കാരിത്താസ് ആശുപത്രി ജീവനക്കാരുടെ ഭവനപദ്ധതി പൂര്ത്തീകരിച്ചു
കോട്ടയം :കാരിത്താസ് ആശുപത്രിയിലെ ജീവനക്കാരുടെ ക്ഷേമത്തിനായി മാനേജ്മെന്റിന്റെ നേതൃത്വത്തില് നടപ്പിലാക്കി വരുന്ന ഭവന പദ്ധതി പൂര്ത്തീകരിച്ചു. ആദ്യഘട്ട വീടുകളുടെ താക്കോല് കൈമാറിയതായി കാരിത്താസ് ആശുപത്രി ഡയറക്ടര് റവ.ഡോ. ബിനു കുന്നത്ത് അറിയിച്ചു.
എച്ച്.എസ്.ഡബ്ല്യു എന്ന പദ്ധതിയില് ഉള്പ്പെടുത്തിയാണ് ഇതു നടപ്പാക്കിയത്. സ്വന്തമായി ഭൂമിയുണ്ടായിട്ടും വീടില്ലാതിരുന്ന ജീവനക്കാര്ക്ക് വേണ്ടിയാണു പദ്ധതി. പത്തുപേര്ക്കാണ് ആദ്യഘട്ടത്തില് വീടുകള് നല്കുന്നത്. രണ്ട് കിടപ്പുമുറിയും, ഒരു ഹാളും, ഒരു അടുക്കളയും ഒരു ബാത്ത്റൂമുമാണ് പദ്ധതിയിലുള്ളത്. അഞ്ച് വീടുകളുടെ താക്കോല് കൈമാറി. മൂന്നു വര്ഷമായി ഗ്രേറ്റ് പ്ലേസ് ടു വര്ക്ക് സര്ട്ടിഫിക്കറ്റ് നേടുന്ന സ്ഥാപനമാണ് കാരിത്താസ് ആശുപത്രി. നഴ്സസ് ഡേ ആഘോഷങ്ങള്, കലാപരിപാടികള്, ജീവനക്കാരുടെ കുട്ടികള്ക്കായി പഠന സഹായികളും മെറിറ്റ് സ്കോളര്ഷിപ്പും , ജീവനക്കാരുടെ ജന്മദിനങ്ങളില് സമ്മാനങ്ങള് എന്നിവ നടപ്പാക്കുന്നു. ആശുപതിയിലെ ജീവനക്കാരെയും കുടുംബാംഗങ്ങളെയും ചേര്ത്ത് പിടിക്കുന്ന സമീപനമാണു കൈകൊണ്ടു വരുന്നതെന്ന് റവ.ഡോ. ബിനു കുന്നത്ത് അഭിപ്രായപ്പെട്ടു.
LATEST NEWS
- സുധാകരന്മാര് ഇടംവലം തലവേദന; സ്വയം സ്ഥാനാര്ഥിത്വം പ്രഖ്യാപിച്ച് ജി. സുധാകരന്, ഹൈക്കമാന്ഡിനെ വെല്ലുവിളിച്ച്, മത്സരിക്കുമെന്നു കെ. സുധാകരന്
- കൊച്ചി വാട്ടര് മെട്രോ ആലപ്പുഴയിലേക്കും കൊല്ലത്തേക്കും; 11 സംസ്ഥാനങ്ങളിലും വാട്ടര് മെട്രോയ്ക്ക് സാധ്യതാപഠനം, ആലപ്പുഴയില് 8 പ്രധാന പാതകള് പഠനവിധേയമാക്കി
- ഇടതു ചേര്ന്ന് വലത്തു മാറി, വീണ്ടും ഇടതമര്ന്ന് വര്ക്കല
- തൃണമൂല് നേതാക്കള് ജി. സുധാകരനെ സന്ദര്ശിച്ചു
- കേന്ദ്രസര്ക്കാര് സത്യാവസ്ഥ വ്യക്തമാക്കണം: ജോസ് കെ. മാണി
