'എന്റെ കേരളം' പ്രചരണം ; പ്രധാനമന്ത്രിക്ക് നന്ദിപറയാന് സാംസ്കാരിക നായകര് ഡല്ഹിയില്
ന്യൂഡല്ഹി: കേരള 'കേരളം' പേരുമാറ്റത്തില് മോദിക്ക് നന്ദി പറയാന് സാംസ്കാരിക നായകരുടെ സംഘം ഡല്ഹിയില്. പ്രധാനമന്ത്രിയുമായി കൂടിക്കാഴ്ച നടത്തും. സംസ്ഥാന അദ്ധ്യക്ഷന് രാജീവ് ചന്ദ്രശേഖറുടെ നേതൃത്വത്തിലാണ് സംഘം എത്തിയിരിക്കുന്നത്. എന്റെ കേരളം എന്ന പേരില് ബിജെപി വലിയ സാമൂഹ്യമാധ്യമ ക്യാംപെയിന് ഒരുങ്ങുകയാണ്.
ഭരണഘടനയുടെ ഒന്നാം ഷെഡ്യൂളില് ഉള്പ്പെടുത്തിയിട്ടുള്ള 'കേരള' എന്ന നാമം 'കേരളം' എന്നാക്കാന് പ്രധാനമന്ത്രി നരേന്ദ്രമോദിയുടെ അദ്ധ്യക്ഷതയില് ചേര്ന്ന കേന്ദ്രമന്ത്രിസഭ അംഗീകാരം നലകി. കേന്ദ്രം കേരളത്തിനെതിരാണെന്ന സംസ്ഥാന സര്ക്കാരിന്റെ പ്രചരണത്തെ മറികടക്കുക കൂടിയാണ് ബിജെപി പ്രചരണത്തിലൂടെ ലക്ഷ്യമിടുന്നത്. ഈ സാഹചര്യത്തില് വി മധുസുദനന് നായര്, ശ്രീകുമാരന് തമ്പി, േജാര്ജ്ജ് ഓണക്കൂര്, എം. ഉണ്ണികൃഷ്ണന്, ശ്രീജിത്ത് മുത്തേടത്ത് തുടങ്ങിയ കലാസാഹിത്യ നായകന്മാരാണ് പ്രധാനമന്ത്രിക്ക് അരികില് എത്തുന്നത്.
പ്രധാനമന്ത്രിയുടെ പുതിയ ഓഫീസായ സേവാതീര്ത്ഥിലെ ആദ്യ മന്ത്രിസഭായോഗത്തിലാണ് ചരിത്ര തീരുമാനം. പേരുമാറ്റത്തിനായി 2024 ജൂണ് ആറിന് കേരളാ നിയമസഭ പാസ്സാക്കിയ പ്രമേയം പരിഗണിച്ചാണ് നടപടി. പേരുമാറ്റബില് രാഷ്ട്രപതിയുടെ അനുമതിയോടെ മാര്ച്ചിലെ ബജറ്റ് സമ്മേളനത്തില് അവതരിപ്പിക്കും. ബില് നിയമമായാല് സംസ്ഥാനവുമായി ബന്ധപ്പെട്ട കേന്ദ്രസര്ക്കാര് രേഖകളില് 'കേരളം' എന്നാകും.
YOU MAY BE INTERESTED
LATEST NEWS
- നഴ്സുമാരുടെ സമരത്തിൽ ഇടപെട്ട് ഹൈക്കോടതി; ചൊവ്വാഴ്ച മധ്യസ്ഥത ചർച്ച ; ചർച്ച പൂർത്തിയാകുംവരെ സമരം പാടില്ല
- എം ആർ അജിത് കുമാറിനെ എക്സൈസ് കമ്മീഷണർ ചുമതലയിൽ നിന്ന് മാറ്റി; പകരം ചുമതല അഡീഷണൽ എക്സൈസ് കമ്മീഷണർക്ക്
- അനധികൃതമായിട്ടാണ് വോട്ടേഴ്സ് ലിസ്റ്റിൽ പേര് ചേർത്തതെന്ന് ആരോപണം: ശ്രീനാദേവി കുഞ്ഞമ്മയ്ക്കെതിരെ വക്കീൽ നോട്ടീസ്
- തിരുവനന്തപുരം മെഡിക്കൽ കോളേജ് മുൻ സൂപ്രണ്ടിനെതിരെ പീഡന കേസ്
- മതപഠനം എന്ന വ്യാജേന 12വയസുകാരനെ ഒന്നര വർഷത്തോളം പീഡിപ്പിച്ച മദ്രസ അധ്യാപകന് കഠിനതടവ്
