കോന്നി മെഡിക്കല് കോളജില് ജനറേറ്ററിന് തീപിടിച്ചു
പത്തനംതിട്ട: കോന്നി മെഡിക്കല് കോളജ് ആശുപതിയിലെ ജനറേറ്ററിന് തീപിടിച്ച് മുറി പൂര്ണമായും കത്തിനശിച്ചു. ഇന്നലെ ഉച്ചകഴിഞ്ഞു മൂന്നോടെയാണ് ജനറേറ്റര് റൂമില് അഗ്നിബാധയുണ്ടായത്.
തീ ആളിപ്പടര്ന്നതോടെ മുകള്നിലകളിലേക്കു പുക വ്യാപിച്ചു. രോഗികളും കൂട്ടിരിപ്പുകാരും പരിഭ്രാന്തരായെങ്കിലും അവരെ സുരക്ഷിത സ്ഥാനങ്ങളിലേക്ക് മാറ്റി. ആശുപത്രിയുടെ മുകള് നിലകളില് നിറഞ്ഞുനില്ക്കുന്ന പുക പത്തനംതിട്ടയില്നിന്നു ബ്ലോവര് എത്തിച്ച് പുറത്തുകളഞ്ഞു.
ആശുപത്രിയിലെ പ്രധാന കെട്ടിടത്തിനു സമീപത്താണ് ജനറേറ്ററുള്ളത്. ഉടന്തന്നെ വിദ്യാര്ഥികളും ജീവനക്കാരും ചേര്ന്നു രക്ഷാപ്രവര്ത്തനം നടത്തിയതിനാല് കൂടുതല് അപകടമുണ്ടായില്ല. കോന്നി, പത്തനംതിട്ട സ്റ്റേഷനുകളില്നിന്നു ഫയര് ഫോഴ്സും പോലീസും ഉടനെത്തി നടപടികള് സ്വീകരിച്ചു.തീ നിയന്ത്രണവിധേയമാക്കിയശേഷം സുരക്ഷാ മുന്കരുതലിന്റെ ഭാഗമായി ജനറേറ്റര് റൂമില് സ്റ്റോക്ക് ചെയ്തിരുന്ന ഡീസല് പുറത്തേക്ക് ഒഴുക്കിക്കളഞ്ഞു. തീ പടര്ന്നതോടെ മെഡിക്കല് കോളജിലെ വൈദ്യുതി വിതരണം പൂര്ണമായും വിച്ഛേദിക്കപ്പെട്ടു. ഷോര്ട്ട് സര്ക്യൂട്ടാണ് അഗ്നിബാധയ്ക്കു കാരണമെന്നാണ് പ്രാഥമിക നിഗമനം.
LATEST NEWS
- സുധാകരന്മാര് ഇടംവലം തലവേദന; സ്വയം സ്ഥാനാര്ഥിത്വം പ്രഖ്യാപിച്ച് ജി. സുധാകരന്, ഹൈക്കമാന്ഡിനെ വെല്ലുവിളിച്ച്, മത്സരിക്കുമെന്നു കെ. സുധാകരന്
- കൊച്ചി വാട്ടര് മെട്രോ ആലപ്പുഴയിലേക്കും കൊല്ലത്തേക്കും; 11 സംസ്ഥാനങ്ങളിലും വാട്ടര് മെട്രോയ്ക്ക് സാധ്യതാപഠനം, ആലപ്പുഴയില് 8 പ്രധാന പാതകള് പഠനവിധേയമാക്കി
- ഇടതു ചേര്ന്ന് വലത്തു മാറി, വീണ്ടും ഇടതമര്ന്ന് വര്ക്കല
- തൃണമൂല് നേതാക്കള് ജി. സുധാകരനെ സന്ദര്ശിച്ചു
- കേന്ദ്രസര്ക്കാര് സത്യാവസ്ഥ വ്യക്തമാക്കണം: ജോസ് കെ. മാണി
