ക്യൂട്ട് ലുക്കില്‍ നസ്രിയ; താരത്തിന്റെ പുത്തന്‍ ചിത്രങ്ങള്‍ ഏറ്റെടുത്ത് ആരാധകര്‍

photo-www.instagram.com/nazriyafahadh/

ഏറെ ആരാധകരുളള താരമാണ് നസ്രിയ നസീം. ബലാതാരമായി വന്ന നസ്രിയ വളരെ പെട്ടെന്നണ് സൗത്ത് ഇന്ത്യന്‍ സിനിമയുടെ ക്രഷ് ആയി മാറിയത്. വിവാഹത്തിന് ശേഷമാണ് നസ്രിയ ചെറിയൊരു ബ്രേക്കെടുത്ത് സെലക്ടീവായത്. എന്നാല്‍ അപ്പോഴും നസ്റിയയുടെ ക്യൂട്നസ്സിനും കുട്ടിത്തത്തിനും യാതൊരു കുറവും ഉണ്ടായിരുന്നില്ല.

എന്നാല്‍ ഇപ്പോള്‍ കുറച്ചു കാലങ്ങളായി എല്ലാത്തില്‍ നന്നും അല്പം ഉള്‍വലിഞ്ഞു നില്‍ക്കുകയാണ് നസ്രിയ. സോഷ്യല്‍ മീഡിയയില്‍ നിന്ന് ബ്രേക്കെടുത്ത താരം താന്‍ വല്ലാത്തൊരു മാനസികാവസ്ഥയിലൂടെ കടന്ന് പോകുകയാണെന്നും അധികം വൈകാതെ തിരിച്ചെത്തും എന്നും പറഞ്ഞിരുന്നു. അതോടെ നസ്രിയയും ഫഹദും വേര്‍പിരിയുകയാണ് എന്ന തരത്തില്‍ പോലും ഗോസിപ്പുകള്‍ പ്രചരിക്കുകയുണ്ടായി. പക്ഷേ ഫഹദുമായി യാതൊരു തര പ്രശ്നവുമില്ല എന്ന് തെളിയിക്കുന്ന വിധം മനോഹരമായ കപ്പിള്‍ ഫോട്ടോ പിന്നീട് നസ്രിയ പങ്കുവച്ചിരുന്നു.

ഇടയ്ക്കൊക്കെ സോഷ്യല്‍ മീഡിയയില്‍ തന്റെയും, പെറ്റ് ഡോഗിനൊപ്പമുള്ള ഫോട്ടോകളും, സിനിമാ പ്രമോഷനുമായി നസ്രിയ എത്താറുണ്ട്. അതിലൊന്നും പക്ഷേ പഴയ നസ്രിയയുടെ നിഷ്‌കളങ്കതയോ കുറുമ്പോ കണ്ടിരുന്നില്ല. കാലങ്ങള്‍ക്ക് ശേഷമിതാ നസ്രിയ തന്റെ പഴയ കളിചിരി തമാശയോടെ രണ്ട് ഫോട്ടോകള്‍ പങ്കുവച്ചുകൊണ്ട് എത്തിയിരിക്കുന്നു. നിമിഷ നേരങ്ങള്‍ കൊണ്ടാണ് ആരാധകര്‍ ഫോട്ടോ എറ്റെടുത്തിരിക്കുന്നത്. ബ്ലാക്ക് ആന്റ് വൈറ്റ് ലവ് ഇമോജികള്‍ക്കൊപ്പം പങ്കുവച്ച ചിത്രത്തിന് താഴെ സെലിബ്രേറ്റികള്‍ അടക്കമുള്ളവരുടെ കമന്റ് വരുന്നുണ്ട്.

View this post on Instagram

A post shared by Nazriya Nazim Fahadh (@nazriyafahadh)

കല്യാണത്തിന് ശേഷം ഒരോ രണ്ട് വര്‍ഷം കൂടുമ്പോഴാണ് നസ്രിയയുടെ ഒരു സിനിമ റിലീസാവുന്നത്. 2018 ല്‍ കൂടെ എന്ന ചിത്രം ചെയ്തു, പിന്നെ 2020 ല്‍ ട്രാന്‍സ് ആണ് വന്നത്. 2022 അന്‍ടെ സുന്ദരകി എന്ന തെലുങ്ക് സിനിമ ചെയ്തതിന് ശേഷം ഏറ്റവുമൊടുവില്‍ നസ്റിയയുടേതായി ഒരു സിനിമ പുറത്തിറങ്ങിയത് 2024 ല്‍ ആണ്, സൂക്ഷ്മ ദര്‍ശിനി എന്ന ചിത്രം ഏറെ ശ്രദ്ധ നേടുകയും ചെയ്തിരുന്നു. രണ്ട് വര്‍ഷത്തെ ഇടവേളയ്ക്ക് ശേഷം ഇപ്പോള്‍ സൂര്യയുടെ 47 ആമത്തെ സിനിമയാണ് നിലവില്‍ നസ്റിയ ചെയ്തുകൊണ്ടിരിക്കുന്നത്.