കെപിസിസി അദ്ധ്യക്ഷ സ്ഥാനം മാറിയേക്കില്ല ; സണ്ണിജോസഫ് പേരാവൂരില് മത്സരിക്കും
തിരുവനന്തപുരം: നിയമസഭാ തെരഞ്ഞെടുപ്പ് തൊട്ടടുത്ത് നില്ക്കേ കെപിസിസി അദ്ധ്യക്ഷ സ്ഥാനം മാറിയേക്കില്ലെന്ന് റിപ്പോര്ട്ട്. കെപിസിസി അദ്ധ്യക്ഷന് സണ്ണി ജോസഫ് മത്സരിക്കാനൊരുങ്ങുന്ന സാഹചര്യത്തില് ബെന്നി ബഹന്നാനെ കെപിസിസി അദ്ധ്യക്ഷന് ആക്കാനുള്ള ആലോചന ഹൈക്കമാന്റ് തള്ളി. നിയമസഭാ തിരഞ്ഞെടുപ്പ് കഴിയുംവരെ സണ്ണി ജോസഫ് തുടരട്ടെയെന്ന് ഹൈക്കമാന്ഡ് തീരുമാനിക്കുകയായിരുന്നു.
തെരഞ്ഞെടുപ്പ് തന്ത്രങ്ങള് മെനയുകയും പ്രചരണം നയിക്കുകയും ചെയ്യേണ്ട സമയത്ത് കെപിസിസി അധ്യക്ഷനെ മാറ്റുന്നത് ഉചിതമല്ലെന്ന് ഹൈക്കമാന്ഡ് വിലയിരുത്തി. ഇതോടെ തിരഞ്ഞെടുപ്പ് കഴിയുന്നത് വരെ സണ്ണി ജോസഫിനെ അധ്യക്ഷ സ്ഥാനത്തുനിന്ന് മാറ്റിയേക്കില്ല. അതേസമയം തന്നെ അദ്ദേഹം പേരാവുരില് നിന്നും നിയമസഭയിലേക്ക് മത്സരിക്കുകയും ചെയ്യും. തെരഞ്ഞെടുപ്പ് തയ്യാറെടുപ്പുകളും സംഘടനയുടെ പ്രവര്ത്തനവും ഏകോപിപ്പിച്ച് കൊണ്ടുപോകാനാകുമെന്ന് സണ്ണിജോസഫ് ഹൈക്കമാന്റിന് ഉറപ്പും നല്കിയിട്ടുണ്ട്.
ഭരണം ലഭിച്ച് സര്ക്കാരില് തത്തുല്യ സ്ഥാനത്തേക്ക് പരിഗണിക്കുന്ന വേളയില് അധ്യക്ഷ സ്ഥാനം ഒഴിഞ്ഞാല് മതിയെന്ന് ധാരണ. സണ്ണിജോസഫ് മത്സരിക്കുന്ന സാഹചര്യത്തില് ബെന്നി ബഹനാനെ താല്ക്കാലിക കെപിസിസി അധ്യക്ഷന് ആക്കുന്നത് നേരത്തെ പരിഗണിച്ചിരുന്നു. രണ്ട് ദിവസമായി ഡല്ഹിയില് ഹൈക്കമാന്ഡുമായി നടന്ന കൂടിക്കാഴ്ചയില് അധ്യക്ഷനായി തുടരാന് തയാറാണെന്ന് അറിയിക്കുകയായിരുന്നു.
YOU MAY BE INTERESTED
LATEST NEWS
- തെറ്റ് ചെയ്തിട്ടില്ല, പാര്ട്ടിയില് നിന്നും പുറത്താക്കരുത് ; പാര്ട്ടിക്ക് വിശദീകരണ കത്ത് നല്കി എ. പത്മകുമാര്
- സംസ്ഥാനങ്ങള്ക്ക് അധിക മണ്ണെണ്ണ അനുവദിച്ചു ; പാചകവാതകപ്രതിസന്ധിയില് ബദല്മാര്ഗ്ഗവുമായി കേന്ദ്രം
- 'കുലംകുത്തികളെ കാലം വര്ഗ്ഗവഞ്ചകരെന്ന് വിളിക്കും'; ജി.സുധാകരന്റെ വീടിന് മുന്നില് ബാനര്, സുരക്ഷ കൂട്ടി
- സ്ഥാനാര്ഥിയെ നിര്ത്തില്ല; ജി. സുധാകരന് പിന്തുണ നല്കാന് യു.ഡി.എഫ്.
- വിറപ്പിച്ച് ജി. സുധാകരന്; വീഴാതിരിക്കാന് ചടുലനീക്കങ്ങളുമായി സി.പി.എം.; വ്യക്തിയുടെ 'ഈഗോ'യ്ക്കുമുന്നില് പാര്ട്ടി മുട്ടുമടക്കില്ലെന്ന് അണികളെ ബോധ്യപ്പെടുത്തും
