ഇന്ധന സര്ചാര്ജ് തിരികെ വൈദ്യുതി ബില് കുറയും
തിരുവനന്തപുരം: ഇന്ധന സര്ച്ചാര്ജായി ഈടാക്കിയ തുക ഉപയോക്താക്കള്ക്കു തിരിച്ചുനല്കാന് കെ.എസ്.ഇ.ബി. മാര്ച്ച് മാസത്തെ ബില്ലില് ഈ ഇളവ് പ്രതിഫലിക്കും. ചരിത്രത്തിലാദ്യമായാണ് ഇത്തരത്തില് ഇന്ധന സര്ചാര്ജ് വൈദ്യുതിബില്ലില് കുറവുചെയ്തു നല്കുന്നത്. 2026 ജനുവരി മാസത്തില് വൈദ്യുതി വാങ്ങല്ച്ചെലവിലുണ്ടായ കുറവാണ് കെ.എസ്.ഇ.ബി. ഉപയോക്താക്കള്ക്ക് കൈമാറുന്നത്.
മാര്ച്ച് മാസത്തെ ബില്ലില് കെ.എസ്.ഇ.ബിയുടെ പ്രതിമാസ ബില്ലിങ് ഉപയോക്താക്കള്ക്ക് യൂണിറ്റിന് 2 പൈസയും ദൈ്വമാസ ഉപയോക്താക്കള്ക്ക് യൂണിറ്റിന് ഒരു പൈസയും കുറയുമെന്നു കെ.എസ്.ഇ.ബി. അറിയിച്ചു. താപവൈദ്യുത നിലയങ്ങളില്നിന്നും വൈദ്യുതി വാങ്ങുന്നതിന് റെഗുലേറ്ററി കമ്മിഷന് അംഗീകരിച്ചു നല്കിയ തുകയേക്കാള് കുറഞ്ഞ നിരക്കില് വൈദ്യുതി ലഭ്യമായതാണ് ഈ നേട്ടത്തിനു കാരണം.
കേന്ദ്ര ഊര്ജ മന്ത്രാലയത്തിന്റെ ചട്ടങ്ങള് അനുസരിച്ചു സംസ്ഥാന വൈദ്യുതി
റെഗുലേറ്ററി കമ്മിഷന് താരിഫ് ഭേദഗതി ചട്ടങ്ങള് കൊണ്ടുവന്നിരുന്നു.ഇന്ധനവിലയിലുണ്ടാകുന്ന ഏറ്റക്കുറച്ചിലുകള് അനുസരിച്ച് വൈദ്യുതി നിരക്കില് മാറ്റം വരുത്താന് വിതരണ ലൈസന്സികള്ക്ക് അനുമതി നല്കുന്നതാണു ഭേദഗതി. ഇതുപ്രകാരം, വൈദ്യുതിനിരക്കു കൂടുകയാണു പതിവെങ്കിലും ഇക്കുറി വൈദ്യുതി വാങ്ങല്ച്ചെലവ് കുറഞ്ഞതാണ് ഉപയോക്താക്കള്ക്കു നേട്ടമായത്.
YOU MAY BE INTERESTED
LATEST NEWS
- സ്ഥാനാര്ഥിയെ നിര്ത്തില്ല; ജി. സുധാകരന് പിന്തുണ നല്കാന് യു.ഡി.എഫ്.
- ‘ഭുവനേശ്വരന് ആക്രമിക്കപ്പെട്ടപ്പോഴും മരിച്ചപ്പോഴും പാര്ട്ടിയില്നിന്ന് ആരും സഹായിച്ചില്ല, തമിഴ്നാട്ടിലും ബംഗാളിലും കോണ്ഗ്രസുമായി സഖ്യമുണ്ടാക്കിയില്ലേ?’: ജി. സുധാകരന്
- വയനാട് തുരങ്കപാത നിര്മാണം; പ്രകൃതിസംരക്ഷണ സമിതിയുടെ അപ്പീലിനെതിരേ തടസഹര്ജി നല്കി സര്ക്കാര്; സുപ്രീം കോടതിയുടെ ഇടപെടല് നീട്ടിവയ്പ്പിക്കല് ലക്ഷ്യം
- മുകുന്ദേട്ടാ ബി.ജെ.പി. വിളിക്കുന്നു ... സി.സി. മുകുന്ദനെ റാഞ്ചാന് ലക്ഷ്യമിട്ട് ബി.ജെ.പി,; ആശയക്കുഴപ്പത്തില് കോണ്ഗ്രസ്, പ്രാദേശിക തലത്തില് ശക്തമായ എതിര്പ്പ്
- എലത്തൂരില് മന്ത്രി എ.കെ. ശശീന്ദ്രന് മത്സരിക്കണോ? തീരുമാനം നീളുന്നു, തെരഞ്ഞെടുപ്പ് വിജ്ഞാപനം വരുന്നതിനുമുമ്പ് പ്രശ്നങ്ങള് തീര്ക്കണമെന്നു സിപിഎം
