ലൈംഗികപീഡനക്കേസ് ; നിയമസഭാ തെരഞ്ഞെടുപ്പില് മത്സരിക്കണം; വാദം വേഗം കേള്ക്കണമെന്ന് എല്ദോസ്, കോടതി കടുപ്പിച്ചപ്പോള് ഹര്ജി പിന്വലിച്ചു
തിരുവനന്തപുരം: നിയമസഭാ തെരഞ്ഞെടുപ്പില് മത്സരിക്കേണ്ടതിനാല് തനിക്കെതിരായ ലൈംഗികപീഡനക്കേസില് അടിയന്തരമായി വാദം കേള്ക്കണമെന്നാവശ്യപ്പെട്ടുള്ള ഹര്ജി പെരുമ്പാവൂര് എം.എല്.എ. എല്ദോസ് കുന്നപ്പള്ളി പിന്വലിച്ചു. എം.എല്.എയുടെ ആവശ്യത്തെ പ്രോസിക്യൂഷന് ശക്തമായി എതിര്ത്തതിനേത്തുടര്ന്നാണിത്.
ബലാത്സംഗം ഉള്പ്പെടെ, സ്ത്രീകള്ക്കെതിരായ കുറ്റങ്ങളില് പ്രതിയായയാള്ക്ക് എം.എല്.എയുടെ പ്രത്യേകപരിരക്ഷ ലഭിക്കില്ലെന്ന് സ്പെഷല് പ്രോസിക്യൂട്ടര് പൂവച്ചല് എഫ്. വിനോദ് വാദിച്ചു. ആലുവ സ്വദേശിയായ തിരുവനന്തപുരത്തെ അധ്യാപികയാണ് കേസിലെ പരാതിക്കാരി. വിവിധയിടങ്ങളില് പലതവണ പീഡിപ്പിച്ചെന്നും 2022 സെപ്റ്റംബര് 14-ന്
കോവളത്തുവച്ച് മര്ദിച്ചെന്നുമാണ് പരാതി. കേസ് നെയ്യാറ്റിന്കര കോടതി പരിഗണിക്കുന്നതിനിടെയാണ്, താന് എം.എല്.എയാണെന്നും അടുത്ത നിയമസഭാ തെരഞ്ഞെടുപ്പില് മത്സരിക്കേണ്ട സാഹചര്യമുണ്ടെന്നും ചൂണ്ടിക്കാട്ടി, കേസ് അടിയന്തരമായി പരിഗണിക്കണമെന്നാവശ്യപ്പെട്ട് ഹര്ജി നല്കിയത്. എന്നാല്, പ്രോസിക്യൂഷന് എതിര്ക്കുകയും വാദത്തിനിടെ കോടതി ചോദ്യങ്ങള് കടുപ്പിക്കുകയും ചെയ്തതോടെ ഹര്ജി പിന്വലിച്ചു.
യുവതിയുടെ പരാതിയില് കോവളം പോലീസാണ് തട്ടിക്കൊണ്ടുപോകല്, മാനഭംഗം, ഭീഷണി തുടങ്ങിയ വകുപ്പകള് ചുമത്തി എല്ദോസിനെതിരേ കേസ് രജിസ്റ്റര് ചെയ്തത്. കേസ് പിന്വലിക്കാനായി ഭീഷണിപ്പെടുത്തിയെന്നും ഒത്തുതീര്പ്പിന് പണം വാഗ്ദാനം ചെയ്തെന്നും യുവതി പിന്നീട് മൊഴിനല്കി.
സുനില് ജെ. സണ്ണി
LATEST NEWS
- കൊടുവള്ളിയില് സലീം മടവൂര് എല്ഡിഎഫ് സ്വതന്ത്ര സ്ഥാനാര്ത്ഥി
- പാണക്കാട്ടുനിന്ന് പ്രഖ്യാപനം വന്നാൽ നെഞ്ചേറ്റുന്നതാണ് പാരമ്പര്യം , പാർട്ടിയെ പ്രതിസന്ധിയിലാക്കുന്നത് ആരായാലും അവർ ശത്രുക്കൾ'; KPA മജീദ്
- പാലായില് മാണിസാറിന്റെ പേര് പറയാന് പോലും ജോസിന് അര്ഹതയില്ല ; പൂഞ്ഞാറില് 20,000 വോട്ടിന്റെ ഭൂരിപക്ഷം കിട്ടുമെന്ന് പി.സി.ജോര്ജ്
- 'നന്ദി ഇല്ലെങ്കിലും നന്ദികേട് ആവരുത് സണ്ണീ': സണ്ണി ജോസഫിനെതിരെ കെ സുധാകരന് അനുകൂലികളുടെ പോസ്റ്റര്
- പാലായില് എന്ഡിഎ സ്ഥാനാര്ത്ഥി 20,000 വോട്ടിന് ജയിക്കും ; കോട്ടയത്ത് കുറേയേറെ താമരകള് വിടരുമെന്ന് ഷോണ്ജോര്ജ്
