര് പിന്തുടര്ന്ന് വിജയിച്ചതിന് പിന്നാലെ ടി20 ലോകകപ്പില് പുതിയ ചരിത്രം കുറിക്കാനും ഇന്ത്യയ്ക്ക് സാധിച്ചു. ട്വന്റി20 ലോകകപ്പില് ഇന്ത്യ ചേസ് ചെയ്ത് വിജയിക്കുന്ന ഏറ്റവും ഉയര്ന്ന സ്കോറാണിത്. 2014ല് ദക്ഷിണാഫ്രിയക്കെതിരെ ചേസ് ചെയ്ത 173 ആയിരുന്നു ഇതുവരെയുളള റെക്കോര്ഡ്. ടി20 ലോകകപ്പ് ചരിത്രത്തില് ഇതുവരെ 180 റണ്സിന് മുകളില് ചേസ് ചെയ്ത് വിജയിക്കാന് ഇന്ത്യയ്ക്ക് സാധിച്ചിട്ടില്ല.
YOU MAY BE INTERESTED
LATEST NEWS
- കെ ബി ഗണേഷ് കുമാറിന് തിരിച്ചടി; അധ്യക്ഷനായ എന്എസ്എസ് പത്തനാപുരം യൂണിയന് പിരിച്ചുവിട്ടു
- ഇടുക്കിയില് പട്ടയഭൂമിയിലെ നിര്മാണ നിരോധനം നീക്കി; ഭൂമി മറ്റാവശ്യങ്ങള്ക്കും ഉപയോഗിക്കാം
- ഹോർമുസ് കടലിടുക്കിൽ കപ്പൽ ആക്രമിക്കപ്പെട്ടു; കപ്പലിൽ തീപ്പിടുത്തം, ജീവനക്കാരെ ഒഴിപ്പിച്ചു
- നഴ്സുമാരുടെ സമരത്തിൽ ഇടപെട്ട് ഹൈക്കോടതി; ചൊവ്വാഴ്ച മധ്യസ്ഥത ചർച്ച ; ചർച്ച പൂർത്തിയാകുംവരെ സമരം പാടില്ല
- എം ആർ അജിത് കുമാറിനെ എക്സൈസ് കമ്മീഷണർ ചുമതലയിൽ നിന്ന് മാറ്റി; പകരം ചുമതല അഡീഷണൽ എക്സൈസ് കമ്മീഷണർക്ക്
