ബില്ലടയ്ക്കാതെ എംവിഡി ,ഫ്യൂസ് ഊരി കെഎസ്ഇബി ; പാലക്കാട് ആർടി ഓഫീസ് ഇരുട്ടിൽ

photo - facebook

പാലാക്കാട് : വൈദ്യുതിബില്ല് കുടിശ്ശികയായതോടെ പാലക്കാട് ആർടിഒ എൻഫോഴ്‌സ്‌മെന്റ് ഓഫീസ് കെട്ടിടത്തിലെ ഫ്യൂസ് ഊരി കെഎസ്ഇബി. നവംബർ, ഡിസംബർ മാസങ്ങളിലെ വൈദ്യുതിബില്ല് കുടിശ്ശികയായതോടെയാണ് ഫ്യൂസ് ഊരിയത്. ഏകദേശം 73,000 രൂപയാണ് ബിൽതുക .

മോട്ടോർ വാഹനവകുപ്പിന്റെ പാലക്കാട് ജില്ലയിലെ പ്രധാന ഓഫീസാണിത്. മരുതറോഡിലെ കെട്ടിടത്തിലാണ് ഓഫീസ് പ്രവർത്തിക്കുന്നത്. കെഎസ്ഇബി ഫ്യൂസ് ഊരിയതോടെ കഴിഞ്ഞ മൂന്നുദിവസമായി മൊബൈൽഫോൺ വെളിച്ചത്തിലാണ് ജീവനക്കാർ ജോലിചെയ്യുന്നത്. ഇതിനുപുറമേ മോട്ടോർ വാഹനവകുപ്പിന്റെ അഞ്ച് ഇലക്ട്രിക് കാറുകളും കട്ടപ്പുറത്തായി.