പാലാത്ര ബൈപാസില് അജ്ഞാത വാഹനം ഇടിച്ച് സ്കൂട്ടര് യാത്രക്കാരന് മരിച്ചു
ചങ്ങനാശേരി: പാലാത്ര ബൈപാസില് അജ്ഞാത വാഹനം ഇടിച്ച് സ്കൂട്ടര് യാത്രക്കാരനായ യുവാവ് മരിച്ചു. വാഴപ്പള്ളി പടിഞ്ഞാറ് നിഷാദ് സദനത്തില് ശശിധരന്റെ മകന് നിഷാദ്(38) ആണു മരിച്ചത്. ഇന്നലെ ഉച്ചകഴിഞ്ഞ് 3.30ന് ആയിരുന്നു സംഭവം. സഹോദരി പുത്രിയുടെ ജന്മദിനമായതിനാല് കേക്ക് വാങ്ങി തിരികെ വീട്ടിലേക്കു വരുമ്പോഴാണ് അപകടം സംഭവിച്ചത്. മതുമൂലയില്നിന്നു പാലാത്രയിലേക്കു വരികയായിരുന്നു നിഷാദ്.
ഈ സമയത്താണ് ഇതുവഴി എത്തിയ വാഹനം സ്കൂട്ടറില് ഇടിച്ചത്. ഇടിയുടെ ആഘാതത്തില് റോഡിലേക്കു തെറിച്ചു വീണ ഇദ്ദേഹത്തെ നാട്ടുകാര് ചേര്ന്ന് ചങ്ങനാശേരി ജനറല് ആശുപത്രിയില് എത്തിച്ചെങ്കിലും രക്ഷിക്കാനായില്ല. അപകടത്തിനു കാരണമായ വാഹനം നിര്ത്താതെ പോയി.
വാഹനം കണ്ടെത്താന് പോലീസ് പരിശോധന ശക്തമാക്കി. പ്രദേശത്തെ സിസിടിവി ക്യാമറകള് കേന്ദ്രീകരിച്ചാണു പോലീസ് അന്വേഷണം ആരംഭിച്ചിരിക്കുന്നത്.
സംഭവത്തില് ചങ്ങനാശേരി പോലീസ് കേസെടുത്തു. ഭാര്യ: ആര്യമോള്. മകന്: ദിഹാന്, മാതാവ് സുമതി, സഹോദരങ്ങള്: നിഷ അഭിലാഷ്, പരേതയായ സരിത കണ്ണന്, സംസ്കാരം ഇന്നു വൈകിട്ട് നാലിനു വീട്ടുവളപ്പില്.
LATEST NEWS
- സുധാകരന്മാര് ഇടംവലം തലവേദന; സ്വയം സ്ഥാനാര്ഥിത്വം പ്രഖ്യാപിച്ച് ജി. സുധാകരന്, ഹൈക്കമാന്ഡിനെ വെല്ലുവിളിച്ച്, മത്സരിക്കുമെന്നു കെ. സുധാകരന്
- കൊച്ചി വാട്ടര് മെട്രോ ആലപ്പുഴയിലേക്കും കൊല്ലത്തേക്കും; 11 സംസ്ഥാനങ്ങളിലും വാട്ടര് മെട്രോയ്ക്ക് സാധ്യതാപഠനം, ആലപ്പുഴയില് 8 പ്രധാന പാതകള് പഠനവിധേയമാക്കി
- ഇടതു ചേര്ന്ന് വലത്തു മാറി, വീണ്ടും ഇടതമര്ന്ന് വര്ക്കല
- തൃണമൂല് നേതാക്കള് ജി. സുധാകരനെ സന്ദര്ശിച്ചു
- കേന്ദ്രസര്ക്കാര് സത്യാവസ്ഥ വ്യക്തമാക്കണം: ജോസ് കെ. മാണി
