സിസ്റ്റർ റാണിറ്റിനും സംഘത്തിനും ആശ്വാസം; കുറവിലങ്ങാട് മഠത്തിലെ 3 പേര്ക്കും റേഷൻ കാര്ഡ് അനുവദിക്കും
കുറവിലങ്ങാട് മഠത്തിലെ അന്തേവാസികളായ മൂന്ന് കന്യാസ്ത്രീകൾക്കും റേഷൻ കാർഡ് അനുവദിയ്ക്കാൻ സർക്കാർ തീരുമാനം. ഫ്രാങ്കോ മുളയ്ക്കൽ പ്രതിയായ പീഡന കേസിലെ അതിജീവിതയായ സിസ്റ്റർ റാണിറ്റ് ഉള്പ്പെടെയുളളവര്ക്കാണ് റേഷന് കാര്ഡ് അനുവദിക്കാന് സര്ക്കാര് തീരുമാനം. ഭക്ഷ്യമന്ത്രി ജി ആര് അനിൽ കോട്ടയത്ത് എത്തി നേരിട്ട് കാര്ഡ് കൈമാറും. സിസ്റ്റര് റാണിറ്റുമായി സംസാരിച്ചശേഷം മറ്റ് ആവശ്യങ്ങളിലും അനുഭാവപൂര്വമായ നടപടി സ്വീകരിക്കുമെന്നും മന്ത്രി ജി ആര് അനിൽ വ്യക്തമാക്കി.
മഠത്തിലെ സിസ്റ്റര്മാര്ക്ക് റേഷൻ കാര്ഡില്ലെന്നത് ഗൗരവമായി കണ്ടാണ് ജില്ലാ സപ്ലൈ ഓഫീസറെ ബന്ധപ്പെട്ട് അന്വേഷിക്കാൻ ചുമതലപ്പെടുത്തിയതെന്ന് മന്ത്രി ജിആര് അനിൽ പറഞ്ഞു. താലൂക്ക് സപ്ലൈ ഓഫീസറും ജില്ലാ സപ്ലൈ ഓഫീസറും മഠത്തിലെത്തിയപ്പോള് മൂന്നുപേര്ക്ക് റേഷൻ കാര്ഡില്ലെന്ന് വ്യക്തമായി. ഇവര്ക്ക് ആനൂകുല്യം കിട്ടുന്നില്ലെന്നും അറിഞ്ഞു. അവര് താമസിക്കുന്ന സ്ഥലത്തെ വിലാസം ഉള്പ്പെടുത്തി കാര്ഡ് അനുവദിച്ചിട്ടുണ്ട്. അനുവദിച്ച കാര്ഡ് ബുധനാഴ്ച കോട്ടയത്ത് വെച്ച് അവര്ക്ക് കൈമാറുമെന്നും മന്ത്രി ജിആര് അനിൽ പറഞ്ഞു.
കേരളത്തിലെ ഈ സര്ക്കാര് ഇതുവരെയായി ആറു ലക്ഷം കുടുംബങ്ങള്ക്ക് പുതിയ റേഷൻ കാര്ഡ് നൽകിയിട്ടുണ്ടെന്നും വീടില്ലാത്തവര്ക്കും വാടക വീടുകളിൽ കഴിയുന്നവര്ക്കും പുറമ്പോക്കിൽ കുടിൽകെട്ടി കഴിയുന്നവര്ക്കുമടക്കം റേഷൻ കാര്ഡ് നൽകുന്ന സമീപനമാണ് സര്ക്കാര് സ്വീകരിച്ചിട്ടുള്ളതെന്നും ജിആര് അനിൽ വ്യക്തമാക്കി.
LATEST NEWS
- തൊടുപുഴയില് അഞ്ചു പതിറ്റാണ്ടിനുശേഷം തലമുറമാറ്റം; പി.ജെയ്ക്കു പകരം കന്നിയങ്കത്തിന് അപു, എന്ജിനീയറിംഗ് ബിരുദധാരി, പിതാവിനെപോലെ കര്ഷകനും ഗായകനും
- ഡോ. വന്ദനാദാസ് വധം: നിയമപോരാട്ടത്തില് നിര്ണായകമായത് വൈദ്യപരിശോധനാ മാര്ഗരേഖകള് നിരത്തി ആരോഗ്യപ്രവര്ത്തക ഡോ. കെ. പ്രതിഭയുടെ ഇടപെടല്
- അസാധാരണം; ഭരണമുന്നണിയുമായി അടുപ്പമുള്ളവര് എന്ന സംശയം, ഐ.പി.എസ്, ഐ.എ.എസ്. സ്ഥലംമാറ്റത്തില് തിരുത്തല്വരുത്തി കേന്ദ്ര തെരഞ്ഞെടുപ്പ് കമ്മിഷന്
- 13 വര്ഷത്തിനിടെ പാലക്കാട് ജില്ലയില് മരിച്ചത് 28 കുട്ടികള്; സി.ബി.ഐയോടും ക്രൈംബ്രാഞ്ചിനോടും റിപ്പോര്ട്ട് തേടി ഹൈക്കോടതി
- നഴ്സുമാരുടെ സമരം: ചര്ച്ച അലസി
