'നീ എന്റെ ഹീറോയാണ്.. മറ്റുള്ളവന്റെ വീഴ്ചയില് സന്തോഷിക്കുന്നവര് ആഘോഷിക്കട്ടെ ... അപ്പന് ഉണ്ടെടാ കൂടെ'; കഞ്ചാവുമായി പിടിയിലായ മകനെ പിന്തുണച്ച് ടിനി ടോം
കൊച്ചി: കഞ്ചാവ് കൈവശംവെച്ച കേസില് അറസ്റ്റിലായ മകന് ആദം ഷീമിന് ഐക്യദാര്ഢ്യം പ്രഖ്യാപിച്ച് നടന് ടിനി ടോം. ഫെയ്സ്ബുക്ക് കുറിപ്പിലാണു മകനു പിന്തുണയര്പ്പിച്ചു ടിനി രംഗത്തുവന്നത്. എം.ജി. സര്വകലാശാല കലോത്സവത്തില് മകനു ലഭിച്ച ഫലകത്തിന്റെയും സര്ട്ടിഫിക്കറ്റിന്റെയും ചിത്രം പങ്കുവച്ചാണു കുറിപ്പ്. എല്ലാം കാലം തെളിയിക്കുമെന്നും അപ്പന് കൂടെയുണ്ടെന്നും ടിനി ടോം കുറിച്ചു.
'മഹാത്മാഗാന്ധി സര്വകലാശാല കലോത്സവത്തില് നേട്ടം കരസ്ഥമാക്കിയ എന്റെ മകന് ആദം ഷീമിന് ആശംസകള്. നീ എപ്പോഴും എന്റെ ഹീറോയാണ്. സങ്കീര്ത്തനം 91: അവന് നിന്നെ വേട്ടക്കാരന്റെ കെണിയില്നിന്നും, നാശകരമായ മഹാമാരിയില്നിന്നും വിടുവിക്കും. തന്റെ തൂവലുകള് കൊണ്ട് അവന് നിന്നെ മറയ്ക്കും. മറ്റുള്ളവന്റെ വീഴ്ചയില് സന്തോഷിക്കുന്നവര് ആഘോഷിക്കട്ടെ. ഏതു കുരിശിനും മൂന്നാം നാള് ഉയര്ത്തെഴുന്നേല്പ്പുണ്ടാകും. കാലം എല്ലാം തെളിയിക്കും. ദൈവം അനുഗ്രഹിക്കട്ടെ. നിന്റെ അപ്പന് ഉണ്ടെടാ കൂടെ'- ടിനി കുറിച്ചു.
ലഹരിക്കെതിരായ പോലീസിന്റെ യോദ്ധാവ് ബോധവത്കരണ പരിപാടിയുടെ അംബാസഡര് ആയിരുന്നു ടിനി ടോം. ലഹരിയെ പേടിച്ചു മകനു സിനിമയില് ലഭിച്ച അവസരം വേണ്ടെന്നുവച്ചുവെന്ന ടിനി ടോമിന്റെ രണ്ടുവര്ഷം മുമ്പുള്ള പ്രസംഗം വലിയ ചര്ച്ചയായിരുന്നു.
YOU MAY BE INTERESTED
LATEST NEWS
- സ്ഥാനാര്ഥിയെ നിര്ത്തില്ല; ജി. സുധാകരന് പിന്തുണ നല്കാന് യു.ഡി.എഫ്.
- ‘ഭുവനേശ്വരന് ആക്രമിക്കപ്പെട്ടപ്പോഴും മരിച്ചപ്പോഴും പാര്ട്ടിയില്നിന്ന് ആരും സഹായിച്ചില്ല, തമിഴ്നാട്ടിലും ബംഗാളിലും കോണ്ഗ്രസുമായി സഖ്യമുണ്ടാക്കിയില്ലേ?’: ജി. സുധാകരന്
- വയനാട് തുരങ്കപാത നിര്മാണം; പ്രകൃതിസംരക്ഷണ സമിതിയുടെ അപ്പീലിനെതിരേ തടസഹര്ജി നല്കി സര്ക്കാര്; സുപ്രീം കോടതിയുടെ ഇടപെടല് നീട്ടിവയ്പ്പിക്കല് ലക്ഷ്യം
- മുകുന്ദേട്ടാ ബി.ജെ.പി. വിളിക്കുന്നു ... സി.സി. മുകുന്ദനെ റാഞ്ചാന് ലക്ഷ്യമിട്ട് ബി.ജെ.പി,; ആശയക്കുഴപ്പത്തില് കോണ്ഗ്രസ്, പ്രാദേശിക തലത്തില് ശക്തമായ എതിര്പ്പ്
- എലത്തൂരില് മന്ത്രി എ.കെ. ശശീന്ദ്രന് മത്സരിക്കണോ? തീരുമാനം നീളുന്നു, തെരഞ്ഞെടുപ്പ് വിജ്ഞാപനം വരുന്നതിനുമുമ്പ് പ്രശ്നങ്ങള് തീര്ക്കണമെന്നു സിപിഎം
