എസ്. ജയശ്രീയെ ചോദ്യംചെയ്തു
തിരുവനന്തപുരം: ശബരിമല സ്വര്ണക്കൊള്ള കേസുമായി ബന്ധപ്പെട്ട് തിരുവിതാംകൂര് ദേവസ്വം മുന് സെക്രട്ടറി എസ്. ജയശ്രീയെ പ്രത്യേക അന്വേഷണ സംഘം ചോദ്യംചെയ്തു. അന്വേഷണ സംഘത്തിന്റെ നോട്ടീസിനെ തുടര്ന്ന് ഇന്നലെ രാവിലെയാണ് ജയശ്രീ ഹാജരായത്. തിരുവനന്തപുരം ഇഞ്ചയ്ക്കലിലെ കുറ്റാന്വേഷണ വിഭാഗം ഓഫീസിലായിരുന്നു ചോദ്യംചെയ്യല്.
ശബരിമലയിലെ ദ്വാരപാലക ശില്പ്പങ്ങളിലെ സ്വര്ണപ്പാളികള് കടത്തിയ സംഭവത്തിനു പിന്നിലെ ഗൂഢാലോചനയില് ജയശ്രീക്ക് വ്യക്തമായ പങ്കുണ്ടെന്ന നിഗമനത്തിലാണ് അന്വേഷണസംഘം.
ശബരിമലയുമായി ബന്ധപ്പെട്ട പ്രധാന രേഖകളും വസ്തുക്കളും അനധികൃതമായി പുറത്തേക്ക് കടത്തിയതില് ജയശ്രീയുടെ അറിവോ സമ്മതമോ ഉണ്ടായിരുന്നോ എന്നതാണ് അന്വേഷണ സംഘം പ്രധാനമായും പരിശോധിക്കുന്നത്.
2019ല് ശബരിമലയില്നിന്ന് ദ്വാരപാലക ശില്പ്പങ്ങളിലെ സ്വര്ണപ്പാളികള് അറ്റകുറ്റപ്പണിക്കായി പുറത്തേക്ക് നല്കണമെന്ന ദേവസ്വം ബോര്ഡ് തീരുമാനത്തില് പിന്നീട് ഭേദഗതി വരുത്തി, ഉണ്ണികൃഷ്ണന് പോറ്റിയുടെ കൈയില് ഏല്പ്പിക്കണമെന്ന നിര്ദേശം നല്കിയത് അന്നത്തെ ദേവസ്വം ബോര്ഡ് സെക്രട്ടറിയായിരുന്ന ജയശ്രീയാണെന്നും അന്വേഷണ സംഘം ചൂണ്ടിക്കാട്ടുന്നു.
ജയശ്രീ സമര്പ്പിച്ച മുന്കൂര് ജാമ്യാപേക്ഷകള് ജില്ലാക്കോടതിയും ഹൈക്കോടതിയും നേരത്തെ തള്ളിയിരുന്നു. സുപ്രീം കോടതിയുടെ നിര്ദേശപ്രകാരം അന്വേഷണവുമായി പൂര്ണമായി സഹകരിക്കണമെന്ന് ജയശ്രീക്ക് നിര്ദേശമുണ്ട്.
LATEST NEWS
- സുധാകരന്മാര് ഇടംവലം തലവേദന; സ്വയം സ്ഥാനാര്ഥിത്വം പ്രഖ്യാപിച്ച് ജി. സുധാകരന്, ഹൈക്കമാന്ഡിനെ വെല്ലുവിളിച്ച്, മത്സരിക്കുമെന്നു കെ. സുധാകരന്
- കൊച്ചി വാട്ടര് മെട്രോ ആലപ്പുഴയിലേക്കും കൊല്ലത്തേക്കും; 11 സംസ്ഥാനങ്ങളിലും വാട്ടര് മെട്രോയ്ക്ക് സാധ്യതാപഠനം, ആലപ്പുഴയില് 8 പ്രധാന പാതകള് പഠനവിധേയമാക്കി
- ഇടതു ചേര്ന്ന് വലത്തു മാറി, വീണ്ടും ഇടതമര്ന്ന് വര്ക്കല
- തൃണമൂല് നേതാക്കള് ജി. സുധാകരനെ സന്ദര്ശിച്ചു
- കേന്ദ്രസര്ക്കാര് സത്യാവസ്ഥ വ്യക്തമാക്കണം: ജോസ് കെ. മാണി
